الموضوع: ار بي ام

موشر ار بي ام بيوصل الي 2100 في بداية التشغيل ثم ينزل الي 1500 واتحرك بالعربية ولما الحرارة تعلي يصل الي 900
مع العلم ان زيت الموتور تخليقي
منظف جميع الحساسات والبوابة ومغير فلتر الهواء

هل دة طبيعي

حساس السلانسية

فى محركات الحقن الألكترونى.......

ألا وهو بلف الأيدل كنترولرidle air control valve

-يركب بلف الأيدل كنتنرولر على جسم الخانق ( قبل الباب مباشرة )

حيث يقوم بالتحكم فى كمية الهواء المار من خلال الخانق

بعمل باى باص على البوابه لأمدام المحرك بكمية الهواء الازمه للسلانسيه.....

-يصمم البلف من خلال تصميم هندسى معين....


وهو عباره عن موتور صغيرstepper motor

هذا الموتور.....ذو تصميم معين ومركب على محوره عمود صغير فى نهايته ابره (بلف التحكم)....

وذلك للتحكم فى فتحة مرور الهواء وقت السلانسيه..........

-يتم التحكم فى الفتحه بإثاره هذا الموتور كهربيا

بواسطه أشاره كهربيه وارده اليه من وحدة التحكم..........

-وأحب أن أشير الى أن السرعه المطلوبه من المحرك بتكون مبرمجه لكل أحوال التشغيل

المطلوبه من خلال دراسات سابقه تمت ...وعمليات معايره مسبقه....
.
-السرعه الخاصه بالسلانسيه بتكون مصممه بناءا على درجة حرارة مياه التبريد وجهد البطاريه


وضغط جهاز التكييف

وكذلك بناءا على وضع الselector switch(فى حالة أنظمة ناقل الحركه الأوتوماتيكى).....

يعنى لو السلكتور موضوع على الوضع N أوP

....وحدة التحكم حتعرف أن الوضع ده هو وضع السلانسيه المطلوب لسرعة المحرك..........

-المعلومات دى بتكون مخزنه ومحفوظه داخل ذاكرة وحدة التحكم بصفه دوريه ودائمه.....

لقراءتها والتفاعل معها مره أخرى عند تبطيل المحرك وأعادة تشغيله بعد ذلك........

-برضه عاوز أشيرأن التغيرات اللى ممكن تحدث لسرعة السلانسيه نتيجة العمر الأفتراضى للبلف

وعمليات التقادم.....بتكون طفيفه للغايه ولا تذكر...ولا تؤثر على آداء المحرك تجاه سرعة السلانسيه ...

.طالما هناك نظام صيانه دوريه من ناحية نظافة البلف بصوره مستمره...

.وذلك عند الشعور بحدوث أختلال فى الآداء.............

-وأنظمة التحكم عامة بيلزم لها أعادة تهيئه لتنشيط ذاكرة وحدة التحكم فى حالة فصل البطاريهlearning

...لأن وحدة التحكم يلزم لها أمداد كهربى دائم للحفاظ على نشاطها......

-علشان كده بنلاحظ عند أى أختلال فى سرعة السلانسيه فى حالة فصل البطاريه لعمل صيانه معينه

أو فى حالة تلف البطاريه.......وفى هذه الحاله قد يلجأ قائد السياره للضغط جزئيا على الأكسراتير

لفتح البوابه قليلا....للسماح بدخول هواء كافى لبدء الأداره والحفاظ على سلانسيه مناسب.......

.وده بيستمر لفتره بسيطه الى أن تقوم وحدة التحكم بالتعرف على وضع السرعه المطلوبه

منها..........

.-برضه يلاحظ أن أقل فتحه مطلوبه ومقننه لبلف الأيدل بيتم ضبطها ومعايرتها لدى صانع المحرك

(وهى فى المصنع )......قبل طرح المحرك للبيع فى السوق الخارجى.......

وذلك من خلال مسمار ضبط موجود على محور عمود الموتور اللى قولنا عليه......

وبالفعل بيقوم صانع المحرك بتغطيه هذا المسمار بطبه أو غطاء من البلاستيك(أو الفيبر)....

.وغير مسموح على الأطلاق برفع هذا الغطاء لعمل أعادة ضبط لفتحة البلف

من خلال حل أو رباط مسمار الضبط........

وذلك لعدم حدوث أختلال فى منظومة التحكم ......وقد يتلف البلف وتضطر لتغييره.......

- طيب فيه سؤال قد يتبادر الى الذهن ....

