مساعدتكم فى اتخاذ قرار بشأن تركيب ترموستات كوعة مياه

السلام عليكم ورحمة الله وبركاته

ازيكم يا سيتاوية :beat4:

عايز رأيكم فى موضوع تركيب ترموستات كوعة مياه، عايز ارسى على قرار فى الموضوع ده بشكل علمى وبما يناسب ظروف عربيتى

*السبب*

1 - عند التسخين العربية بتبقى تلاجة واعتقد ان تركيب الترموستات هيحبس المياه وهتخليها تسخن أسرع.

2 - تثبيت درجة حرارة الموتور لأنى لما بجرى بالعربية المؤشر بيجى فى نص الشرطة التخينة اللى قبل الزيرو !! وبحس ان صوت العربية على وبتبقى تقيله فى السحب.

3 - كنت بشترى حاجات من عند محمد لادا، وسألته عن الترموستات قالى طالما عندك تكييف الفروض تركب ترموستات كوعه ... ( معرفش ليه ).


*تساؤلات*

1- ايه هى الشرطة الطبيعية اللى فى العداد اللى المفروض تكون الحرارة عليها وثابته؟

2- هل ضرورى ان الحرارة تبقى ثابته اصلا ولا متغيرة ؟

3- كنت لاقيت كابل فى الحوض مفكوك فبسأل الميكانيكى قالى ده بتاع ازابة الجليد، فهل فى علاقة وهل ده ممكن يسخن العربية اسرع ؟ وازاى بيشغتل ولا انا اللى بشتغل نفسى ؟

*مخاوف*

1- لو الطبيعى ان درجة الحرارة فى ابيزا 94 انها تكون على النص، فده معناه انى هتشوى لأن فى الصيف مع تشغيل التكييف الحرارة بتعلى للنصف، وبيدخل عليا صهد جامد جدا والتكييف ساعتها ولا كانه شغال، وده كمان فى حالة ان الطبيعى بتاعى بيبقى على الشرطة الأولى اللى بعد التخينة من غير تكييف فبيعلى لحد النص مع التكييف وبحس بالحر الشديد، فما بالكم لو الطبيعى هو المنتصف.

2- خايف لو المؤشر اللى فى المنتصف هو الطبيعى، ان الحرارة تزيد بسبب التكييف فتعدى المنتصف فتضرب جوان وش السليندر او تبوظ الماتور.

3- هل ترموستات كوعة المياه ممكن تعلق ولو علقت يبقى انا لله وانا اليه راجعون


العداد عندى زى اللى فى الصورة دى
http://nileup.com/up/watermark.php?s...335201.jpg&p=c

نفس المشكله عندى فى الاكسيل
وكمان مشاويرى كلها طرق سريعة

متابع

انت ممكن توسطن الامور تجيب ترموستات الكوعه وتركبها 3 شهور الشتا وتعينها فى الصيف وممكن تسيبها وتراقبها وتشوف هى عمليه فى الصيف ولا خطره (متنساش ان الصيف بيجى تدريجى )
انا عايز اعمل كده بصراحه
انها تعلق اكيد تعلق بسبب الميه العاديه لاكن لو ميه خضره محترمه حتحافظ عليها من الصدى وتزييتها وتعيش معاك

