الموضوع: مشكلة في التدويرة الأولى..!!!!

يا جماعه صلوا عالنبي
انا غيرت البوجيهات وحساس المانيفول و حساس الحرارة_معرفش ليه_ و نضفت سلك البوجيها من الصدا بالجاز وزيت الباكم
و في بتاع قطع الغيار وهو بيفك سلك البوجيهات
عشان يجرب واحد غيرة كسرلي الموبينه...فغيرتها أضطرارياً
المهم...والحمد لله...المشكله متحلتش
لما كانت دماغي هتفرقع
العربية عالجهاز متديتش اي خطاء
لكن النهارده الصبح لما جيت أدورها .. غابت بردوا في التدوير
أريد حــــلاً الله يكرمكوا

المشاركة الأصلية كتبت بواسطة م أحمد

بص يا استاذ غالبا كدة البطارية سبب المشاكل دى

ممكن ببساطة تغلى كنكة مياه و تصبها على قطبى البطارية و ليس البلاستيك ، دا يرفع درجة حراراتها شوية و يخلى التفاعل انشط

حاجة تانى ممكن تختبر بيها البطارية ، تجيب سلك كهربا طوله نصف متر على الاكثر بتخانة 2 مم او 3 مم ، و بهدوء تثبت طرف على القطب السالب و الطرف الحر الآخر تلطشه لطش خفيف على القطب الموجب ، هتلاقى شرز !!!!!!!!!! ، لو الشرز قوى تطلع تجرى ...أقصد البطارية البطارية قوية ، أما لو شرز ضعيف و باهت و خيبان و مداه قصير و بياخد وقت فى التلامس ارميها فورا من على الكبوت

ممكن برضه تستخدم جهاز آفوميتر ب 20 جنيه للكشف على جهد البطارية و لكنه لا يعد مؤشر دقيق لحالة البطارية خصوصا لو جواها ربع ضارب

لو طلع البطارية قوية انتقل للعنصر الثانى من منظومة الكهرباء و هى القواطيش ، تأكد من عدم وجود كبرتة (تراب رمادى) على القطاش أو تآكل الكابل

انتقل بعد ذلك لعناصر الوصلات و عدم وجود اى تقطع او نقصان فى مقاطع الاسلاك الموصله لدائرة الاشعال

و طمنا

طيب قبل ما أجرب كده...أستفسار!!!
هو مش البطارية لو نايمه خالص
مش هتموت بعد خامس او سادس تدويرة كده
ثم ريموت السنتر و الأنذار هيلقط عادي ولا لأ
ثم انا كذا مرة أنسى الكاسيت شغال والعربية مبطله يجي 4 أو 5 ساعات وأرجع الاقيه شغال عادي
وأخرها من شويه نسيت الكاسيت شغال من 8 الصبح لحد 11.30 الظهر
ورجعت قفلته ودورت العربيه لقطت من تاني مرة

معلش انا عارف اني قارفكوا وتاعبكوا معايا
بس بعد ما غيرت القطع المذكورة سلفاً وروحت للميكانيكي تاني وقولتله ان المشكلة زي ما هي
فأقترح أني أبيت العربية عنده للصبح عشان يشوف موضوع التدويرة الأولى
المهم بعد تفكير عميق وافقت وتاني يوم روحتله _وللأمانه عداد الكيلومترات متحركش متر فأستريحت نفسياً جداً ...:) _
المهم قالي ان حساس الحرار الي انا جايبه جديد ده طلع صيني وعايزين واحد أصلي
قولتله يعني المشكله دي من حساس الحرارة أزاي ...راح جايب واحد أصلي بتاع عربية شغال فيها ومركبها العربية دارت من أول مرة ولما رجع يركب الي انا جايبة العربية طولت سنة على ما لقطت

المهم انا مشيت من عنده على أساس اني ادور على الحساس الأصلي...بس انا من جوايا مش مقتنع
فهل حد قابلته مشكلة زي كده ....وهل حد يعتقد ان الكلام ده صحيح...وبالنسبة لقطع الغيار الجديد الأصلي قالي روح لفتح الباب الي في فيصل ...حد جربة ولا اخليني في الأستيراد....

