عرض للطباعة
يا جماعه انا عايز اعرف الموضوع دا عموما ولا عندي بس
انا فولت العربيه ومؤشؤ البنزين تقريبا نزل الربع او اكتر شويه وانا عملت حوالي 90 كيلو
عربيتي 1600 اوتوماتيك
مش عارف قالقني الموضوع دا بس عموما انا لقيت معظم مالكي الصني في الرينج دا
مفيش حل للموضوع دا؟
بتتعدل مثلا بعد التليين؟
ياريت بشمهندس سبعاوي يعلقلنا ع الموضوع دا
انا بضعف لما بعدي علي بنزين 80:smilielol5::smilielol5::smilielol5:
انت فولت العربية والمؤشر نزل الربع بعد 90 كيلو، طب فين المشكلة؟
لو انت مفول المؤشر بيبتدى بتحرك بعد حوالى 30 كيلومتر وبينزل الربع الأولانى فى حوالى 60 كيومتر لأن العوامة ليست خطية (يعنى مش معنى ان العوامة نزلت الربع ان ربع التانك فضى لأنها غير دقيقة لانها عوامة معتمده على عديد من العوامل، منها ان التانك مش منتظم الشكل ومنها ان العوامة تتحرك على مفصلة وليس انزلاقا وبالتالى فمركبة الحركة على حساس العوامة لا تمثل علاقة خطية مع انخفاض مستوى البنزين فى التانك وانما علاقة جيب الزاوية، ومنها ان الحساس نفسه عبارة عن مقاومة سلكية بسيطة لا تعطى دقة ومنها اختلاف فولطية البطارية بين وقت وآخر، وهذا فى كل السيارات وليس الصنى فقط، ) العوامة تعتبر مجرد اسلوب للحصول على فكرة عامة عن مال لدى من وقود(يعنى ما تستطيع قوله بناء على قراءة العوامة هو: التانك مليان، التانك معظمه مليان، التانك نصه تقريبا مليان، التانك لسة فيك كتير، التانك قرب يفضى، التانك تقريبا فاضى) لكن العوامة لا تصلح لأن اقول مثلا(التانك لسة فيه 26 لتر) فهى لا تعطى قراءات دقيقة تصلح لقياس الاستهلاك، الطريقة الوحيدة لقياس الاستهلاك هى تفويل التانك وتصفير العداد ثم استعمال السيارة فى الغرض المراد القياس به (داخل المدينة، خارج المدينة ، بالتكييف، بدون تكييف، قيادة هادئة ، قيادة رياضية) مع الحفاظ على النمط طوال فترة التجربة، يعنى لو طوالى يبقى لازم انهى التجرب فى نهاية الطوالى، لو تكييف يبقى لازم افضل مشغله طوال فترة التجرب، لو داخل المدينة لازم تكون التجربة طويلة قدر الامكان،لعدة ايام مثلا لتعريض السيارة لمختلق الظروف المرورية وظروف حرارة الجو، وبعدين ارجع افول تانى واشوف العربية خدت كام قبل ما توقع نقطة واحدة على الأرض ، كدة اعرف استهلاك العربية، اى طريقة غير كدة تكون غير دقيقة ونسبة الخطأ فيها مرعبة
فيه طريقة تانية على المدى الطويل، انك تاخد قراية العداد ومكان علامة التانك وبعدين تمون عادى وكل مرة تسجل انت مونت كام لتر، وبعد ما تشترى مثلا 300 لتر تشترى البنزين بحيث توصل العربية لنفس مكان العلامة وتحسب انت اشتريت كام لتر والمسافة المقطوعة ، كدة هتبقى نسبة خطا العوامة ضئيلة جدا لأنها خطا فى مرة واحدة مقسومة على عشرة تفويلات مثلا ، بس عيب الطريقة دى انها هديلك متوسط الاستهلاك، للطوالى وللمدينة ولمختلف اشكال القيادة بدون تفريق بين نمط ونمط
كلام سليم بدليل ان المؤشر على الاخر يبقا الخزان فيه كام لتر وبرده بيبدا النزول بعد استهلاك اول 10 لتر تقريبا
