هام جدا - سيارات المعاقين

**moamenehab** · 22-12-2013 01:17 PM

[overline]
تنبيه الي كل من يريد شراء سياره من تجار جمرك بور سعيد
[/overline]
الاسعار زي النار
و التاجر جبار
عن تجربه شخصيه انا كنت هناك يوم السبت 21ديسمبر
اقل عربيه فيها زياده في الاسعار العاديه 10000
و في عربيات و موديلات الزياده وصلت الي 15000
عن الاسعار المعتاده او الحدود المعروفه لدي كل من يريد شراء سياره

يعني مثلا
اللافيتا 2001 اتوماتيك فتحه سقف بـــ 56000 من كريستال
اللافيتا 2003 اتوماتيك بـــ 54000 من كريستال
اللافيتا 2002 اتوماتيك بـــ 56000 من دلتا انترناشيونال
اوكتافيا 2002 اتوماتيك بـــ 77000 من تاجر عادي
كيا سيراتو 2004 مانيوال بــ 90000 من تاجر عادي ( و دي الوحيد من نوعها هناك)
اللانوس2 2001 اتوماتيك بــ 37000 من تاجر عادي

و كل العربيات اللي شوفتها اللي مكتوب سعرها او اللي مسألتش علي سعرها
عربيات زي الوفت = و معظمها رشه برده ( ده باعتراف التجار) =
غير انك اكيد هتلاقي نقطه ( حوالي 5 سم) بارومه من بره = عند باب الشنطه او اسفل الباب ( و الله اعلم من جوه فيه ايه )
و العربيات معدتش زي الاول تحس انها بحاله الزيرو او حتي استعمال نضيف
انما العربيات كلها وقفه مغسوله و بتنقط مياه من الغسيل و بالجاز كمان تحس ان الخدعه متوفره

لا و كمان كل التجار بيكلموك من طرف مناخيرهم و كلامهم كلهم نفس الكلام ( اسطوانه و حافظوها مع بعض ) و محدش بينزل جنيه و كلهم ماسكين في السعر غير زمان

و علي طول حسيت اني واقف في سوق السيارات بمدينه نصر بس ارخص شويه
حوالي ارخص 5000 جنيه بالكتير في اي عربيه ( و عربيه عليها حظر = غير تكليف الكشف = و المشاوير = و السفر ) يعني حتي فرق الحاله الكويسه اللي كان بيتميز بيه سيارات المعاقين معدش موجود

و فجاءه لاقيت نفسي اتسدد من اول الزياره و مقدرتش اكمل اليوم زي ما كنت مخطط اني الف علي الجمرك كله واشتري علي طول في نفس اليوم و الله كنت واخد معايا فلوس كمان و كنت جاهر باكتر من الاسعار اللي كلنا عارفين عنها او سمعنا عنه معلومات

لكن جشع التجار و استغلال احتياج المعاق للسياره و حب المكسب السريع ( و الحجه الوحيده ان سعر الدولار ارتفع ) مع ان الدولار ما ارتفعش الزياده دي كلها يعني بسعر السوق السودا بتاعتهم كان الدولار ب 7 جنيه بقي 7.30 بالكتير يعني .30 قرش في كل دولار يعني لو العربيه كانت بتكلف التاجر لحد ما تيجي مصر حوالي 4000 دولار يعني حوالي 28000 الف و مصاريف 5000 جنيه تبقي حوالي 33000 الف او 35000 ( و دي يعني ممكن تكون العربيه الافيتا) في اقل منها و في اكتر

المهم اني رجعت ع طول بس طبعا ما طلعتش من السفر الا بأكله السمك المعتاده

و حبيت احكيلكم تجربتي يمكن يكون في حد عنده حل للاستغلال ده

او ان محدش يروح متعشم زييىىىى و يتصدم هناك و يرجع متنكد زيييييي

و يا ريت اي حد عنده اقتراح لحل المشكله ده يقدمه يمكن نقدر نستفيد كلنا

**moamenehab** · 22-12-2013 01:42 PM

انا جالي اقتراح جامد جدا

ايه رايكم لما كل 5 او 6 معاقين يتجمعو مع بعض
و يكون فيه احد الاقارب بالخارج و يشحن لهم سياراتهم من بره
و يوكلو مستخلص جمارك واحد لتخليص العربيات بتاعتهم و يتشاركو في تكلفه الشحن و التخليص بالتساوي
و يا ريت كل مجموعه تكون عايزه نفس العربيه ( ده افضل ليهم)
اكيد ده هيكون ارخص و اوفر كل اللي نحتاجه حد ثقه يكون مسافر بره يختار عربيات كويسه
و مستخلص ابن حلال و جدع ابن بلد صح ( ويا سلام لو معاق = و يحس بمعاناه زملاءه و يدور علي احسن خدمه ليهم )

و ممكن نسمي كل مجموعه باسم العربيه اللي مختارينها
ان شاء الله انا هكون اول واحد في المجموعه ( هيونداي لافيتا - ماتريكس - اتوماتيك )
و ده تليفوني اللي عايز يشارك او عنده حد قريبه بره او يعرف مستخلص ابن حلال ياريت يتواصل معايا
01119094955

