رد مع اقتباس
صديقي المواطن
مش عايز أحبطك بس مشكلتك بطارية قولا واحدا ﻷن عربيتك مش جديدة فتحتاج بطارية صحتها كويسة وحالتها النفسية تمام وعشان أثبتلك صحة كلامي الصبح هات عربية وخد منها كبل على بطارية عربيتك ودور حتدور قولا واحدا ومفيش بطارية بنت ناس وبتفهم في اﻷصول تنام من 3 أو 4 محاولة تدوير وده لا يمنع عندك ضعف في المارش وده بسيط تفكه وتوديه عند محمد لطفي في لازوغلي أو عند شركة ميمي في الجيزة جنب مستشفى أم المصريين وحيفوروه ويفحصوه ويرجعوه زيرو ومش حوصيك بقه فلتر هواء وفلتر بنزين وطقم سلوك بوجيهات مع طقم بوجيهات بكود العربية نوع غالي عشان تلقط بسرعة
وموضوعك بسيط ولا تقلق ملحوظة لما تروح تشتري بطارية هات جافة وهاتها فارتا وكمان متسمعش كلام حد هاتها أكبر من البطارية اﻷصلي بتاعت عربيتك يعني لو عندك مكان يكفي تحط بطارية 74 أمبير فهاتها مش تروح تركبلي بطارية 55 أمبير بتاعت هيا نلعب يا أطفال عشان نوفر 200 جنيه البطارية بتقعد 3سنين واحيانا 4 وشوية لو معاك دينمو جبار ومتنساش قطاشين جداد محملين وتجيب أرضي جديد محمل جدا.للمارش وللدينمو وتكون عملت خير لو ركبتلي كتاوت تقوية للمارش
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال
الموضوع: الفليشيا سقعانة وبردانة ومزهقاني
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 95704
تاريخ التسجيل : 21Apr2011
المشاركات : 2,310
النوع : ذكر
الاقامة : cairo حلوان
السيارة: BMW إنشاء الله
السيارة[2]: سكودا فليشيا 96
الحالة :
الفليشيا سقعانة وبردانة ومزهقاني -
انشر الموضوع فى : hasad">السلام عليكم ورحمة الله وبركاتة
اسف لاني مكنتش موجود الفترة اللى فاتت واشكر كل من سأل عني واخص بالذكر اخي الاكبر الاستاذ إكرامي ( أبو إبراهيم ) لانه الوحيد اللى سأل عني يلا ما علينا
الموضوع فى ايام السقعة الجامدة ان العربية مكنتش بتدور مرش لازم تتزق
الخلاصة لحد امبارح نفس الموضوع المرش حاسس ناه مش عاوز يدور للفة كاملة وبيتعتل ويفضل يعمل كدة لحد مايفضي البطارية
أزوق العربية ومن اول مرة تدور عادي ابطل وادور مارش تدور زي الحلاوة بطل دور بطل دور قشطة
لما اركن العربية لتاني يوم نفس الموضوع مع اني فصلت كابل البطارية ولازم ازوقها
امبارح توكلت على الله فكيت المارش ولقيت الترس بتاع المارش زي مايكون علية تراب اسود نضفتة ببنزين وكنت عاوز افك الجزء الكهربي معرفتش لاني مكنش معايا المفتاح المناسب
نضفت اطراف التوصيل وركبتة ودارت العربية اول مرة بطلتها وادورها تاني مش عاوزة تدور هوب اديها زقة تدور وابطل وادور تمام
المهم المشكلة دي قرفاني اعمل اية وياتري العيب منين
ومحدش يقولي البطارية لاني فصلتها بعد مشوار طويل واتشحنت تمام وفصلت الكابل لتاني يوم وحاولت ادور مرة والتانية والتالتة لحد ما البطارية نامت
اة بالمناسبة الميكانيكي قاللي ممكن المارش بيسحب كهربا بغباء جايز بسبب الشربون او الفحماتمع تحياتي / أحمد أبو ميزو
[img2]http://www5.0zz0.com/2014/05/05/06/544429690.jpg[/img2]
-
رقم العضوية : 96064
تاريخ التسجيل : 23Apr2011
المشاركات : 3,658
النوع : ذكر
الاقامة : nasr city
السيارة: more than 300 cars سابقا
السيارة[2]: now I have 11 cars
دراجة بخارية: من زمان
الحالة :
-
-
رقم العضوية : 49143
تاريخ التسجيل : 07Oct2009
المشاركات : 523
النوع : ذكر
الاقامة : القاهرة
السيارة: ربنا يسهل
السيارة[2]: فليشيا 95
دراجة بخارية: لا توجد
الحالة :
-
المشاركة الأصلية كتبت بواسطة saddam
ما فيش كلام تاني بجد يتقال
وعلى فكرة ميمي الى عند ام المصريين ده متخصصين في المارش والدينمو بتاع كل العربيات ومتمكنين اوي فعلاً
