عاوزين نعمل رابطة ملاك لاسكودا فابيا المظلومه ونناقش مشاكلها مع بعض والي عندوا اي استفسار نجاوب علي بعض من خلال المشاركه
ابو معاذ فابيا 2002
1400 cc
عرض للطباعة
عاوزين نعمل رابطة ملاك لاسكودا فابيا المظلومه ونناقش مشاكلها مع بعض والي عندوا اي استفسار نجاوب علي بعض من خلال المشاركه
ابو معاذ فابيا 2002
1400 cc
اخوكم محمد صلاح
معايا فابيا 2001 1400
حاليا بدور على كبالن ليها واول ما اغيرها هكتب سعرها باذن الله
في بالفعل رابطة لملاك سكودا فابيا في مصر علي الفيسبوك
* * * * * * * * * * * *
ممنوع وضع روابط لمنتديات أو مواقع أو أي وسيلة مقروءة أخرى منافسة او غير منافسة دون الرجوع للإدارة
م ع 5
لو هنا في المنتدي يبقي قصدك يتعمل قسم فرعي للفابيا مثلا بس للآسف الموضوعات الخاصة بالفابيا هنا مش كتير
احمد سيد
سكودا فابيا كومبى 2002
1400 cc
بالتوفيق ان شاء الله
ربك المستعان
تمام هو ده قصدي نلم كل ما يخص الفابيا عن طريق الاعضاء من مشاكل , معلومات خاصه بالعربه وخصوصا العربيه مظلومه كتيير علي امكانيتها ده انا من حبي قيها مش عاوز ومش قادر ابيعها او استغني عنها ما شاء الله عربيه محترمه بس مظلومه
انا جبت الكوبلن ب450 الماني ولسة مركبة امبارح وبعد اما مشيت وانا مروح سمعت طقتين على مسافات متفاوتة حاولت اركز اعرف الطقة حصلة امتى معرفتش
يعني جريت مرة واحدة فرملت مرة واحدة خدت لعبكة في الارض بسرعة عشان اعرف محصلش حاجة واخويا بيقولي ممن الكوبلن كان بيطبع والحمد لله النهاردة رحت الشغل بيها ومسمعتش حاجة
هكلمكم على العربية وقصتي معاها
بسم الله
انا في الاول كان معايا 128 زاستافا وطبعا كانت غير مرضية لغروري (بس والله اصيلة اتفشخت بيا على الدائري وكنت نازل انا صاحبي تحت مقطورة والحمد لله ربنا ستر واتكتبلي عمر جديد
التانية كانت 132 وكانت وحش بمعنى الكلمة شيل وعبي ووسعلي بس كانت وحشة في البنزين شوية ودي للاسف اللى ندمت على بيعها لاني بعتها بخسارة بعد اما كنت مظبتها وده لان واحد كان معشمنى انه هبيع عربيتة الافيو وكنت هاخدها منة ومتفقين على السعر وبعد اما بعت عمل (.....)
دورت بعديها على عربية مناسبة خصوصا اللى كنت هاخدها كانت افيو فعايز حاجة في نفس المستوي ملقتش قدامي بالحالة اللى ترضيني غير اللانوس والفيرنا وطبعا الالماني ابعد عنة زي كل الجهلة
ولما يئست من اني الاقي عربية كويسة بالسعر اللى يرضي ربنا قولت غلاء بغلاء اجيب جديد ما هو مدفعش اقل من تمن الجديد ب7000 -8000 واخد عربية بقالة 5سنين وعمالة اكثر من 80 الف كيلو
المهم بالصدفة البحتة لقيت واحد صاحبي بيبيع عربيتة بولو 2000 وكانت جميلة الشكل مدمرة الدواخل فسالتة علي قطع الغيار والاسعار والاماكن و و و و قيت الدنيا قريبة مش بعيدة ما انا كان معايا ال128 وكنت كل شهر لازم لازم اعمل حاجة في العربية سواء رضيت او لا التاني بيصرف ال1000 مرة واحدة كل 6اشهر كل سنة وانت ونصيبك بس فية فرق
المهم بالصدفة برضة والله لقيت واحد عارضة عربية في سوق العاشر سكودا فابيا وطالب 50 الف وانا من النوع اللى بحب التكنولوجيا والمعرفة فقلت اخد فكرة
العربية كانت موديل 2003 وكان فيها ما يرضي
المهم ركبت العربية القعدة بتاعتها مريحة وقاعدة بشواتي مش قاعدة سواق
الكرسي اللى جنب السواق مريح جدا
الى ورا الكنبة واقفة شوية ولكن برضة مريحة مش متعبة (كمان اللى مش عاجبة ينزل )
