صوت حكه وتصفير من ناحيه سير الكاتينه مع دوارة العربية فقط !!

**mahshahin** · 22-12-2013 08:35 PM

السلام عليكم
................

عربيتي f3 عاملة 37000 كيلو في مشكلة غريبة لاحظتها في العربية عندي اول ما ادورها الصبح اسمع صوت حكة وتصفير من ناحية سير الكاتينه ولما العربية تسخن الصوت يختفي خالص ولو دورتها في اي وقت بعد كدة عادي مفيش اي اصوات !!! ...

انا بقى شاكك في حاجة الموتور عندي من ساعة ما جبت العربية مغسلتوش ولا مرة وكنت بعملوا بالهواء فقط

هل ممكن يكون مثلا في تراب على السير او زيت وقع عليه اثناء تغيير الزيت وهايروح مع الغسيل ولا الموضوع أكبر من كده

**ghareep999** · 22-12-2013 08:47 PM

فيه سير عندك مش مشدود كويس عادة السير لو مش شدود كويس ثانيا ممكن تكون بلية كاتينة تعمل صفارة

**mahshahin** · 22-12-2013 08:55 PM

المشاركة الأصلية كتبت بواسطة ghareep999

فيه سير عندك مش مشدود كويس عادة السير لو مش شدود كويس ثانيا ممكن تكون بلية كاتينة تعمل صفارة

شكرا على اهتمامك ... انا عامل دلوقتي حوالي 37.200 هل استنى لحد صيانه الـ 40.000 اللي بيغيرو فيها الكاتينه وسير الدينامو ولا الموضوع ما يتسكتش عليه

**Ahmed Amin** · 22-12-2013 09:10 PM

دا في الغالب سير المجموعة مش سير الكاتينة,
متقلقش سير الكاتينة مش بيعمل صوت كدا, والصوت اللي بيحكي عنه دا بيكون سير المجموعة في الغالب.
لو بيستمر شوية لمدة نص دقيقة مثلاً مع أول الدوارة وبيروح بيبقي سير المجموعة,
ولو العربية صرخت بس مع الدوارة لثانية أو أتنين بيكون ترس المارش.

**Ahmadhamza84** · 22-12-2013 10:42 PM

سير الدينمو أو المجموعة محتاج يتشد ...

**Ahmed Amin** · 23-12-2013 05:18 AM

المشاركة الأصلية كتبت بواسطة mahshahin

هو فعلا الصوت مع اول الدوارة لمده دقيقة كده وبيروح ......هو أيه سير المجموعة دة !!!!!!

المشاركة الأصلية كتبت بواسطة Ahmadhamza84

سير الدينمو أو المجموعة محتاج يتشد ...

**Ahmed Amin** · 24-12-2013 07:00 PM

تستني عادي مفيش مشاكل. طالما صوت بيطلع في بداية الدوراة وبيروح بعد شوية ومش مستمر,,
وسجل الصوت بالموبيل أو حاجة يكون صوتها واضح, عشان لما تروح توصفهالهم وتسمعلهم الصوت عشان يشوفو هوا سير المجموعة ولا مارش,