زميلي العزيز
ثرموستات الكوعه مهمه وضروريه لان وظيفتها انها تساعد في تسخين العربيه في الصباح وخصوصا في الشتاء عن طريق خنق المياه اللي داخله للموتور من الردياتير وكلما ارتفعت درجه حراره الموتور تفتح هيا مياه اكتر وهكذا وبالتالي لو تم الغءها هاتحتاج وقت طويل في تسخين العربيه في الصباح في الشتاء وبرضه لن تصل لدرجه الحراره المثلي لتشغيل المحرك ( حوالي 90 ) فما بالك اذا كنت مسافر والهواء البارد بيبرد العربيه اكتر وخطوره كده انه بسبب ضعف في سحب العربيه وبالتالي انت بتضغط بنزين اكتر بدون داعي وده معناه استهلاك بدون لازمه والاخطر ون كده اد ده بيسبب تاكل داخلي في المحرك وبيقصر عمره ده غير ان طبعا هاتحسن ان العربيه متكتفه وتزهق منها
بكده يكون ثرموستات الكوعه مهم ولازم يركب وللعلم نادرا مايعطل فجاه لكن غالبا بيكون ليه اعراض اوليه زي ارتفاع مؤشر الحراره عن الوضع الطبيعي له
اما سؤالك عن ان مؤشر الحراره يحب ان يكون ثابت فده صحيح نوعا ما بمعني انه يتحرك اعلي او اسفل وضعه الطبيعي بحاجه بسيطه اوي تبعا لتشغيل او فصل مروحه التبريد بمعني لو وضعه الطبيعي 90 درجه فممكن يعلي ل 92 وتشتغل المروحه وينزل ل 87 ( حسب ثرموستات المروحه )
بالنسبه للعربيه اللي فيها موشر حراره بدون تدريج موش مهم وضع المؤشر في منتصف التدريج او اعلي او اقل لان العبره وضعه الطبيعي بيقابل درجه حراره 90
انا كان عندي تويوتا كورولا 84 وهيا زيرو كان مؤشر الحراره في بدايه الثلث الاخير يعني فوق المنتصف وده كان بيقابل 90 درجه
ارجوا ان اكون قد وضحت

شكرا جدا على النصايح يا جماعه

استاذ abdoumahros ، كلامك مهم جدا والموضوع بقى واضح بس انا كده استنتج ان الترموستات هى بتحدد درجة الحرارة اللى بيها المروحه تشتغل او الكوعه تقفل
انا عندى بتاعة المروحه بتشتغل تقريبا بعد السبعين على طول، ده لو اعتبرنا ان العلامة الأولى بعد الشريطة التخينه هى 70، فمعنى كده ان المروحة مش هتبطل نهائيا، لأن الترموستات بتاعتها هتفضل حاسة بحرارة نتيجة كوعة المياه اللى بتفهم بـ 90 !

يبقى كده انا فى انتظار اعضاء كمان سيات يوضحولى الشرايط اللى فى المؤشر دى درجاتها كام وناخد رايهم بصفه عامه، وكل اعضاء نايل موتورز يشاركونى، عايزين نحسم القضية دى حتى لكل العربيات ..

اقتباس:

---

المشاركة الأصلية كتبت بواسطة abdoumahros

وبالتالي لو تم الغءها هاتحتاج وقت طويل في تسخين العربيه في الصباح في الشتاء وبرضه لن تصل لدرجه الحراره المثلي لتشغيل المحرك ( حوالي 90 ) فما بالك اذا كنت مسافر والهواء البارد بيبرد العربيه اكتر وخطوره كده انه بسبب ضعف في سحب العربيه وبالتالي انت بتضغط بنزين اكتر بدون داعي وده معناه استهلاك بدون لازمه والاخطر ون كده اد ده بيسبب تاكل داخلي في المحرك وبيقصر عمره ده غير ان طبعا هاتحسن ان العربيه متكتفه وتزهق منها

---

cant agree more

بص ياباشا ثرموستات مهم جدا ولابد من تركيبة لان هو وظيفتة ضبط درجة حرارة الموتور لاعطائك افضل اداء و اقل استهلاك للبنزين لان معروف ان درجة الحرارة المثالية للمواتير عموما 90 درجة انما لابد من مراعاة الاتى قبل تركيبة 1
1- تتاكد من ثرموستات المروحة الاول هو بيشتغل على درجة حرارة كام بالظبط لانة لو اقل من 90 فمعنى ذلك ان المروحة هتفضل شغالة على طول
2 - تعمل دورة تنظيف للريداتير و تحط مياة خضرا او حمرا بس نظيفة من الغالية علشان مايحصلش ان فى رواسب تسد ثرموستات الكوعة و يبقى بلا قيمة

