الموضوع: التقرير الشامل للستروين C-Elysee بالصور

المشاركة الأصلية كتبت بواسطة dr.a7med

تقــرير جميل

انا لسه مستلمها من اسبوعين تقريبا :) العربيه ممتازه عملتلها الصيانة الاولى 2000 كيلــــو عند الشركة المصريه الاوربيه والصيانه كانت عباره عن تربيط على العفشه وفحص زيوت و غسيل حاجات كلها بسيطه

اه و كانوا عايزين يعملوا سوفت وير جديد بس لاقوا ان السوفت وير اللى فى العربيه اخر اصدرا اانا مستلمها يوم 07/12/2013

سالتهم على الانذار قالوا مش موجود ومش عارفين هيجى امتى !! حاسس ان عز العرب افضل بس للاسف مفيش فى اسكندريه

والهوا بتظبطوا على كام 30 كله ولا اللى قدام 32 ؟؟! وموضوع ان العربيه مش بتعمل اى صوت لما السنتر لوك يقفل مش مضايقك ؟

ما شاء الله يا دكتور انا مستلم قبلك بخمس ايام و يا دوب عامل 1050 كم بس
ممكن حضرتك الصيانة الجاية تخطف رجلك كده لحد عز العرب فرع الصحراوى - ابو رواش اللى جنب كارفور ده الفرع الاكبر و اكيد هتلاقى عنده كل اللى انت طالبه .
انا مش ناوى اركب انذار الايموبليزير كفاية , بس نمرة واحد عندى الدلياااات عشان المطرة عندى عملت شغل جامد مع العربية فى الكام يوم الى فاتو دول

انا لسه لحد النهاردة مظبطش الهوا بس ان شاء الله بكره هروح بريدجستون و املاهم نتروجين .
السنتر لوك بيقفل عند سرعة 10 كم و ليه صوت تكة كدا فى الابواب عادى زى اى عربية . ازاى عندك مالوش صوت

المشاركة الأصلية كتبت بواسطة motor head

تقرير جميل و مفيد

يس بما انك كونت خاطط 301 ضمن اختاراتك ايه اللى شدك للسى اليزيه

بغض النظر عن الشكل

والف مبروك :)

الله يبارك فيك يا فندم

اللى شدنى للاليزيه بغض النظر عن الشكل , انها من الداخل اشيك بفرق ملحوظ عن الـ 301 شكل العدادات و التابلوه اللونين فيهم ذوق عالى و شياكة حسيتهم اول ما ركبت دى و ركبت دى , و هو ده الاهم من الشكل الخارجى لان هو ده اللى انت شايفه طوا ما انت سايق و طول ما انت جوا العربية

بالاضافة الى انى مش هدفع 6000 جنيه زيادة عشان جنط

___________________



تحياتى

الف مبروك العربيه ربنا يباركلك فيها و يعطيك خيرها و يكفيك شرها ان شاء الله

الألزيه عربيه محترمه جدا و رغم اني في اخر لحظه غيرت رأي و مشترتهاش بس كنت بشكر فيها للناس لغايه لما حصلت مشكله السحب مع التكيف اللي كانت عند بعض الأخوه و الحمد لله انها اتحلت , العربيه دي ان شاء الله هتعمل انتشار محترم للستروين في مصر و هتلفت الأنظار ليهم مره اخرى و اتمنى الوكيل يستغل ده و يحاول يعمل عروض على باقي موديلات الستروين السي 4 و السي5 و الدي اس لأنهم عربيات ممتازه فعلا و هو لو قلل مكسبه شويه سنه او اثنين مقابل يعمل مبيعات اعلى هو اللي هيستفيد على اللونج تيرم و السوق المصري هيستفيد ان عربيات محترمه زي دي تاخد وضعها اللي تستحقه مقارنه بالعربيات الكوري او اللي متقفله في تايلند و الهند و تركيا و الحاجات دي كلها

الف مبروك اخي الكريم و استمتع بعربيتك و ربنا يحفظهالك ان شاء الله

اليزية عربية محترمة ومفيش حد اشتكي من توكيل غير بتوع بروتون واغلب الشكاوي مفيش التيل الماليزي و طول وقت الصيانة وبعدين مفيش حاجة هتقابل حد من مشاكل غير بعد 5 سنين علي الاقل وبيجو وستروين نفس المتور ونفس الفتيس وانا افتكرت الاول قولت في مشاكل في ستروين هي بتاعت تكيف لكن عرفت ان كل الي في البيجو هو هو في ستروين يعني المشكلة بتاعت التكيف كانت ممكن تحصل في بيجو او حصلت الله اعلم نيجي بئا للنتشار بيجو منتشرة عن الستروين دة واقع لكن الانتشار مش عربية ل 10 عربيات ل بيجو دة ممكن 5 عربيات ل 10 عربيات للبيجو ودة مش فرق كبير يعني الاتنين هينتشروا