معلش انا عارف أني متعب بس خليني ورا أهل الخبرة

بص
البطارية دى احتمال بعيد جدا طالما بتديك دوارة اصلا بس مبتثبتش يبقى مش بطارية

الزيت اللى عندك 5000 الاف ده تقيل، يعنى 20/50 مش خفيف يعنى لو تجرب فى اقرب فرصة تحط زيت تخليقى كامل واهو افيد للموتور بتاعك بردوا مش من ناحية الدوارة فقط.

تانى شئ ظبط الكهرباء، مش عارف انت عندك سبراتير ولا ايه مكونات الكهرباء عندك ع العموم لازم تظبطها بالإضافة الى الرشاشات هى اللى بتعمل المشكلة دى، ومسألة خلط الهواء بالبنزين ممكن تكون العربية مخنوقة

تالت شئ حساس الحرارة ده مهم واعتقد ان هو مع انى مش مقتنع، ولكن لأنى عندى نفس مشكلتك وكنت عند الاسطى عصام فى الهرم امبارح، وقالى حساسات الحرارة عندك مش مظبوطه، فربما يكون ده احد الأسباب. غيرها مش هتخسر حاجه.

ونصيحتى قبل ما تشترى حاجه تجربها زى ما عملت فى موضوع حساس الحرارة كده تمام، اديك غيرت حاجات كتير وربما كان لسه فيها عمر، ولكن قدر الله وما شاء فعل ...

وبالمناسبة الموضوع ده كان معايا بردوا فى الشتا بدأ معايا، لكن ليه حلول، وفى الصيف مكنتش بتعمل معايا كده، وكام حصل كده والكلام اللى قلتهولك سواء زيت او كهرباء كانت حلول لما حصل لى المشكلة دى، لكن استجدت عندى فى الشتا وانا فعلا محتاج اغير زيت طبيعى يعنى لكن لسه لما اكمل 10000

احيانا يبقى الحل سهل بس مش متوقع

المشاركة الأصلية كتبت بواسطة superbadr

معلش انا عارف اني قارفكوا وتاعبكوا معايا
بس بعد ما غيرت القطع المذكورة سلفاً وروحت للميكانيكي تاني وقولتله ان المشكلة زي ما هي
فأقترح أني أبيت العربية عنده للصبح عشان يشوف موضوع التدويرة الأولى
المهم بعد تفكير عميق وافقت وتاني يوم روحتله _وللأمانه عداد الكيلومترات متحركش متر فأستريحت نفسياً جداً ...:) _
المهم قالي ان حساس الحرار الي انا جايبه جديد ده طلع صيني وعايزين واحد أصلي
قولتله يعني المشكله دي من حساس الحرارة أزاي ...راح جايب واحد أصلي بتاع عربية شغال فيها ومركبها العربية دارت من أول مرة ولما رجع يركب الي انا جايبة العربية طولت سنة على ما لقطت

المهم انا مشيت من عنده على أساس اني ادور على الحساس الأصلي...بس انا من جوايا مش مقتنع
فهل حد قابلته مشكلة زي كده ....وهل حد يعتقد ان الكلام ده صحيح...وبالنسبة لقطع الغيار الجديد الأصلي قالي روح لفتح الباب الي في فيصل ...حد جربة ولا اخليني في الأستيراد....

معلش انا عارف أني متعب بس خليني ورا أهل الخبرة

طب مع كامل احترامى ,,,
ايه نوع العلاقة اللى بين حساس الحرارة والدوارة مش حساس الحرارة ده وظيفته ان يقولى حرارة المية كام وخلاص !!!!!!!!
طيب انا عندى الموضوع ده بيحصل مرة واحدة فقط فى اول دوارة الصبح وبعد كده خلاص لو سبت العربية لحد بالليل تدور عادى من اول او تانى مرة
ايه سبب تأخير اول دوارة بتاعة الصبح مش عارف ؟؟؟؟؟