قلبت فيها لقيت حاجات كتير مش فاهمها وده اللى بيشدني في اي عربية (بحب الجديد والغريب والغير عادي )
سالت صاحبها وطبعا زي ما اي واحد بيحلي عربية عشان تتباع قعد يشكر ويحلف انو لولا الزنقة و و و و المهم خليتة يشرحلى اغلب المكونات وقلبت فيها لقيتها عربية عالية فعلا مش بالكلام
المهم توكلت على الله وبدات ابحث عنها في النت وعند الاصدقاء والصراحة ملقتش حد بيشتكي منها الهم الا قليل من مصر
وشوفت بعض الفيديوها ليها في التصنيع وفي اختبار العفشة وقوة التحمل وكان فيها فصل الختام قررت اصلي استخارة واتوكل على الله
ولان مؤمن بان المال الحلال ميضيعش ربنا وقعني في واحد ابن حلال وبيغير عشان يدلع واللى طمنى ان العربية من الزيرو لحد اما خدتها لم تبعا الا لاثنين الاول جدة اللى اشتراها الزيرو وهوه خدها لمراتة من جدة يعنى مطلعتش برة العيلة
توكلنا على الله ورحنا كشفنا عليها في بنزينة والصنايعي اللى هناك فلهالي حتة حتة وقالي على كل العيوب اللى فيها
وتوكلت على الله بعد اما اشتريتها قعدت معايا حوالي سنة لغاية ما جة معاد التجديد
(مش عارف اي عربية اجي اجدد الرخصة تروح فاتحالي بقها (كانها بتقولى ما دمت هتصرف على الرخصة يبقى انا اولى )
المهم هي فعلا كانت غلطتي ان فية اخ زميل ليا في الشغل ما يحطش رجلة في عربية الا واقسم بالله على ذلك ياما متدورش ياما متمشي ش ياما العجل يضرب المهم انك مش هتروح بيتك النهاردة بيها
واتادبت طبعا سخونة بسبب تسريب مياة من الجزء العلوي للماتور (كويس انها منفجرتش بيا ) المهم رحت بيها لمحمد سمير اللى في ظهر حديقة بدر وقالي ما اعرفش فيها وواحد جنبة برضة المفروض انة متخصص لاسكودا لاكن عرفت بعد كده انة متخصص سكودا a4 او a5
المهم رحت بيها لمركز معتمد اللى هوه الشرقية في جوزيف تيتو بالنزهة وحسبي الله ونعم الوكيل فيهم مش مسامح في حقي ليوم الدين دخلت بالعربية فيها تسريب مياه خرجت بيها جوان وش سلندر (ولهذا قصة ابقى احكيها في مناسبة اخرى )
المهم اتصلت بالخ صاحبها اللي اشتريتها منة قالي انا كنت بروح عن فلان اللى في السابع وهو اللى حافظها وعارفها
بالفعل رحت والحمد لله الراجل تعاون وعمل الواجب بعد اما بهدلنى للخراط واتعملت العربية
ومن بعديها رحت غيرت طرمبة المياة من حوالي شهرين ودلوقتى كوبلن والحمد لله
الحق لله العربية ماكانشش يظهر حاجة فيها الا بسبب يعنى العربية مسافر بيها الشرقية زي الفل ومحمل فيها رجت الكونتاكت مش عايز يدور
واحد في الشغل قالي الازاز عندك كهربا ومش بيتعبك في الطلوع والنزول والله ما روحت بية وكنت عند بتاع الالبواب
المهم هقولكم مميزات العربية وعيوبها للى ميعرفهاش او اللى عايز يشتري
العيوب اولا
نسبة البخر بتاعت المياة اعلي من باقي العربيات ايه سببة معرفش وده عند اكثر من واحد (ومليش دعوة بالاوكتافيا )
الكلاكس بتاعها هيربيلك عضلات ولو حاولت تشتم حد بالكلاكس علبال ما تخلص هيكون روح بيته (عربية مؤدبة )
العربية تكنولوجيا عالية ودي سلاح ذو حدين
مينفعش تتبهدل يعنى غصبن عنك لازم تراعيها ولو طنشنها تزعل وزعلها وحشششششششششششششششش
اي صنايعى وهو شغال فيها لازم تدلعا عشان فعلا بيبقى شغال وهو قرفان لكن كل قطعة معمولة على قد المساحة ومتعرفش تتحرك بحرية وعلى فكرة موديلات الكوري والياباني السنة دي بقت بنفس الاسلوب ده ماتعرفش تمد ايدك جوه الحوض
المميزات
العربية زي كل االماني ثابتة على السرعات ودي اهم ميزه واحيانا برضة عيب خطير (لاني للاسف الاول ما كونتش ببص على العداد لغاية ما في مرة لقيت نفسي ماشي 140 وانا ماشي براحتى ومن ساعتها كل شوية ابص على السرعة )