أزاى وحدة التحكم بتعرف أن السرعه المطلوبه من المحرك هى سرعة السلانسيه......

-دا بيتم من خلال قراءة وضع وحاله الاشاره اللى رايحه للوحده من خلال عنصر آخر مهم

وموجود فى دائرة التحكم....ألا وهو حساس وضع الخانق throttle positioning sensor tps



.....وبأذن الله سأقوم بالتحدث عنه مع حضراتكم فى مره قادمه..............
.
-فى النهايه أحب أن أقول بأن الوظيفه الموكله والمطلوبه من بلف الأيدل.......

بتشابه الى حد كبير الوظيفه التى يقوم بها مسمار الهواء المتواجد على جانب الكربوراتير

فى المحركات التقليديه


----------------------------------


مع تقادم عمر البلف وتعرضه للنقصان فى الكفاءه أو مايسمى بالخلل الفنى نتيجة العمر الأفتراضى

ومع تعرض التغذيه الكهربيه الذاهبه لعملية التحكم ( كمبيوتر السياره )

للفصل المؤقت مثل حالات

تغيير البطاريه أو عمل أى صيانات كهربيه أو ميكانيكيه داخل حوض المحرك

بيحصل عدم تجانس بين وحدة التحكم والبلف نفسه ( بيزعلوا من بعض يعنى )

طيب أحنا بأه عاوزين نرجع المياه لمجاريها بين البلف ووحدة التحكم


نعمل أيه .............................؟

الإجابه

نعمل أعادة تنشيط لذاكرة وحدة التحكم

أى نوفق بين تجانس وحده التحكم مع وضع البلف

وأدى الطريقه فى عائلة الدايو

طريقة أعادة تنشيط ذاكرة وحدة التحكم تجاه سرعة السلانسيه idle learn procedure

-بعد فصل البطاريه لعمل صيانه معينه بالسياره أو بعد رفع وحدة التحكم من مكانها بهدف الكشف عليها

وخلافه أو عند تغيير فيوز الأمداد العمومى يلزم عمل الآتى لتنشيط ذاكرة وحدة التحكم......................

بعد عمل جميع التوصيلات المطلوبه وتجهيز منظومة السياره للعمل نفذ الخطوات التاليه

1- أفتح الكونتاكت لمده 5 ثوانى

2-أغلق الكونتاكت لمدة5 ثوانى

3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه

4-أترك المحرك للتسخين حتى الوصول لأقصى درجة حراره ممكنه

(لحد ماتعمل مراوح تهوية الردياتير).....

تقريبا درجة الحراره فى هذه الأثناء بتصل الى 85 درجه مئويه

5- شغل التكييف (أن وجد) لمدة 10 ثوانى

6-أفصل التكييف(ان وجد) لمدة 10 ثوانى

وأذا كانت السياره مزوده بناقل حركه أوتوماتيكى (فتيس أوتوماتيك).......

أفعل الآتى

1-أرفع فرامل اليد...

.وأثناء الضغط على دواسة الفرامل ضع زراع التعشيق للفتيس على الوضع D

2-شغل التكييف لمدة 10 ثوانى

3-أفصل التكييف لمدة 10 ثوانى

بعد ذلك أفصل الكونتاكت وسمى الله ......

وبكده تم المراد بأذن الله

____________________________


وده تعليق آخر حول هذا المعنى مع شكل منظور للبلف

مع شرح مبسط لطريقة تنظيف البلف مع وجود خلل فى آداء البلف





دى صورة بلف الأيدل (من عندنا من قسم الدايو )

بتحل فيشة البلف الكهربائيه بعد فصل البطاريه طبعا.......

وتحل البلف من على جسم الخانق .......

وبعد كده بمزيل الصدأ (الأسبراى WD40]...........

.بترشه رشه محترمه لحد ماينزل كل الملوثات اللى فيه .....ويبقى نظيف ...

.وبعد كده ركب البلف بالسيل بتاعه (البرتقالى بالصوره )

وأربط المسمارين ووصل الفيشه بتاعة البلف وبعد كده وصل البطاريه.......

.وبعد كده أعمل (أعادة تنشيط لذاكرة وحدة التحكم .....

.علشان تفكرها بسرعة السلانسيه لأنها نسيت وضع إبرة البلف

وبالتالى مقدار فتحة التحكم فى دخول هواء السلانسيه لما فصلنا عنها البطاريه )

والطريقه بتاعة تنشيط الذاكره بنفس ماذكر بالموضوع الحالى

تحت عنوان IDLE LEARNING PROCEDURE ....

