الموضوع: عايز اشترى كاميرا احترافية .. رأيكم أشترى اية ؟

أصدقاء نايل موتورز ..والى السادة محترفى التصوير .

اولا كل عام وانت بخير وسنه سعيدة علينا جميعا باذن الله

انا عايز اشترى كاميرا أحترافية باذن الله ومحتاج اعرف ترشحاتكم ليا عشان تكون فى دائرة البحث

غالبا هجيب كسر زيرو عشان انا مش بفضل الجديد بخسر فلوس على الفاضى ..

اتمنى اجد منك أهتمام كما عودتونى ...

وشكرا

السلام عليكم ورحمة الله وبركاته،،،

ممكن بالمبلغ ده تجيب DSLR

بص أنا عاوز أقولك على عيب في الكاميرات الـ DSLR

طبعاً الكاميرات دي حجمها كبير وتعتبر هم في شيلها

يعني مثلاً لو انت رايح مكان هاتتحرك فيه كتير وهاتجري وتتنطط يبقى بلاش تاخد معاك الكاميرا الـ DSLR

عشان تقيله وحجمها كبير.

كمان لازم تتعلم تعتني بيها وبالعدسات

المشكله الكبيره إنك عشان تشبع رغباتك في تصوير حاجات مختلفه ... جوه البيت وبره البيت ... حاجات بعيده وحاجات قريبه ...أشخاص ومناظر طبيعيه ... الصبح وبالليل, هاتضطرتجيب أكتر من عدسه

وكل عدسه ليها إستخدام وامكانيات وسعر

يعني مثلاً عشان تقدر تقول أنا معايا كاميرا وعدسات مكفيني مش هاتحتاج أقل من عدستين على الأقل

وكمان عشان تقدر تستغل الإمكانيات اللي عشانها إنت دافع كتير لازم تتعلم شويه عن التصوير.

لو جبت DSLR واشتغلت على الـ Auto مود يبقى انت كده بترمي فلوسك في الأرض.

لكن مثلاً لو أنت جبت كاميرا مش DSLR بس اللي هي بتكون super zoom زي
Canon PowerShot SX50 HS مثلاً. الكاميرا دي هاتقدر تصور بيها كل اللي انت عاوزه وفيها زوم رهيب. العدسه اللي فيها 24-1200

الخلاصه لو انت ناوي تدفع وتدوس في التصوير وتستحمل هم شيل الكاميرا والعدسات وتركيب وفك العدسات والإعتناء بيهم يبقى هات DSLR

لو انت عاوز كاميرا جامده تصور بيها بس مش عاوز وجع دماغ ال DSLR يبقى هات حاجه زي
Canon PowerShot SX50 HS

لو هاتجيب DSLR أنصحك تجيب Canon عشان عدساتها أرخص