الخامات بتاعة العربي جيدة جدا وده انا بحبة وبفرقة عن بقية العربيات
السرعة والتسارع جيدة جدا (ومحدش يقولى طلعتها بطيئة-ماهو يا فرحتي نجري بيا وتبقى سريعة لغاية ال80او ال100 وبعد كده تبقى تقيلة خنيق انما تبقى تسارعها اقل من الاخرى ولكن ثابت لغاية ما اجيب اخرها هوه ده المطلوب )
كماليات العربية حلوة ومفيده مش كماليات وخلاص وعد لا كماليات تستفيد بيها
التابلوه فية درج سري مش باين وتلاجة تسقع الكانز فيها (مش فاضل الا البوتجاز يبقى في الشنطة )
الحجم مدمج يعنى صغيرة من برة وكبيرة من جوه
الصاج الحمد لله قوي ويتحمل وربنا يستر
العدادات في وضعية جيدة جدا للقراءة
الدركسيون متحرك وتلسكوبي
التكييف قوي ولو شغلتة على 3 مش هتقدر تستحملة اكثر من ربع ساعة
اماكن تخزين متعددة
شنطة محترمة مش صغيرة ومش كبيرة لكنها بتلم كل اللى ات عايزة مش زي البيكانتو ولا الاي 10
الامان بمجرد ما تشيل المفتاح من الكونتاكت كل كهرباء العربية تفصل والبنزين يتقطع ولو في نور ناسية يشتغل انزار للتذكير
ممتعة في القيادة يعنى متزقش منها مهما طال المشوار
وفي النهاية اعتذر لو كنت طولت عليكم ولو في اي استفسار انا تحت امركو
والسلام عليكم
مجهود تشكر عليه يا باشا
والف مبروك الكوبلن وان شاء الله ربنا يباركلك فيها ويكفيك شرها
انا عايز اسألك بس جبت طرمبة المياه بكام ونوعها ايه ؟
ياريت ياباشا تنقلنا تجربتك
يا اهل الخير انا قررت اشتري سكودا فابيا ان شاء الله اتنين اصدقائي بيعملوا المستحيل علشان يقنعوني بيها وكنت قلقان جدا بصراحه بس بعد ماقريت الكلام اللي مكتوب هنا اطمنت جدا وهستخير ربناان شاء الله واجيب فابيا
لو فيه اي نصايح ياريت ماتبخلوش عليا خصوصا ان دي اول عربيه ليا ومش عايز اتعقد من اولها :new: وياريت تقولولي ادور فين علشان انا قلبت النت والمعروض منها قليل قوي مش قادر افهم ليه والسعر بتاعها تقريبا كام موديلات 2002-2003-2004 ال 1400 سي سي
مستني الردود وربنا يجعلها في ميزان حسناتكم
اخوكم د.احمد
بص يا اخي قبل ما تودي العربية لصنايعي يكشف عليها اركبها الاول واعمل الاتي
اكسر الدركسيون شمال على الاخر واطلع واليمين برضة هتعرف الكبالن
امشي شوية ودوس فرامل بس مش للاخر هتعرف حالة التيل
حاول تاخد مطبات خفيفية جدا على الارض بس بسشرعة هتعرف حالة العفشة والمساعدين
بعد كدة اطلع بالعربية من غير ما تدوس بنزين خالص هتعرف حالة الاسطوانة الديبرياج
برضة بص على الصاج كويس من جوة ومن برة لان العربية دي مضبوطة بالملي فمهما كان احترافية السمكري برضة هيبان لو اتعمل فيها شغل
يفضل السيارة ماتكونش راشة سقف
الاسعار في الاربيعينات على حسب الحالة
واياك ثم اياك ثم اياك تفتكر انك ناصح وتجيب واحدة 1400 ب30 الف وتقول انا وفرت لاء هتفرص اكثر من الثلاثين
ال1000 سي سي هتلاقيها في الثلاثينات وبرضة كويسة ولكن في الغالب هتبقى فاضية
العربية بمفتاحين ولو التاني ضايع احسنلك متشتريش لانها تاني يوم هتتسرق
نصيحة عامة لا تشتري سيارة منتهية الرخصة (لان احيانا بتبقى فيها مشاكل )
كلامك جميل بس مش قاعده اوي
وختلافي معاك في الفكرة مش في المضمون
موضوع المفتاح عادي - ممكن يضيع منك وتضطر تجيب واحد تاني - فمش فضية انك تشوف عربية جامده ومتشتريهاش علشان معهاش مفتاح تاني مثلا -
وموضوع راشة سقف ولا لأ على حسب -