نيجى لنقطة التكييف من الواضح انك عندك تسريب فى حوض العربية لازم تعرف مكانة و تسدة باى نوع من انواع العوازل الحرارية و خد بالك فى بعض انواع العربيات المروحة بتبقى شغالة دايما طول مالتكييف شغال فتاكد من انها بتقى شغالة طول مالتكييف شغال ولا لا و فى عربيات المروحة بتاعتها مش بتشتغل الا عند وصول درجة الحرارة الى درجة معينة سواء مع التكييف ا و غير ذلك و هى دى وظيفة ثرموستات المروحة الى انا اشارت الية فى الاعلى

أساسا الثيرموستات لازم تبقى راكبه صيف و شتا..
فيه حاجه إسمها Operating temperature
و هي درجة حرارة تشغيل المحرك..اللي لازم تكون في رينج معين..طبقا لنوع معدن المحرك.
للحفاظ على عمر المحرك.
______________________
على سبيل المثال.
لو في البرد و مفيش ثيرموستات
تخيل غرفه من الداخل حرارتها مرتفعه جداااااااااا
و من الخارج حرارتها منخفضه جدا..
ده يتسبب في تآكل المحرك أو قفيع أجزاء من المحرك.

اقتباس:

---

المشاركة الأصلية كتبت بواسطة mohammad isdf

شكرا جدا على النصايح يا جماعه

استاذ abdoumahros ، كلامك مهم جدا والموضوع بقى واضح بس انا كده استنتج ان الترموستات هى بتحدد درجة الحرارة اللى بيها المروحه تشتغل او الكوعه تقفل
انا عندى بتاعة المروحه بتشتغل تقريبا بعد السبعين على طول، ده لو اعتبرنا ان العلامة الأولى بعد الشريطة التخينه هى 70، فمعنى كده ان المروحة مش هتبطل نهائيا، لأن الترموستات بتاعتها هتفضل حاسة بحرارة نتيجة كوعة المياه اللى بتفهم بـ 90 !

يبقى كده انا فى انتظار اعضاء كمان سيات يوضحولى الشرايط اللى فى المؤشر دى درجاتها كام وناخد رايهم بصفه عامه، وكل اعضاء نايل موتورز يشاركونى، عايزين نحسم القضية دى حتى لكل العربيات ..

---

ياباشا تحت امرك بس في سوء فهم حصل
ثرموستات الكوع مالهاش دخل بثرموستات المروحه
ثرموستات الكوع بيفتح ويقفل حسب درجه حراره المياه اللي خارجه من الردياتير وداخله علي الموتور
ثرموستات المروحه بيكون راكب علي الردياتير وبيحس بحراره مياه الردياتير
وبكده وببساطه تقدر تقول ان ثرموستات الكوعه عباره عن ثرموستات وبوابه لتنظيم كميه المياه اللي داخله للموتور حسب درجه حرارته وللمحافظه علي درجه حراره الموتور عند 90 درجه وهي الحراره المثاليه للموتور
انا معرفش تدريح مؤشر الحراره في الابيزا شكله ايه لكن بصفه عامه لو مافيش تدريج بيكون اول شرطه مقابل درجه حراره 50 واول الاحمر عند درجه 130 وبكده يكون منتصف المسافه بينهم حوالي 90 بس الافضل تتاكد من الزملاء اصحاب السيات

نسيت اقولك افضل ثرموستات للمروحه هو اللي بيشتغل عند 90 (+ - 2) وبيفصل عند 87
وده الانسب لاي عربيه

