عربية حاجتها ببلاش @@!!!! وعجبي

**AHMED HANAFY** · 23-12-2013 03:19 PM

المشاركة الأصلية كتبت بواسطة beshoyyy

خمسة جنية مصنعية ؟؟؟

ممكن كمان اديلة 2 جنية

منور يا قمر بس والله دة اللي بيحصل معايا وعلي فكرة ساعات كمان بيعملها ببلاش

**ABO MALEK** · 23-12-2013 04:19 PM

الصور فين شوقتنا يا ابو اسكندر.

**Zing0** · 23-12-2013 10:39 PM

فين الصنايعى إللى بيشتغل ببلاش ده, لو سمحت عاوزين مكانه و تليفونه, ده الناس ممكن تسافر له مخصوص كمان
ربنا يديم عليك جو القاهرة 1930 ده
--------------------------------------
أنا عاوز أقولك إن آخر مرة غيرت فيها طقم كهربا (بوجيهات و أبلاتين) و ضبط تاكيهات و الصنايعى واخد 100 جنية مصنعية فقط
آه و الله, مش مصدق طبعاً, و ميكانيكى فى منطقة شعبية شبه ريفيه كمان, يعنى مش توكيل و لا مركز صيانة مثلاً

**AHMED HANAFY** · 24-12-2013 01:54 AM

المشاركة الأصلية كتبت بواسطة abo malek

الصور فين شوقتنا يا ابو اسكندر.

والله فية مشكلة في التليفون مش عارف فية اية مش عاوز ينقل

ح احلها وارفعهم ان شاء الله

**AHMED HANAFY** · 24-12-2013 02:01 AM

المشاركة الأصلية كتبت بواسطة Zing0

فين الصنايعى إللى بيشتغل ببلاش ده, لو سمحت عاوزين مكانه و تليفونه, ده الناس ممكن تسافر له مخصوص كمان
ربنا يديم عليك جو القاهرة 1930 ده
--------------------------------------
أنا عاوز أقولك إن آخر مرة غيرت فيها طقم كهربا (بوجيهات و أبلاتين) و ضبط تاكيهات و الصنايعى واخد 100 جنية مصنعية فقط
آه و الله, مش مصدق طبعاً, و ميكانيكى فى منطقة شعبية شبه ريفيه كمان, يعنى مش توكيل و لا مركز صيانة مثلاً

والله العظيم لسة جاي من عندة النهاردة وعمل الرفرف اليمين عشرة / عشرة وان شاء الله حيكمل بكرة الباقي ... المشكلة انة شغاااال الصبح علي التاكسي بتاعة ف بيشتغل بليل بس في الورشة من الساعة 6 كدة بس والله شغلة في الرفارف تمام التمام وربنا

طيب والله يا زينجو يا خويا اخر مرة غيرت البوجيهات وظبطت التاكيهات كان 10 جنية واديت الواد الصبي 5 جنية ومن فرحتة

ربط قاعدت الموتور كمان عشان كانت مهاوية
وحياة ربنا في شوية صنايعية سفاحين وفي ناس تانية والله بيراعوا ربنا

انا من اسكندرية وساكن في سيوف شماعة والصنايعية هنا وحياة ربنا ما يعلي عليهم سواء في الجديد أو القديم

**yoyhmh** · 24-12-2013 03:42 AM

و الله العظيم انت و عربيتك اللادا زى الفل
انما الناس التانية اللى بتحب تترسم بعربياتها و تترسم قدام الصنايعبة والصنايعى يفهموا انه بيعملوا
اللى ميعملش هم دول اللى خلوا الصوانعية اللى اصلا مش صوانعية يطلبوا كتير ويفتروا على اصحاب العربيات
وربنا يجعل مصر بخير..................

**بلاحدود** · 07-03-2014 12:11 AM

الموضوع حلو جدااا ومفيد بس انا اتصدمت انا شاري 2105 موديل 85 حالتها نضيفه بصراحه واول عربية ليه برضو ب 17500 وانت بتقول 82 ب 9000 لا بجد انا اتصدمت وحاسس اني اخدت مقلب جامد المهم اوصفلي مكان الصنيعية دول لحسن اخوك لسه ميعرفش اي حاجه في اي حاجة

**abokoko** · 07-03-2014 12:59 AM

الاستاذ احمد حنفي باين عليه فعلا مرزق
ربنا يديمها عليه نعمه

عموما انا بتعامل مع ميكانيكى زميل لى فى العمل وفاتح ورشه بعد الظهر
وتقريبا بصلح عربيتى عنده بالكامل
ميكانيكا وعفشه وكهرباء
اللى بيتصعب بيقول لى روح اعملها بره
وبيتعامل معايا كويس بحق الزماله فى الاول والاخر + انى غالبا بزود 5 او 10 جنيه عن اللى هو بيقول عليه
وهو عارف كده لانه بيكرمنى فى المصنعيه
والاهم انى لما بتزنق وتعطل العربيه بعيد عن الورشه بتصل بيه وبيجيي لى
الحمد لله

لما بروح لصنايعيي تانى ( لو صاحبي مسافر مثلا ) بعرف الفرق فى المصنعيه

الاستاذ احمد ممكن يكون بيتعامل مع صنايعييه من المنطقة او معارف او انه خفيف الدم ( عشري )
بكرر
هو مرزق وربنا يكرمه بهذه النعمه

**goldengold4** · 08-03-2014 10:28 AM

على فكرة انا معايا نفس العربية بس موديل 95 بس المصاريف اكتر من كدة شوية يمكن بتختلف من صنايعى لاخر بس هية بجد ممتازة فى المصاريف عن باقى العربيات و لكن هية برده متعبة فى بعض الحاجات