ممكن وانت بترش اللون مش موجود بدقة كبيره او السقف محتاج رش لنضافة - عادي
- زي ما انت قولت اهم حاجة يكشف عليها كويس اوي -
المستعمل زي البطيخة-اكشف كويس واعمل اللي عليك وتوكل على الله واستخير
والله ينور
فعلا اهم حاجه استخارة ربنا قبل الشري
ماجد منير
فابيا 2001 1400 سي سي
العربية ممتازة بس اكسسواراتها عزيزة شوية بس موجودة
زي ما قولت قبل كده في مشاركة سابقة العربية كويسة وركوبتها حلوه جدا
وعلى فكرة انا كنت راكبها وراكب معاها لانسر مو2008 والله ما كنت برتاح الافيها ولا حتى في السحب والجري
ناهيك عن الدلع (عربية بتعاملك على انك ملك مش سواق جرب تركب اكثر من عربية عشان تفهم معنى كلامي )
وتحت امركوا في اي استفسار
وليد أمين
ميني فابيا 2009 - 1600
الفابيا بجد عربية ظريفة
مشاكلها كلها في عدم معرفة الناس بيها
اشتريتها عاملة 80 الف من تحت ايد شاب من سنة ونص
مالاقيتش المعلومات عن العيوب اللي ممكن تبقي فيها والنصائح عن النقط اللي اخد بالي منها
فانضحك عليا فيها شوية ولكني اشتريتها بسعر كويس
انا عديت علي مشاكل في الفرامل والفتيس والتكييف والمفتاح
بس رغم كدة انا معجب بالعربية عموماً وباستريح اني انزل بيها المشاوير جوة البلد عن الكارينز وشوية كدة هابدا اجيبلها كاوتش وفرش ان شاء الله
انا معايا فابيا2005 أوتوماتك
1400 , 2كامة
متابع وياؤيت الرابطة تبقي اكتر من كدة ومنورين الرابطة كل الاساتذة الكبار منو ررررين
عندى راجة غريبة فى الموتور وكشفت عليها كمبيوترمش بيظهر اى error
جزاكم الله خيرا
استفدت كتير من المشاركات الجميلة دى
بفكر من فترة فى الفابيا لكن مالقتش معلومات كفاية عنها
كمان لقيت موديلات هاتش باك و سيدان و استيشن
و لقيت مواتير 1000 و 1200 و 1400 و 1600 سى سى ... أيهما أفضل من ناحية الآداء و توافر قطع الغيار و الفروق بينهم إن أمكن ؟
شكراً مقدما
لو من ناحية الاداء فطبعا الـ 1600 أعلاهم اداء ( تسارع وسرعة قصوي )
والموضوع بيختلف علي حسب رغبة حضرتك من العربية
يعني لو غاوي شد وجري يبقي الـ 1600 طبعا وده بيبقي في الموديلات الاحدث يعني من سنة 2005 تقريبا
ودي اسعارها بتبقي من منتصف الخمسينات وانت طالع
والـ 1400 والـ 1000 والـ 1200 دي موديلات من 2001 لحد 2004 تقريبا وبتبدأ أسعارها من 35 ألف لحد اواخر الآربعينات تقريبا علي حسب الكماليات والحالة
فالموضوع بيرجع للغرض اللي انت عايزه من العربية هل مجرد تقضية مشاوير ولا للشد والجري دي نقطة
والنقطة التانية حسب المبلغ اللي عامل حسابك عليه
منين ممكن اجيب مراية جنب صيني لميني فابيا
حضرتك شوف في الحرفييناقتباس:
المشاركة الأصلية كتبت بواسطة dido76
في حد معين اروحله
هو الحرفيين في جديد هناك
ايوة يا باشا في جديد وفي استراد الجديد في واحد في شارع المرسيدس اسموا فتح الباب حاجة زي كدة والاستراد في كتيير والجديد في كتيير الستيراد فية واحد اسمو الخواجة وفي كتير
تؤمرني يا باشااقتباس:
المشاركة الأصلية كتبت بواسطة dido76
محل الشيخ حسن والكوثر والالمانية جروب نزلة الريحانى
وفى محلات كتير جدا فى نفس الشارع الى فية الشيخ حسن ولو استعمال فى طبعا مجدى البيومى وابراهيم ابو العنين وابو الدهب وشاكر
والله يا اخي انا لفيت على المرايا اليمين كتير وملقتهاش وكله قالي مفيش منها صيني واللى لقيتها استيراد ماكانتش حالتها مية مية وكانت كهرباء وهيحسبهالي ب200 فصرفت نظر وروحت جيبتها جديدة من شارع دمشق بال220 تايواني