**aboomar22** · 22-12-2013 05:10 PM

اه ده طيب وعلى ايه السيراتو 2004 ب90000 دا ثمن عربية 2010
والاوكتافيا 2002 a4 ب77 الف دى سعرها بدون حظر اقل من كده
واللافيتا مش عارف دى الماتركس تقريبا ولا ايه اسعار عالية جدا

**eslamm2002** · 22-12-2013 06:29 PM

السلام عليكم
انا اسﻻم مصري عايش بالامارات والعربيات طبعا هتكون انظف من العربيات موجودة في مصر اكيد وانا في الخدمة لو حد عاوز اي استفسار ودة اشهر موقع بيع سيارات مستعملة بالامارات لو حد عاوز ياخد فكرة عن الاسعار Property Real Estate for Sale and Rent. Jobs in the Middle East and North Africa , Free Classifieds in with Dubizzle.com

**moamenehab** · 23-12-2013 12:24 AM

المشاركة الأصلية كتبت بواسطة aboomar22

اه ده طيب وعلى ايه السيراتو 2004 ب90000 دا ثمن عربية 2010
والاوكتافيا 2002 a4 ب77 الف دى سعرها بدون حظر اقل من كده
واللافيتا مش عارف دى الماتركس تقريبا ولا ايه اسعار عالية جدا

]ده اللي انا شوفته بعيني هناك و مكنتش مصدق الاسعار دي لما سمعتها من ناس في مصر انما لما و صلت هناك و شوفت حاله العربيات بعيني و سألت علي الاسعار كنت هتجنن و مشيت علي طول لان الاسعار دي مينفعش حتي تتكلم او تفاصل لما تسمعها
دي احسن حاجه ممكن تعملها ( اسف يعني ) انك تتف في وش التاجر و تمشي

**moamenehab** · 23-12-2013 12:34 AM

المشاركة الأصلية كتبت بواسطة eslamm2002

السلام عليكم
انا اسﻻم مصري عايش بالامارات والعربيات طبعا هتكون انظف من العربيات موجودة في مصر اكيد وانا في الخدمة لو حد عاوز اي استفسار ودة اشهر موقع بيع سيارات مستعملة بالامارات لو حد عاوز ياخد فكرة عن الاسعار property real estate for sale and rent. Jobs in the middle east and north africa , free classifieds in with dubizzle.com

استاذ / اسلام
ممكن تحاول تساعدنا اكتر
1- احنا عايزيين نعرف اسعار العربيات المتاحه عندكم و تتمشي مع المواصفات المطلوبه لسيارات الاعفاء الجمركي ( 4 سلندر = 1600 سي سي = سنه الصنع ما قبل 2006 )

2- انواع السيارات المطلوبه او الشائعه في مصر بتكون مثلا
الهيونداي ( ماتريكس او لافيتا = الفيرنا او الاكسنت = الانترا )
الدايو ( نوبيرا 1 او 2 = لانوس 1او 2 )
الاسكودا ( اوكتافيا )

و هل عندك استعداد لو حد محتاج مسعدتك ممكن يستورد عربيه عن طريقك و تخدمه فيها

**eslamm2002** · 24-12-2013 11:50 PM

المشاركة الأصلية كتبت بواسطة moamenehab

استاذ / اسلام
ممكن تحاول تساعدنا اكتر
1- احنا عايزيين نعرف اسعار العربيات المتاحه عندكم و تتمشي مع المواصفات المطلوبه لسيارات الاعفاء الجمركي ( 4 سلندر = 1600 سي سي = سنه الصنع ما قبل 2006 )

2- انواع السيارات المطلوبه او الشائعه في مصر بتكون مثلا
الهيونداي ( ماتريكس او لافيتا = الفيرنا او الاكسنت = الانترا )
الدايو ( نوبيرا 1 او 2 = لانوس 1او 2 )
الاسكودا ( اوكتافيا )

و هل عندك استعداد لو حد محتاج مسعدتك ممكن يستورد عربيه عن طريقك و تخدمه فيها

انا معنديش مشكلة ابدا انا جاهز حضرتك ادخل علي الموقع ونقي العربية الي تعجبك من علي الموقع الي انا كتبتة وانا هتواصل مع صاحبها من هنا

**Lifz_Good** · 25-12-2013 02:41 AM

كاتب الموضوع مشكور على نقل التجربة
والعضو المحترم من الإمارات مشكور جداً على تقديم يد المساعدة لإخوانه
.
.
ربنا يديم المعروف ويعود على صاحبه بالخير إن شاء الله :)

**عصام غنايم** · 25-12-2013 03:04 AM

ده اللي انا شوفته بعيني هناك و مكنتش مصدق الاسعار دي لما سمعتها من ناس في مصر انما لما و صلت هناك و شوفت حاله العربيات بعيني و سألت علي الاسعار كنت هتجنن و مشيت علي طول لان الاسعار دي مينفعش حتي تتكلم او تفاصل لما تسمعها
دي احسن حاجه ممكن تعملها ( اسف يعني ) انك تتف في وش التاجر و تمشي

كلامك مظبوط فعلا مع الآسف

انا كنت هناك من شهر والله صدوا نفسى

عربيات اكترها تعبانه واسعار نار ومقابله زى الزفت

دا حتى راجل كبره من اللى واقفين فى معرض من دول

قالى نصيحه هاتالك عربيه من بره احسلنك

قولتله شكرا وللخلف درر وروحت