الموضوع: تجربتي النهارده مع دايموند مارينا اللي في الغردقة

السلام عليكم جميعا

انا كنت اشتريت لانسر بومه 2007 اتوماتيك 1600 خليجي عامله 132 الف كيلو و طبعا كنت عايز اظبطها واغير زيوت و عفشه و سير كاتينه و بليه و كله بس طبعا بعد ماجبت العربيه كنت اتزنقت حبتين في الفلوس و كده المهم ماعلينا انا كلمت المهندس هناك و قولتله عايز مبدئيا اغير كاتينه و بليه بس قالي ماشي و تعاله و خدت معاد و روحت
قبل ماروح سئلت عليها بره
السير اصلي ب 270 و البليه ب 300 واي ميكانيكي هايخدوله مصنعيه 50 ولا 100 جنيه انا ماعرفش كام الصراحه المهم حسابتها و قولت لا اروح التوكيل احسن و خلاص
في التوكيل بقي السير ب 250 والبليه ب 250 من غير ضريبه الاتنين علي بعض بعد الضريبه عاملين 550 + 250 مصنعيه وكانوا عايزين ياخدوه ضريبه طبعا علي المصنعيه بس انا قولتلهم لااااااااااا انسي ده انا هاشحت جنب العربيه مش معايا فلوس تاني خاااااااااااااالص
الصراحه المهندس اللي هناك كويس و محترم اوي و اسمه هيثم لو حد في الغردقة وعايز يروحله انا معايا تليفونه
المهم انا خليته هو و الصنايعيه يظبطوا بقي العربيه و كده
الصنايعيه الصراحه ماتاخروش يعني ومنهم واحد اسمه سامح

1 : نفخلي العربيه كلها بالهوا ومسحلي كل التراب اللي علي الموتور و البطاريه و من فوق و من تحت و تمام التمام

2 : غير سير الكاتينه و البليه اللي انا اشتريتهم من عندهم و الواد بقي لاقي سير الدينمو تعبان مش اصلي راح جايبلي واحد من عنده نضيف و ركبه

3 : جيه ينضف فيلتر الهوا لاقه مش الاصلي و تعبان و ناشف اوي و انا شوفته كان ماليان تراب و حشرات و حاجات كده لاقيته راح جايب واحد مستعمل بس نضيف اصلي و هوب راكب راكب

4 : فتح الراداتير لاقي الميه الخضرا نقصه راح مزود من جركن جديد عنده فتحه و زود

5 : زود زيت بور

6: زود مياه لقربه المساحات

7 : نضف الطنابير و العربيه و العفشه من التراب بالهوا بعد مارفعناها

8: ربط العفشه كلها قدام و وراه

9: المهندس بقي كشفلي علي العفشه و قالي محتاجاه مقصات قدام عشان الجلب بتاعتها قديمه وكما قالي محتاج قاعده موتور امامي و الصداده او الشداد اللي تحت الفتيس ديه مش فاكر اسمها ايه اللي فيها الحلقه اللي بتتشد منها العربيه قالي ديه واخده مطب و كانت مطبقه فعلان

10: كشفلي بالكمبيوتر علي العربيه عشان التكييف و الموتور و كله كله بس طبعا عندي شريط ايرباج بايظ زي تلات تربع البومه بس العربيه مافيهاش حاجة الحمد لله

11: كشفلي علي تيل الفرامل و قالي التيل اللي فيها مش اصلي و طبع علي الطنابير لما تغيره هات راسما ولا اي حاجة المهم مش الاصلي عشان الاصلي مشش هايمشي مع الطنابير ديه

12 : زيت الموتور طلع كويس بس قالي زيت الفتيس هو اللي لازم يتغير و قالي حط موبيل او توتال او شل عادي حط اي حاجه بس انا قولته بعدين هاغيره في القاهره

13 : وهما بيركبوا العجل الصنايعي لاقي انه الطاسات راكبه من غير افيز لاقيته جبلي 8 افيز اتنين لكل عجله



ملاحظاتي بقي : الصراحه الناس هناك تعاملها ذوق جدا و محترمين وبيخلوك واقف معاه تتفرج علي كل حاجة بيعملوها في العربيه و المهندس بيعرفك ديه ايه و سبباها ايه و بتعمل ايه
قالي انه المواتير الخليجي زي المصري هي هي و الاتنين بيدوا 121 حصان بس التوكيل بيقول 108فعلي قالي بس اللي يفرق انه الخليجي معالج ضد السخونه و يستحمل عن المصري بشويه وانه ده انتمونيا و ده الالمونيا انا عن نفسي ماعرفش ايه الفرق

شوفت بقي هناك كميه عربيات وايه كله جديد 2013 و 2014 اللي مقلوب و اللي مطبق وكان في بقي كذا واحد معاهم 2013 كانوا بيتفرجوا علي عربيتي و المهندس قالهم بصوا عفشه ال 2007 اقوي عشان عمود الاتزان و كذا حاجه تانيه كده وقال الموديلات الجديده مركبنلها عفشه ال 1300 العفشه الفاضيه مش الاسبورت وكان في واحد قاعد معايا زعلان و بيقولي بجد انا مضايق صاج العربيه لو اي حد ريح عليه بيطبق الصاج خفيف اوي و ده كان معاها 2013

اللي شوفتها بقي و مصدقتش النيسان الصني الجديده كانت جايه واخده خبطه في الاكصدام الوراني خفيفه كده المهم الواد بيفك الاكصدام ولكم ان تتخيلوا حتي المهندس كان بيسئل الصنيعي فين بقيت الاكصدام .؟؟؟ الاكصدام الفيبر بتاعها مربوط كده و من تحتيه مجرد حته فل الفل الابيض القديم بتاع زمان ديه ومافيش عضم ولا شاسيه بالعرض ولا اي حاجة الشنطه و عليها الفل الابيض ده و راكب بعد كده الاكصدام و دمتم هههههههههههههه وديه كانت عربيه فبريكا جايه من اباظه عشان التوكيل كان ماسك الشغل لاباظه


الخلاصه فرع دياموند الغردقة الصراحه ناس محترمين و ذوق

واسف علي رغي الكتيرررررررررررررررررررر

طيب ممكن حضرتك رقم موبايل المهندس بتاع التوكيل