antipolution fault و غياب دوارةلبيجو 406

**Ahmed Amin** · 24-12-2013 03:53 PM

المشاركة الأصلية كتبت بواسطة م أحمد

معلش ممكن اعرف تأثير زيت الباور مع البنزين ايه على دورة الوقود ؟

الموضوع مالوش علاقة بفلتر الهواء .! لأن المارش مش بيلف أصلاً علي وصفك,,
ثانياً متحطش زيت علي البنزين ولا تفكر تعملها.

وجرب زي ما قلت تدور ببطارية من عربية واحد تعرفة وشوف هتدور معاك من أول مرة ولا لأ.
لأن فيه بطاريات كتير بتموت بعد شهر أو 3 شهور, وعشان كدا بيكون ليها ضمان 6 شهور,
متوسط عمر البطارية السليمة من سنة ل 3 سنين.

اللي بيحصل عندك بتكون أعراض بطارية في الغالب, فخلينا نبدأ بيها وهيا الأسهل بعد كدا نشوف الكهرباء

جرب البطارية ورد عليا.

**Ahmed Amin** · 26-12-2013 04:17 AM

المشاركة الأصلية كتبت بواسطة mohamedadelemam

يا فندم زيت الباور بينضف اى رواسب فى طريقه من اول الفلتر للخراطيم للpressure regulator للرشاشات للصبابات للبوجيهات حتى حساس الشكمان مع خروجه كعادم وانا مجربه كذا مره فى نفس موتور حضرتك فى ال605 وماشاء الله رجعها زيرو كانت مخنوقه وبتسقف حاليا ماشاء الله منطلقه وناعمه جدا وبقيت دوريا بأحطه كل شهر ربع لتر مع تفويلة التانك ويافندم متخافش من كلام الناس اصله هيبوظ وهيعمل ويسوى ويارب بالتوفيق

طيب كويس والله, أول مرة أعرف المعلومة دي.
شكراً ياباشا علي التوضيح, وأنا هبحث في الموضوع وأشوف لو ليه أضرار جانبية تانية بجانب تنضيف الرواسب ولا لأ.
ولو لاقيت أنو فيها ضرر هبقي أكتب هنا, ولو ملاقتش هجربه بنفسي وأبقي أرد برضه بالنتيجة.

**mohamedadelemam** · 26-12-2013 03:05 PM

اتشرفت بكم يا محترمين بارك الله فيكم

**mostafa afifi** · 27-12-2013 01:35 AM

نفس المشكله عندي و هتلاقي اسهلاك البنزين بقا عالي شويه و العربيه هتحس انها مكتومه و المشكله ان الفتيس بيسخن و سحبه بيضعف..... الحل علبه بيئه استيراد عشان جديده غاليه اوي

**م أحمد** · 27-12-2013 08:59 AM

المشاركة الأصلية كتبت بواسطة mostafa afifi

نفس المشكله عندي و هتلاقي اسهلاك البنزين بقا عالي شويه و العربيه هتحس انها مكتومه و المشكله ان الفتيس بيسخن و سحبه بيضعف..... الحل علبه بيئه استيراد عشان جديده غاليه اوي

معلش ممكن توضح سعر العلبة دى استيراد كام و جديدة كام وازاى بتعرف ان الفتيس بيسخن ؟

**mostafa afifi** · 27-12-2013 01:58 PM

المشاركة الأصلية كتبت بواسطة م أحمد

معلش ممكن توضح سعر العلبة دى استيراد كام و جديدة كام وازاى بتعرف ان الفتيس بيسخن ؟

هي في التوكيل ب 5 الاف تقريبا بس استيراد لسا مسألتش ....و الفتيس بيسخن بتلاقي السحب بقا ضعيف ...و في الصيف مع التكيف تلاقي الحراره اعلي من 90 و المراوح شغاله و الميه مظبوطه .........ده كلام التوكيل ....و لو سبتها هتلاقي العربيه مكتومه و بتعلي و توطي و حساس اليدل (stepper) هيبوظ و ده اللي حصل معايا دلوقتي

**م أحمد** · 28-12-2013 06:31 PM

الحاج راحب العربية لواحد بتاع شكمان بلدياتنا ، المهم العلبة بتاعت الشكمان فرغ منها صدأ وزلط!!! أيوة زلط و قالوالشبكة بتاعت الشكمان بايظة ودى هى كل حاجة ، وصوت الموتور هيفضل عالى لغاية لما تجيب علبة جديدة ، متهيألى ولاد الحلال ربنا ينتقم منهم اللى حطوحاجةجوة الشكمان ودا سبب الصوت العالى فى الشكمان ساعة الدوارة صوت شخشخة الزلط ههههههههه

بالنسبة للسعر 5000 آلاف ، الشكمان الجديد هيبقى عيار كام !!!

**م أحمد** · 29-12-2013 06:45 PM

المشاركة الأصلية كتبت بواسطة mostafa afifi

هي في التوكيل ب 5 الاف تقريبا بس استيراد لسا مسألتش ....و الفتيس بيسخن بتلاقي السحب بقا ضعيف ...و في الصيف مع التكيف تلاقي الحراره اعلي من 90 و المراوح شغاله و الميه مظبوطه .........ده كلام التوكيل ....و لو سبتها هتلاقي العربيه مكتومه و بتعلي و توطي و حساس اليدل (stepper) هيبوظ و ده اللي حصل معايا دلوقتي

يا استاذ مصطفى علبة الشكمان مش بخمسة آلاف والاسعار اللى تشككك فى جودة الحاجة
و انها ممكن تكون صينى

علبة البيئة بعد ما تصلى على النبى ب 7200 جنيه والوسطى ب 930 و الورانيا ب 1130 فى التوكيل (نسبة من الأكل)

ايش حال انها بيئة ، اومال لوعلبة شكمان هاى ستايل هتبقى بكام !!!

بس بجد انا مش عارف ايه وظيفتها وكلام الراجل بتاع الشكمان كان على العلبة اللى ورا