المشاركة الأصلية كتبت بواسطة abohend

مش جنط بس يا باشا
و توكيل برضه
أنا لو زيك من الجيزة كان ممكن فكرت في الإليزية
لكن أي حد إسكندراني عايز عربية ليها توكيل فالأسكندرية (مش معقول كل صيانة هضرب توكيل لحد القاهرة رايح جاي دول لوحدهم 600 كم)
إضافة لأن إنتشار البيجو هيخلي قطع غيار البدي متوفرة أكتر و بسعر تنافسي
في النهاية هي إختيار ممتاز-ربنا يباركلك فيها و يجعلها عونا لك على طاعته

ما هى لازم تفرق من واحد للتانى مش كلنا بنفكر زى بعض
هى بالنسبالى كان الفرق جنط فقط
لو كنت مكان حضرتك كان اكيد الكلام هيختلف ..

عايزين نبارك لحضرتك على الـ 301 قريب ان شاء الله
و عايزين تقرير من اللى بجد بقى

المشاركة الأصلية كتبت بواسطة m_am

الف مبروك العربيه ربنا يباركلك فيها و يعطيك خيرها و يكفيك شرها ان شاء الله

الألزيه عربيه محترمه جدا و رغم اني في اخر لحظه غيرت رأي و مشترتهاش بس كنت بشكر فيها للناس لغايه لما حصلت مشكله السحب مع التكيف اللي كانت عند بعض الأخوه و الحمد لله انها اتحلت , العربيه دي ان شاء الله هتعمل انتشار محترم للستروين في مصر و هتلفت الأنظار ليهم مره اخرى و اتمنى الوكيل يستغل ده و يحاول يعمل عروض على باقي موديلات الستروين السي 4 و السي5 و الدي اس لأنهم عربيات ممتازه فعلا و هو لو قلل مكسبه شويه سنه او اثنين مقابل يعمل مبيعات اعلى هو اللي هيستفيد على اللونج تيرم و السوق المصري هيستفيد ان عربيات محترمه زي دي تاخد وضعها اللي تستحقه مقارنه بالعربيات الكوري او اللي متقفله في تايلند و الهند و تركيا و الحاجات دي كلها

الف مبروك اخي الكريم و استمتع بعربيتك و ربنا يحفظهالك ان شاء الله

مش عارف بصراحة التوكيل ايه وجهة نظره فى اللى بيعمله ده رغم انه يمتلك سيارات جيدة جدا و باسعار تنافسية جدا يقدر بكل سهولة ياخد بيها حصة اكبر من السوق !!

ربنا يبارك فيك يا افندم .. اشكرك

المشاركة الأصلية كتبت بواسطة mohamed hussei

اليزية عربية محترمة ومفيش حد اشتكي من توكيل غير بتوع بروتون واغلب الشكاوي مفيش التيل الماليزي و طول وقت الصيانة وبعدين مفيش حاجة هتقابل حد من مشاكل غير بعد 5 سنين علي الاقل وبيجو وستروين نفس المتور ونفس الفتيس وانا افتكرت الاول قولت في مشاكل في ستروين هي بتاعت تكيف لكن عرفت ان كل الي في البيجو هو هو في ستروين يعني المشكلة بتاعت التكيف كانت ممكن تحصل في بيجو او حصلت الله اعلم نيجي بئا للنتشار بيجو منتشرة عن الستروين دة واقع لكن الانتشار مش عربية ل 10 عربيات ل بيجو دة ممكن 5 عربيات ل 10 عربيات للبيجو ودة مش فرق كبير يعني الاتنين هينتشروا

+111111111

عز العرب مش سئ هو عادى لا هو وحش ولا هو جيد حاله حال اغلب التوكيلات المصرية له ما له و عليه ما عليه . فى ناس كتير مش فاهمة ان كل ماركة ليها ادارة منفصلة عن الماركة التانية بالمهندسين بالمشرفين بالاداريين بكل حاجة , اكتر ما يعاب عليه ان سمح للناس دى توقع سمعة ماركة كان ممكن يبقى ليها ارضية كويسة جدا فى السوق مع قليل من الدعم ( بروتون )

و الاكثر من ذلك ان سوء ادارة قسم بروتون أثر على سمعة عز العرب بشكل عام ..