طبعاً الأخوة اكرمهم الله جاوبوا أجابات شافية وكافية

أحب اقولك ان فعلا الثرموستات مش بيبوظ فجأة
ثانياُ فعلا لو بتستخدم المبرد اللي كنا قولنا عليه سواء فولكس او هيبو يبقي هتحافظ علي الثرموستات اطول فترة ممكنة
ثالثاُ واضح ان عزل الحوض عندك عايز مراجعة لمنع تسريب حرارة غرفة المحرك لداخل المقصورة
رابعاً ودة المهم
فعلا التدريج عندنا اول شرطة تقريباً 50 والمنتصف هو ال90
وبعد تركيب الثرموستات المفروض الحرارة تثبت عند المنتصف بالظبط
اما عن ثرموستات الردياتير فحاول تجيب الثرموستات بتاعها اللي بيفصل علي 87 وبيشتغل عند 91 لأن واضح من كلامك ان راكب عندك الثرموستات الواطي بتاع 67

بس ياريت تقولنا محمد لادا قالك كام عليه ونوعه ايه وصناعته ايه

تحياتي

الجميع مسبوش حاجه بسم الله ماشاء الله

الاساتذة جابولك من الاخر وما تسمعش كلام الميكانيكيا الكفتجيه اللى يقولولك يا بيه الترموستات دى معمولة للبلاد اللى جوها برد يعنى اوروبا وامريكا . طبعا" ده كلام فارغ وترموستات الكوع مهمة جدا" لسلامة المحرك على المدى الطويل

معنى كده ان انا راكب عندي الترموستات ال 67 لان المؤشر مش بيشوف شرطة النص
هل ده بيأثر على سرعة تسخين العربية او ع الأقل ما تبطلش في اول الدواره

اقتباس:

---

المشاركة الأصلية كتبت بواسطة the magice

معنى كده ان انا راكب عندي الترموستات ال 67 لان المؤشر مش بيشوف شرطة النص
هل ده بيأثر على سرعة تسخين العربية او ع الأقل ما تبطلش في اول الدواره

---

لو اتاكدت انها 67 هات 87
لا هى لاتاثر على فترة التسخين والطبطيل فى اول الدواره بسب سلوك البوجيها والبوجيها وظبط الكهرباء ونظافة الرشاشات وسلامة قوة ضخ الطرمبه

الكلام كله اتقال و اشترح بما فيه الكفاية
قدامك حاجتين لازم تعملهم :-
1- تركب ثرموستات الكوعه 87 و تجرب العربية و هي واقفة بعد مراجعة المياة و تشوف المؤشر وصل فين و مروحة التبريد بتشتغل امتا و تفصل امتا .... لو كله تمام و العربية وصلت 90 و المروحة اشتغلت و فصلت و هي 90 يبقي تمام ... لو محصلش يبقي تغير ثرموستات الرادياتير (الخاص بالمراوح هو كمان ) كما قال الاخوة سابقا
2- تظبط صدر العربية و تقفله كويس عشان اكيد فيه فتحات و تسريب هو اللي عملك مشاكل في التكييف صيفا

اما بخصوص موضوع ثرموستات الكوعه و التكييف .... فكلام الميكانيكي صحيح لأن طول ما التكييف شغال و المراوح بتفضل شغاله باستمرار معاه و بالتالي بتبرد مياة الرادياتير باستمرار و بالتالي بتنزل درجة حرارة المحرك ... و الشيء الوحيد اللي بيفصل بينهما هو ثرموستات الكوعه

انا متشكر جدا يا جماعة على ذوقكم ومساعدتكم ربنا يجازيكم كل خير والله

ان شاء الله هركب ترموستات الكوعة واقولكم عملت ايه

بس فى استفسار اخير

كنت بقرأ فى مشاركات حضراتكم فى احد المواضيع الخاصة بترموستات الكوعة وقريت ان افضل اداء للمحرك بيبقى من عند درجة حرارة 70 إلى 90

فهل فى ترموستات كوعة عند 70 وبكده ما اضطرش اجيب ترموستات ريدياتير ؟ ويبقى الموتور مش هيبقى فيه ضرر عليه لانى ركبت ترموستات الكوعة وفى نفس الوقت ما اضرتش اجيب ترموستات ريدياتير وكمان تجنبت الصهد بتاع الصيف بدل ما الحرارة تبقى 90، ولو مفيش خلاص اجيب ال90 وابقى اشوف موضوع العزل ده والله المستعان.