.ودى أسهل حاجه ومتحلش أجزاء كتير عن كده ...........

طريقة فحص عمل بلف الأيدل كنترولر

1-حل مسمارى تثبيت البلف على بوابة دخول الهواء للمحرك ( الثروتل بودى )

وأخرج البلف وهو مركب به فيشته الكهربائيه

2- قم بفتح الكونتاكت على الوضع on وتابع آداء أبرة البلف

فأذا لم تلاحظ حركه لأبرة البلف للخلف فأن هذا يعنى أن موتور البلف تالف ( محروق مثلا )

وبالتالى يجب أستبدال البلف بآخر جديد


ملحوظه

أستخدم منظف الكاربورتير من النوع aersol أثناء القيام بأعمال النظافه والرش

لممرات البلف الموجوده حول أبرة البلف

ويراعى دائما أثناء تركيب البلف على البوابه بعد النظافه

التأكد تماما من حالة الأويل رنج ( الأحمر بالصوره )

فلايجب نسيان تركيبه ولا يجب تركيب أويل رنج تعرض لضغط الرباط أكثر من مره

وتحول مقطعه من الشكل المستدير الى مقطع ذو شكل مبطط

كل هذا لضمان حبك وقطع جيد للبلف ( بعد تركيبه على البوابه )

لضمان عدم دخول هواء غير محسوب الى المحرك وقت السلانسيه

وبالتالى أضعاف خليط السلانسيه

مما يعنى حريق هزيل وتعرض المحرك لرجه ورعشه وقت السلانسيه


المشاكل المتوقعه من آداء بلف الأيدل الغير جيد فنيا

- أن عدم القيام بنظافة بلف الأيدل على فترات متباعده يساعد على تكون رواسب وجلخ

داخل ممرات البلف الموجوده حول أبرة البلف

مما يؤدى الى عدم أستجابه جيده من قبل البلف لأوامر وحدة التحكم (كمبيوتر السياره )

وقت السلانسيه

وبالتالى لن يحدث فتح جيد لأبرة البلف ورجوعها للخلف بطريقه جيده

وبالتالى ستحصل على سلانسيه غير جيد مصحوب بضعف فى سرعة السلانسيه

ورعشه ورجه لمحرك السياره وقت السلانسيه

وقد تتفاقم الحاله ويحدث تبطيل فجائى لمحرك السياره فى أوقات السلانسيه

تماما مثلما يحث مع وجود خلل فى بيك السلانسيه لمحركات الكربوراتير التقليديه


يلاحظ أيضا

أن بعض أنواع السيارت بخرطوم هواء تخلخل كبير فى القطر

يقوم بتوصيل مانيفولد دخول الهواء ببلف الأيدل كنترولر

فأذا حدث كسر أو شرخ أو تلف لهذا الخرطوم المشار اليه

فأن هذا يؤدى الى خلل فى وظيفة البلف على أكمل وجه

وبالتالى يجب التأكد تماما من كفاءة كل خراطيم الفاكيوم الموجوده

حول بوابة جسم الخانق (الثروتل بودى ) بما فيها هذا الخرطوم

ويلاحظ أيضا


بعض محركات السيارات مثل السياره toyota / lexus

فأن بلف الأيدل كنترولر يصمم بقلب مغناطيسى من داخل البلف ( مثل السولونيد تماما )

للقيام بسحب أبرة البلف للخلف وقت السلانسيه لفتح ممر هواء الدخول لهواء السلانسيه

الى أسطوانات حريق المحرك

بدل من النظام التقليدى أبو موتور كهربى stepper motor

وهذه الأنواع من بلوف الأيدل حساسه للغايه ............طيب ليه ........؟

(لأن القلب المغناطيسى غير دوار زى الأنواع أم موتور العاديه

فالأنواع التقليديه ستقوم بأستمرار بتشتيت الرواسب (إن وجدت )

لأن قلب الملف بيدور حركه دورانيه مش حركه خطيه زى النظام اليابانى ده

والحركه الدورانيه معروف عنها أنها ممكن تفرم أى رواسب وتشتتها )

وبالتالى ينصح مصممى هذا النوع من السيارات اليابانيه

بالقيام بأعمال النظافه للبلف كل 40 ألف ميل ( حوالى 70 ألف كم )

تجنبا لتعرض البلف للزرجنه وعدم أعطاء سلانسيه جيد

كما هو موضح سابقا عند وجود خلل فنى فى عمل بلف الأيدل كنترولر



(((منقول)))