ما هى اسباب واعراض تلف علبة الدركسيون لسيفيك 2009 ,,,!!!

**mahmouddahy** · 22-12-2013 06:23 PM

مساء الخير عليكم يا اهل الهوندا,,,,,,ممكن حد يقولي اية اسباب بوظان علبة الدركسيون و اية الاعراض اللي بتحصل و اية الخطر منها,,,,,و اخيرا اية الحل؟؟؟؟؟؟؟,,,,عشان في التوكيل قاللي عندي علبة دركسيون بس انا مش عايز اصدق و نفسي تكون حاجة تانية,,,,,,علبة الدركسيون ب 7500 ملطوش,,,,اغيثونا,,,,اغيثونا و الله الموفق,,,,,بالمناسبة العربية سيفيك 2009

تم تعديل العنوان

**amgomaa** · 22-12-2013 08:31 PM

صوت خبط من تحت العربيه من الامام لما تمشي فى طريق مكسر و مع الوقت المفروض بيسمع فى الدركسيون يس انت اشرح انت سامع ايه واﻻعضاء ان شاء الله يفيدوك

**elnakshabandy** · 22-12-2013 08:39 PM

بيتهيألى بتنقر معاك فى كل حفره وتحس الدريكسيون فى ايدك بتسمع كل نقره فى الارض

ولو كشفت عند عفشجى هتلاقى الكاوتش اللى حاميها مقطع وهو ده سبب بوظنها

واكشف عند كذا عفشجى بره قبل متغيرها ولو هى هتتغير يبقى لامفر من مشوار الى بورسعيد

وطبعا معاك صنايعى واشتريها استيراد وياريت تفكها من نص هناك

وبالتوفيق

**elnakshabandy** · 22-12-2013 08:42 PM

المشاركة الأصلية كتبت بواسطة amgomaa

صوت خبط من تحت العربيه من الامام لما تمشي فى طريق مكسر و مع الوقت المفروض بيسمع فى الدركسيون يس انت اشرح انت سامع ايه واﻻعضاء ان شاء الله يفيدوك

على فكره مشفتش تعليق حضرتك قبل ماارد
يبقى نفس الرد انا وحضرتك

**mahmoud tawfik** · 23-12-2013 12:22 AM

انا كان عندى علبه دريكسيون بردو بس عملتلها حشو ب 600 جنيه واتحليت الحمد لله

**hany63** · 24-12-2013 08:54 AM

المشاركة الأصلية كتبت بواسطة mahmoud tawfik

انا كان عندى علبه دريكسيون بردو بس عملتلها حشو ب 600 جنيه واتحليت الحمد لله

عملتوا فين بالظبط و هل الخبط راح بنسبة 100 في الميه ؟

**mahmouddahy** · 24-12-2013 12:25 PM

هي فعلا بتعمل صوت نقر كدة من الجنب اليمين الأمامي,,,,,و شكلها مفيش حل غير انها تتغير,,,,بس معلش هتقل عليكم يا جماعة هو اية سبب بوظانها للعلم يعني و تجنبا ان تحصل مرة تانية و اللي يقرا برضو يعرف عشان لاقدر الله متحصلش لحد و اية المشاكل اللي ممكن تسببها لأن ممكن اتأخر شوية في تغيرها او تصليحها

**الشقنقيرى** · 27-12-2013 05:50 AM

بتتصلح عند بتوع العفشه المحترفين ومتحملش هم
اسباب البوظان ممكن عمرها وممكن تاكل الحشو بتاعها وكله بسبب الاستخدام والمطبات والشوارع بتاعتنا

**gravedigger** · 28-12-2013 01:13 AM

انا معايا سيفيك 2008 و عندي نفس صوت النقر ده .. كشفت في التوكيل و قالولي ان حشو علبة الدريكسيون عايز يتغير .. و قالولي انهم قبل كده كانوا بيغيروا العلبه كلها و دلوقتي عندهم مجموعة اصلاح لحشو العلبه بيعملوها ب 1800
و عموما المهندس قال لي اني ممكن امشي بيها عادي ومش بتأثر في حاجه خالص غير صوتها المزعج

يا ريت لو حد عملها بره يقول لنا فين و بكام و ماشيه كويس ولا عملت مشاكل