عايز اقول حاجه بردوا ان الكاوتشه اللى فى المفصل اللى بين قطمة الدريكسيون وعلبة الدريكسيون دى ليها عامل كبير جدا فى دخول الحرارة من الشارع عليا لأنها مقطوعة، لكن هل دى سبب بردوا فى دخول الحراررة من فتحات التكييف ؟.

وشكرااااا

اقتباس:

---

المشاركة الأصلية كتبت بواسطة mohammad isdf

انا متشكر جدا يا جماعة على ذوقكم ومساعدتكم ربنا يجازيكم كل خير والله

ان شاء الله هركب ترموستات الكوعة واقولكم عملت ايه

بس فى استفسار اخير

كنت بقرأ فى مشاركات حضراتكم فى احد المواضيع الخاصة بترموستات الكوعة وقريت ان افضل اداء للمحرك بيبقى من عند درجة حرارة 70 إلى 90

فهل فى ترموستات كوعة عند 70 وبكده ما اضطرش اجيب ترموستات ريدياتير ؟ ويبقى الموتور مش هيبقى فيه ضرر عليه لانى ركبت ترموستات الكوعة وفى نفس الوقت ما اضرتش اجيب ترموستات ريدياتير وكمان تجنبت الصهد بتاع الصيف بدل ما الحرارة تبقى 90، ولو مفيش خلاص اجيب ال90 وابقى اشوف موضوع العزل ده والله المستعان.

عايز اقول حاجه بردوا ان الكاوتشه اللى فى المفصل اللى بين قطمة الدريكسيون وعلبة الدريكسيون دى ليها عامل كبير جدا فى دخول الحرارة من الشارع عليا لأنها مقطوعة، لكن هل دى سبب بردوا فى دخول الحراررة من فتحات التكييف ؟.

وشكرااااا

---

باشا لاتوجد اى علاقه بين شغل ترموستات الكوعه وترموستات الرداتير
المنظومه بتكمل بعضها لاكن لايمكن الاستغناء عن ترموستات الرداتير
1-ترموستات الكوعه ترموستات ميكانيكى بيفتح عند تمدده عند درجه حراره معيره قياسيا
نتيجته انه بيفصل ويوصل دوره مغلقه على المكنه ودوره مفتوحه على الرداتير
2-ترموستات الرداتير ده زى السويتش(زراركهربى) بيفصل ويفتح عند درجات حراره معيره قياسيا
نتيجته بيوصل كهرباء لمراوح التبريد لتشتغل وتفصل حسب درجه الحراره

يا جماعه اجيب ترموستات كوعه نوعها ايه ومنين، انا عايز حاجه المانى لأن عصام الميكانيكى بيقولى كل االلى فى السوق صينى ومش هلاقيها المانى والأستاذ محمد سيد ركبها وعملتله مشاكل !!


مش عارف يقصد م.محمد سيد بتاعنا ولا ايه !!

انا معايا تمبرا مسقط ماتور 2000 اركب الترموستات دى ولا لاء ؟

اقتباس:

---

المشاركة الأصلية كتبت بواسطة شهاب ابوزيد

انا معايا تمبرا مسقط ماتور 2000 اركب الترموستات دى ولا لاء ؟

---

الاول لازم تكون العربيه معاك من 6 شهور مثلا عشان تكون متاكد انها مبتسخنش ومفيش ميه بتنقص من الدوره
بعد ما تكون دوره التبريد سليمه 100% اغسل غسله تاكيد فى بنزينه او عند بتاع الرداتير
ركب الترموستات وحط ميه خضراء اصلى زى موبيل ولازم ميه خضراء عشان سوسته ترموستات الكوع متصديش وتشتغل بكفائتها
انا مركبها عندى من 3 شهور ومفيش مشاكل الحمد لله
انا مكنتى 1600 ايه اخبار المكنه ال2000 فى الجرى والبنزين
والاهم قطع غيارها موجوده عشان بفكر فيها