بس الحاجة الوحيدة الى ممكن نتكلم فيها امبير البطارية لو سليمة و 55 امبير للعربية هتبقى كفاية
-
رقم العضوية : 130473
تاريخ التسجيل : 21Oct2012
المشاركات : 2,922
النوع : ذكر
الاقامة : الأسكندرية
السيارة: كانت 128 زستافا
السيارة[2]: فليشيا كومبى 1997
الحالة :
-
بالنسبة لاى عربية لو البطارية 70 امبير او اكبر ده بيدى عمر اطول للبطارية وخصوصا بالنسبة للموتور القديم وده علشان مساحة الالواح داخل البطارية بيبقى كبير وبيتحمل الأجهاد سواء فى الشحن العالى وغير المنتظم من الدينامو او كتر الدوارة والمارش القديم اللى بياكل كهرباء الخلاصة الافضل تركيب اعلى امبير فى العربية يسمح بيه حيز البطارية وبلاش البطاريات الصغير 55 امبير او اقل المشاركة الأصلية كتبت بواسطة ayman20100
بالنسبة لشرح سبب تأخير الدوارة للفليشيا واى عربية اشعال الكترونى انها بتبقى حساسة لفولت البطارية وده بيأخر الدوارة لو كفائة البطارية قلت عن 75% وفولت البطارية فى بدء الأدارة يقل عن 11.5 فولت فالمشط الألكترونى مابيقدرش يولد شرارة كافية لبدء ادارة الموتور يختلف الوضع بالنسبة للابلتين والكوندنسر فى الاسبراتير العادى ممكن بطارية ضعيفة تدور فانصحك تجرب شحن البطارية اولا لمده ساعتين على التونجر ولو تعبتك فى الدوارة غيرها ومفيش حد مستحمل زق وربنا يقويك !!
-
رقم العضوية : 95704
تاريخ التسجيل : 21Apr2011
المشاركات : 2,310
النوع : ذكر
الاقامة : cairo حلوان
السيارة: BMW إنشاء الله
السيارة[2]: سكودا فليشيا 96
الحالة :
-
طيب الكلام اللى فات كلام زي السكر وفهمتة كويس
بس محتاج تفسير لحاجة واحدة ....... العربية بتتزق وبتدور عادي مجرد مادرات ابطلها وادورها تاني تدور زي الفل
هل معقولة من الكام ثانية اللى دارتهم العربية تكون احييت البطارية الميتة
عموماً انا هفك المارش لانه واضح المشكلة فيه لان اللى متاكد منه ان حالة البطارية عندي متغيرتش من ساعة ماجبت العربية والدليل اني فكيت كابل البطارية لتاني يوم ومحلش المشكلة
فى الغالب المشكلة فى شربون المارش او حاجة بسيطة ان شاء الله
وانهاردة او بكرة بالكتير هشوف اخر الموضوع وهكتبلكم المشكلة كانت فين واتحلت ازاي
اشكر كل من شارك بالموضوعمع تحياتي / أحمد أبو ميزو
[img2]http://www5.0zz0.com/2014/05/05/06/544429690.jpg[/img2]
-
رقم العضوية : 95704
تاريخ التسجيل : 21Apr2011
المشاركات : 2,310
النوع : ذكر
الاقامة : cairo حلوان
السيارة: BMW إنشاء الله
السيارة[2]: سكودا فليشيا 96
الحالة :
-
إليكم الجديد فى هذا الموضوع
أمبارح قررت اروح للكهربائي نزلت كلعادة شيلت الغطا من على العربية وبصيت ع الزيت والماية كلة تمام وللعلم العربية كان بقالها باللظبط يومين مركونة ومتغطية بس حبيت اعرف البطاررية اخبارها اية شغلت النور العالي تمام لاكن طبعا مدورتش العربية .......... زقيت العربية وخرجت عديت الاول على واحد بتاع بطاريات كشف عليها وقاللي البطارية مبروك رايحة فى داهية قولتلو الله يبارك فيك وروحت للكهربائي شاف العربية ودور وبطل ودور وبطل الراجل قرر ان العيب مش فى المارش وان المشكلة ممكن تكون فى الموبينة ضعيفة مش بتعمل شرارة قوية لبداية الحرق وانها بعد مابتسخن بتشتغل تمام ووصفلي واحد تاني بتاع بطاريات قاللي الراجل دة عندو ضمير هيقولك حالتها بالظبط
فعلا طلعت على الراجل ودور وبطل واختبر البطارية والعربية دايرة ومبطلة وباقي الاختبار دة وفى الاخر قاللي بطاريتك سليمة مفيهاش اى حاجة
اسف طولت عليكم بس انا استنتجت الاتي
بتاع البطاريات الاول طلع نصاب وعايز يبيعلي بطارية والسلام
الكهربائي اكدلي ان المارش تمام التمام وان العيب مش فيه
احتمال يبقي من المشط الالكتروني او الموبينة ودة اللى هعرفة انهاردة
