السلام عليكم
................
عربيتي f3 عاملة 37000 كيلو في مشكلة غريبة لاحظتها في العربية عندي اول ما ادورها الصبح اسمع صوت حكة وتصفير من ناحية سير الكاتينه ولما العربية تسخن الصوت يختفي خالص ولو دورتها في اي وقت بعد كدة عادي مفيش اي اصوات !!! ...
انا بقى شاكك في حاجة الموتور عندي من ساعة ما جبت العربية مغسلتوش ولا مرة وكنت بعملوا بالهواء فقط
هل ممكن يكون مثلا في تراب على السير او زيت وقع عليه اثناء تغيير الزيت وهايروح مع الغسيل ولا الموضوع أكبر من كده :120146b
فيه سير عندك مش مشدود كويس عادة السير لو مش شدود كويس ثانيا ممكن تكون بلية كاتينة تعمل صفارة
اقتباس:
المشاركة الأصلية كتبت بواسطة ghareep999
شكرا على اهتمامك ... انا عامل دلوقتي حوالي 37.200 هل استنى لحد صيانه الـ 40.000 اللي بيغيرو فيها الكاتينه وسير الدينامو ولا الموضوع ما يتسكتش عليه
دا في الغالب سير المجموعة مش سير الكاتينة,
متقلقش سير الكاتينة مش بيعمل صوت كدا, والصوت اللي بيحكي عنه دا بيكون سير المجموعة في الغالب.
لو بيستمر شوية لمدة نص دقيقة مثلاً مع أول الدوارة وبيروح بيبقي سير المجموعة,
ولو العربية صرخت بس مع الدوارة لثانية أو أتنين بيكون ترس المارش.
اقتباس:
المشاركة الأصلية كتبت بواسطة ahmed amin
هو فعلا الصوت مع اول الدوارة لمده دقيقة كده وبيروح ......هو أيه سير المجموعة دة !!!!!!
سير الدينمو أو المجموعة محتاج يتشد ...
اقتباس:
المشاركة الأصلية كتبت بواسطة mahshahin
:S_thum1[1]:اقتباس:
المشاركة الأصلية كتبت بواسطة Ahmadhamza84
المشكلة ديه تستنى لحد صيانه ال 40 الف ولا لاء
تستني عادي مفيش مشاكل. طالما صوت بيطلع في بداية الدوراة وبيروح بعد شوية ومش مستمر,,
وسجل الصوت بالموبيل أو حاجة يكون صوتها واضح, عشان لما تروح توصفهالهم وتسمعلهم الصوت عشان يشوفو هوا سير المجموعة ولا مارش,
السلام عليكم
************
بعد الاخذ بنصائح الاخوة الافاضل الاعضاء , قمت بالاتي :
1- شد سير الدينامو
الصوت مارحش
2- شد سير المجموعة ( الميكانيكي بيقول عليه سير التكييف !! )
الصوت مارحش
3 - جبت الميكانيكي وانا بدور العربية الصبح عشان يسمع الصوت .. وقالي ان الصوت ده من طرمبة الباور
واكيدلي كلامه بأنه لما يكسر الدريكسيون للأخر خالص يمين او شمال اسمع صوت نحره
السؤال بقى هل طرمبة الباور ديه ضمن ضمان العربية ولا لاء !!
انا عامل بالعربية 38 الف كيلو