ربنا يجزيك خير يا باش مهندس خالد على المعلومات اللي بتثرينا بيها كل يوم وأرجو منك زيادة مشاركاتك لأنها فعلا قيمة
متشكر جدا يا بشمهندس خالد
وان شاء الله اجرب الطرق اللي حضرتلك قلت عليها
فعلا والله انا مش عايز اقولك اني جبت صفحه المواضيع والمشاركات بتاعت البشمهدس خالد عشان استفيد:smilielol5::smilielol5:اقتباس:
المشاركة الأصلية كتبت بواسطة iunknown
ياجماعة بس انا عايز اقول حاجة انا ليا واحد صاحبي معاه عربية صني ومعاه ماتركس والاتنين موديل 2008 والاتنين اتوماتيك وطبعا 1600 سي سي
وفعلا بيقولي ان الصني بتستهلك بنزين بشكل فزيع مقارنة للماتركس لدرجة انه اصبح سايب الصني في الجراج وعلى طول بيقضي مشاويره بالماتركس وتقريبا عديم استخدام السيارة الصني عشان حكاية البنزين دي
انا بس كنت عايز اوضح تجربة صاحبي والله اعلم
الصنى 2 كامة يمكن عشان كدة بتاخد بنزين كتير
بس يا جماعة مش بالشكل الفظيع اللى بتحكو عنو
العربية عندنا ومعقولة فى الاستهلاك
اقتباس:
المشاركة الأصلية كتبت بواسطة ahmed21015
هو مش فظيع بس عالي بالنسبه لمثيلاتها
بس العربيه نفسها ولا كلمه الحقيقه
وانا سمعت ان ممكن يظبطو الرشاشات بالكمبيوتر لما تروح تعمل صيانه ف التوكيل والبنزين بيتظبط اكتر من الاول
بالعكس المفروض تستهلك أقل عشان 2 كامةاقتباس:
المشاركة الأصلية كتبت بواسطة ahmed21015
انا حتكلم بالارقام لاني عملت عدة تجارب
العربية ب20 لتر بنزين طوالي بدون تكييف علي الصحراوي عملت 230 كم
العربية ب20 لتر بنزين داخل المدينة بالتكيف بس مش مستمر يعني الصبح بس و باليل لا عملت 180 كم
طبعا الصفيحة =20 لتر بنزين
يا تري اية الاخبار ممكن تجربوا و تقوللي العربية اوتوماتك
ى
انا معايا صني 2007 اوتوماتك
حسبت الاستهلاك كتير
المتوسط هو بالظبط كوبي و بيست اللي كان سبعاوي باشا كاتبه
حوالي 200 كيلو للصفيحه جوه البلد
و اكتر من كده يمكن كمان بيوصل ل 240 للصفيحه طريق سفر(سرعات ما تحت ال100 كيلو) انما محدش يحسب علي سرعات اعلي من 100 كيلو لأن الاستهلاك بيتضاعف علشان مقاومه الهوا للعربيه
و بالمناسبه و علشان تقدرو العربيه حق قدرها انا كان معايا فيليشيا 98 كاربيراتير مانيوال ز كان الاستهلاك الامثل بتاعها بنزين 92 هو 200 كيلو في الصفيحه و دي عربيه 1300 سي سي
يبقي لما الاقي نفس الاستهلاك مع عربيه 1600 سي سي و اوتوماتك و تكييف شغال معظم الاوقات يبقي كده تمام قوي بالنسبالي
طيب يا جماعه انا الاستهلاك بتاعي اعلي من كده بكتير بس انا لسه شاريها وانا بلين دلوقتي وعامل 400 كيلو
ومستني اما اروح صيانه الالف اقولهم علي الموضوع
لما تروح الصيانه تبقي تقولهم بس خد بالك انك مينفعش تحسب استهلاك لسه, مش قبل 5000 كيلو
يعني زياده الاستهلاك في الاول دا حاجه طبيعيه ولا ايه النظام؟
اه طبيعي لحد ماتروح تعمل الصيانه و ابقي قولهم علي حوار البنزين و حتتظبط ان شاء اللهاقتباس:
المشاركة الأصلية كتبت بواسطة sNIPER_007