العربية مش عايزه تدور

**ahmedlingo** · 21-12-2013 12:37 AM

بدون اي سابق إنذار، نزلت أشغل العربية مش عايزه تدور
البطارية بقالها 3 شهور وركبت بطارية تانية عشان أتأكد وبرده نفس المشكله
المارش صوته زي مهوه بس مش راضيه تشتغل
جاري بن حلال حب يتأكد من الكهرباء خارجه من المبوينه على البيجوهات ومسك سلكه الكهرباء اللى جاية من المونيبه على الاسبراتير ولا لاقينا شرز ولا اي حاجه
فقلي إن العربية مبتخرجش كهربا
حاولنا نبص على الفيوزات لاكن اللي لاقيناه ان فيوز نور الصالون مشعر وعامل حرق مكانه في علبة الفيوزات
ولاقيت اخر مره ركبت فيها العربية ان العدادات والمؤشرات مش شغاله فقمت فاتح علبة الفيوزات وضغطت عليهم واشتغلوا واقفلت وركبت ومشيت ووقفت وركبت وشغلت وعادي جدا

بس انا مش عارف هوه فيوز ولا هوه ايه بالظبط

**ahmedlingo** · 21-12-2013 12:50 AM

اه نسيت اقولكم حاجه غريبة جدا حصلت إني لاقيت المروحة بتشتغل لوحدها اول مشغل كونتاكت
وكشفت على البنزين اللي داخل من تحت الكنبة ولاقيت البنزين شغال لما ااجاي ادور
وغيرت بوجيهات جديده ولازالت المشكله
واحد قالي فيشة حساس الكرنك بس انا مش عارف هيه فين دي اصلا واغيرها ازاي واجيبها استيراد وله جديده
برجاء الافادة

**دكتور خالد** · 21-12-2013 02:00 AM

أعتقد والله اعلم ان فى عندك قفلة او اسلاك لامسه بعضها فى مكان ما .. حضرتك محتاج تروح لكهربائى شاطر ورايق ياخد وقته و يبصلك عليها ... حساس الكرنك بيكون راكب قدام ورا العجلة اليمين او الشمال على حسب نوع العربية .. لكن لو فيه مشكلة العربية مبتطلعش كهربا خالص .. لكنه مبيعملش قفلات او يحرك فيوزات ... و يا رب حد يفيدك اكتر منى

**Hossam Elsabey** · 21-12-2013 08:55 AM

بص يا باشا انا لسه الموضوع بتاعك ده حاصل طازة معايا
ممكن تكون المشكلة فى حساس الكرنك زى ما احد الزملاء قال فى تعليق وفى الحالة دى يبقى لازم تغير الحساس
وممكن تكون المشكلة فى الموبينة ومشط الموبينة ودى عشان تتاكد منها هتلاقى الموبينة داخل عليها فيشة بطرفين هتشيل الفيشة وتجيب لمبة 12 فولت وتوصل بين الطرفين اللى فى الفيشة وتخلى حد يشغل لك العربية لو اللمبة نورت يبقى معنى كده ان فى كهربا بتدخل على الموبينة بس ما فيش كهربا بتخرج من الموبينة وفى الحالة دى يبقى المشكلة فى الموبينة نفسها
لو اللمبة ما نورتش يبقى المشكلة فى حاجة من اتنين يا اما المشط اللى راكب ورا الموبينة يا اما فى حساس الكرنك .. حساس الكرنك له فيشة ورا غطا الزيت فكها وحاول تنضفها وركبها تانى يمكن ربنا يهديها ويشتغل .. لو ما اشتغلتش يبقى رأيى انك تبدأ بتغيير مشط الموبينة قبل ما تغير حساس الكرنك لانه أرخص ..
وقبل ما تغير اى حاجة استنى وشوف رأى أعضاء المنتدى الكرام لان اكيد هم أدرى منى ...

**ahmedlingo** · 21-12-2013 11:15 AM

متابع معكم
ولكن هل علبة الفيوزات لها علاقة بفصل الكهربا عن العربية؟ حيث إنني واجهتني مشكلة فصل للعدادات والمؤشرات وقمت بالضغط على الفيوزات واشتغلت وهل تشغيل المروحة دايركت له علاقة بالفيوزات ايضا ؟

**ghamry** · 21-12-2013 04:34 PM

محتاج مراجعه علبه الفيوزات لان بالوضع ده فى شورت كهربى عندك أو كهربائى عملك شغل بالسياره فيه عك

**ahmedlingo** · 22-12-2013 12:06 AM

الاخ حسام باشا
كل اللي حضرتك قولته الكهربائي عمله وفعلا الموبينه داخلها كهربا ولكن مش خارج منها المهم قالي زيك بردوا اشتري مشط فهل اشتريه جديد وله استيراد وهل فيه منه انواع وهل الموبينه نفسها ممكن يكون فيها عيب وله هو الكلام كله على المشط وبس؟ برجاء سرعة الرد عشان اطلع من الشغل اشتري الحاجه دي
شكرا حسام باشا

**tananybasha** · 22-12-2013 12:39 AM

حساس كرنك غالباً

**m7nsh** · 22-12-2013 01:57 AM

بالظبط كده زى مامحمود قالك .. اللى حصل وخلى المراوح تشتغل دايركت هو انك غيرت البطاريه ..و عشان كده المراوح ووحدات الرفع بيحتاجو برمجه ,,,ملهاش علاقه بموضوع التدوير
موضوع التدوير دا معناه انها مش هتخرج عن مشط الموبينه او حساس الكرنك .. وياريت تعرفنا حضرتك عملت ايه للافاده ..

-

الموضوع: العربية مش عايزه تدور - اوبل 2002 موتور اسود

LinkBack

أدوات الموضوع

عرض

العربية مش عايزه تدور - اوبل 2002 موتور اسود - انشر الموضوع فى :

-

-

-

-

-

المواضيع المتشابهه

اللوجان مش عايزه تدور

دورت العربية كذا مرة مش عايزه تدور !

العربيه مش عايزه تدور

الياريس مش عايزه تدور

الكلمات الدلالية لهذا الموضوع

المفضلات

المفضلات

ضوابط المشاركة