وانا بركن العربية لقيت صوتها وطي اوي وتقريبا بوجية بيفصل ويشتغل
طاقم البوجيات عاوز يتغير علشان طلع مضروب ngk
معلش صدعت دماغكو بس حبيت اشاركو افراحي واعطالي
مع تحياتي / أحمد أبو ميزو
[img2]http://www5.0zz0.com/2014/05/05/06/544429690.jpg[/img2]
-
رقم العضوية : 48788
تاريخ التسجيل : 04Oct2009
المشاركات : 161
النوع : ذكر
الاقامة : الاسكندرية
السيارة: سكودا فيليشيا
السيارة[2]: سكودا فيليشيا
دراجة بخارية: لا
الحالة :
-
على فكرة .. انا حصل معايا نفس المشكلة بالظبط و كنت معتقد ان العيب فى المارش لان العربية بعد الزقة بتبطل و تدور زى الفل . المهم رحت للكهربائى و اكدلى ان العيب عيب بطارية ذهبت مباشرة لتاجر بطاريات معرفة و كانت العربية بتدور زى الفل و طلب منى اشغل النور العالى لمدة خمس دقائق , و فعلت و بعدها ماتت البطارية و ركب لى بطارية جديدة و انتهت المشكلة
-
رقم العضوية : 66885
تاريخ التسجيل : 03Apr2010
المشاركات : 39
النوع : ذكر
الاقامة : egypt
السيارة: Skoda Felicia 1996
السيارة[2]: Opel corsa 2004
الحالة :
-
غالبا المشكله عندك تهريب بنزين من الكربراتير و العربية مش بتدور غير لما تزقها فبتكون الطلمبة حضرت بنزين
جرب الصبح قبل ما تدور تفك العمه و تحط شوية بنزين صغيرين في الكربراتير حوالي غطاء صفير مملوء و دور من غير ماتدوس اكسراتير لو العربية دارت مارش عادي و لقطت بسرعه كده معناه ان رداخ البنزين عندك الكاوتشه بتاعته بتهرب البنزين و بيرجع تاني للتانك و يبقي الحل انك تغير الرداخ او تركب واحد كهرباء و لو مادارتش غير زق يبقي بوجيهات او الصبابات مش مظبوطه بتهرب كبس الموتور و ساعتها هتحتاج ضبط تاكيهات و اي خدمة
م - سامح ليله
-
رقم العضوية : 130473
تاريخ التسجيل : 21Oct2012
المشاركات : 2,922
النوع : ذكر
الاقامة : الأسكندرية
السيارة: كانت 128 زستافا
السيارة[2]: فليشيا كومبى 1997
الحالة :
-
ربنا معاك المشاركة الأصلية كتبت بواسطة أحمد جودة
هو اية حكاية البوبينة والمشط الألكترونى معاك ؟؟؟؟؟؟؟
على فكرة ممكن تكون البوجيهات المضروبة السبب فى احتياج الموتور شرارة قوية لبدء الادارة غيرها الاول وركب بوجيهات فرنساوى eyquem مركبها 10/10 وكنت عاوزك تدور العربية بوصلة من بطارية كويسه قبل ماتزق العربية وخلى بالك كتر الزق بيأثر على الكبالن ومجموعة الدبرياج والبواسير كمان تحياتى
-
رقم العضوية : 120397
تاريخ التسجيل : 13Feb2012
المشاركات : 525
النوع : ذكر
الاقامة : العاشر من رمضان
السيارة: عايز أشد الأولي
السيارة[2]: skoda favourit 94
دراجة بخارية: لا يوجد (ده موتسهل يا كبير)
الحالة :
-
hasad">البطارية بتسقع حصلت معايا كام مرة فى السقعة الاقى المرش مش قادر يلف عايز حد يزقه تسخن شوية تبقى تمام
no Drift ........no Fun
المواضيع المتشابهه
-
صوت فى الفليشيا
بواسطة a_hejazy في المنتدى قسم خاص بسيارات سكودا فيفوريت وسكودا فليشيامشاركات: 13آخر مشاركة: 16-01-2013, 10:11 AM -
انه تعديل اشد فى شنب الفليشيا ؟؟
بواسطة aw2100 في المنتدى قسم خاص بسيارات سكودا فيفوريت وسكودا فليشيامشاركات: 10آخر مشاركة: 12-01-2013, 10:35 PM -
مساعده من اصحاب الفليشيا..محتار فى سعر الفليشيا ... وركوبتها
بواسطة giedo في المنتدى قسم خاص بسيارات سكودا فيفوريت وسكودا فليشيامشاركات: 14آخر مشاركة: 06-12-2012, 09:55 AM -
زيت الفليشيا كام لتر !؟؟
بواسطة a_hmed في المنتدى قسم خاص بسيارات سكودا فيفوريت وسكودا فليشيامشاركات: 6آخر مشاركة: 10-04-2011, 11:24 AM -
الي خبراء الفليشيا<الفليشيا افضل ام الريجاتا>
بواسطة tenen10 في المنتدى قســـــــــم المقارنــــاتمشاركات: 6آخر مشاركة: 13-02-2010, 04:53 PM
المفضلات