استهلاك وقود عربيتي بومه 2007 كلاسك 1300 اوتوماتيك

**مروان** · 18-12-2013 03:31 PM

السلام عليكم يا جماعه و اخيرا و بعد طول انتظار اشتريت البومه 2007 فبريكه دواخل و رشه بره متجنطه و راكبلها عدادات ديبو حلوه جت بسعر مش بطال ب 74

بقالها معايا شهر و هيا 1300 سي سي الموضوع كالتالي مكنتها الحمد لله صوتها جميل احتاجت تظبيط عفشه قدام جبتلها جوز مساعدين و كان فيه مقص بايظ غيرتو الحمد لله ماشيه كويس

نيجي بقه للموضوع الرئيسي استهلاك البنزين انا في الاساس معايا 504 و بحطلها 80 انا اه مش مراقب العداد بتاعها لانها عربيه قديمه بس استهلاكها معقول

لما نيجي نبص للبومه اللي معايا معأن مكنتها حلوه و لسه مغيرلها زيت موبل 1 3000
بتعمل في ال30 لتر بالظبط و بالملي 230 كيلو جوه البلد انا عاوز اعرف الكلام دا مهضوم بالنسبه للانسر و بالاخص ال1300 و لا انا المكنه معايا عاوزه تظبيط و لو عاوزه تظبيط ايه اللي اراجع عليه بالنسبه للحجات الخاصه بالحرق

و سؤال اخير هوا متركبلها جنط 15 حلو و شيك بس لو حبيت اجيب ال 17 علشان ثبات العربيه علطريق عفشتها هتستحمل ولا ايه في البلد الجميله دي ؟؟؟؟ و جزاكم الله كل خير :)

**banzai** · 18-12-2013 04:31 PM

بتعمل في ال30 لتر بالظبط و بالملي 230 كيلو جوه البلد انا عاوز اعرف الكلام دا مهضوم بالنسبه للانسر و بالاخص ال1300

CITY 8.5 L/100Km
HIGHWAY 5.3 L/100Km
COMBINED 6.5 L/100Km
MITSUBISHI Lancer 1.3 16v - 2003, 2004, 2005, 2006, 2007

**مروان** · 18-12-2013 04:47 PM

ماشي تمام معني كده ان المعدل بتاعي تقريبا 7.7 كل 100 كيلو طب السؤال لو معدل وحش ممكن اعرف اظبطو ازاي ؟ انا عارف ان ميكانيكي لازم يبص و يلاحظ المكنه ممكن بوجيهات ممكن سيور مممكن ظبط هوا عجل ممكن فلاتر بس انا عاوز اولويه في الموضوع دا ايه اول حاجه ابص عليها و حاجه مفصله لو سمحتو و انا شاكر جدا طبعا ليكو :)

**مروان** · 18-12-2013 05:07 PM

اقصد ال10 لتر بيعملو 77 كيلو جوه البلد و دا غلط انا غلط في الرد الل فات

**muhmado_furp** · 19-12-2013 01:51 AM

هو كده المعدل قرب من استهلاك ال1600
كل الي هقدر اقولهولك اعمل السيرفس الطبيعي يعني بوجيهات وفلاتر ونضف الانجكشن
وبعد كده نشوف لو الموضوع مش بقي أحسن
أما لموضوع جنط 17 ده لوعملته هتندم ندم كبير وهترجع تغير تاني لان العفشه هتتفرتك
يعني لو عاوز تعلي خليك 15 معقول أو 16 أقصي حاجه والعفشه مش هترتاح