ترتيب الحجز والاستلام

**heshammosaad** · 24-02-2014 05:36 AM

ليا سؤال احنا هنستلم من الفرع اللى تعاقدنا فيه ولا من مكان تانى
انا حجزت من صلاح سالم هستلم هناك ولا

**Tanderia** · 24-02-2014 05:42 AM

المشاركة الأصلية كتبت بواسطة heshammosaad

ليا سؤال احنا هنستلم من الفرع اللى تعاقدنا فيه ولا من مكان تانى
انا حجزت من صلاح سالم هستلم هناك ولا

من الفرع اللي أنت حاجز فيه إن شاء الله "صلاح سالم".

**heshammosaad** · 24-02-2014 05:46 AM

المشاركة الأصلية كتبت بواسطة tanderia

من الفرع اللي أنت حاجز فيه إن شاء الله "صلاح سالم".

شكرًا وجزاك الله خيرا

**ali tmam** · 24-02-2014 08:41 AM

المشاركة الأصلية كتبت بواسطة abohend

هو أنت كنت حاجز بالسعر العادي و لا بأوفر برايس؟؟؟
الموديل 2015 بدل هيسلمك من المركب الجديدة
مفيش حاجة تهمك غير جواب المرور هيكون جاهز إمتى عشان ترخص إن شاء الله
و لو قصدك اﻹستلام نفسه...يبقى عندك موضوع أبومعاذ اللي عمله مخصوص للناس اللي هتستلم
بالتوفيق

ايوه انا كنت حاجز بالسعر العادى وانا كدة بقالى حوالى شهرين ونصف حاجزوجزاك الله خيرا على اهتمامك وردك الكريم

**ali tmam** · 24-02-2014 08:49 AM

المشاركة الأصلية كتبت بواسطة ابو هنا

انا كنت حاجز يوم 1 / 11 / 2013م من فرع سابا باشا هاي لاين والحمد لله رب العالمين استلمت يوم الاحد 23 / 2 / 2014م اللون الشمبين الي كنت مختاره رغبه وحيده ، استلمت السيارة وهي لسة بتنزل من على الكساحة وكان العداد عامل 2 كيلو ، استلمت السيارة وركنتها في الجراج لحين ورود الافراج الجمركي واوراق المرور ، انطباعي الاول عن السيارة ممتازة ، وعقبال الجميع إن شاء الله

اولا مليون مبروك وربنا يباركلك فيها ويحفظهالك ان شاء الله ثانيا هل العربيه هتكون موديل 2015 ولا 2014لان المندوب بتاع نور الدين قالى معنديش فكرة ولو كانت 2015 كان الوكيل غلا سعرهافياريت يا ابو هند ترد عليا لو سمحت

**heshammosaad** · 24-02-2014 12:25 PM

العربيات 2015
المانوال بي اللى زاد

**شريف** · 24-02-2014 03:33 PM

المشاركة الأصلية كتبت بواسطة heshammosaad

العربيات 2015
المانوال بي اللى زاد

زاد علي كل الناس ولا اللي حاجز جديد بس؟

**EQUALIZER** · 24-02-2014 04:40 PM

العربيات ٢٠١٥ و المانيوال زااااد ٢٠٠٠ جنيه

المركب وصلت فجر امبارح

حسبي الله و نعم الوكيل

مع ان المندوب قال لي ما فيس زياااادة

و بيقول لي كمان براحتك...عاوز نرجع فلوسك جاهزين!!!!!!!

**ابو هنا** · 26-02-2014 01:33 AM

المشاركة الأصلية كتبت بواسطة Ahmed Amin

ألف مبروك علي الأستلام وعلي العربية الجديدة يا ابوهنا,

ربنا يباركلك فيها ويبقي ويديك من خيرها ويبقي وشها حلو عليك, ويكفيها شر العين.

ونصيحة مني ياريت لو تأمن عليها حتي لو أول سنة بس,, التأمين بيبقي رخم أول سنة للي مش بيحب يأمن.
بس في ظروف البلد من زحمة مش طبيعية وأمن مش تمام أووي وسواقة من اللي حواليك غشيمة ومش مضمونة,
مش عايزين نضيع فرحة العربية الجديدة بمصاريف مكلفة في أول سنة لو حصل حاجة لاقدر الله.

وألف مبروك تاني علي الجميلة.

الله يبارك فيك ، انت ليك فضل كبير في هذا الاختيار ، وانا بفكر بشكل جدي في موضوع التامين على السيارة و بالفعل ذهبت الى شركة aig للتامين بس وجدت المبلغ كبير 6400 جنيه ، ياريت كعادتك توجهني لشركة جيدة للتامين على السيارة .

**ابو هنا** · 26-02-2014 01:52 AM

المشاركة الأصلية كتبت بواسطة ali tmam

اولا مليون مبروك وربنا يباركلك فيها ويحفظهالك ان شاء الله ثانيا هل العربيه هتكون موديل 2015 ولا 2014لان المندوب بتاع نور الدين قالى معنديش فكرة ولو كانت 2015 كان الوكيل غلا سعرهافياريت يا ابو هند ترد عليا لو سمحت

الله يبارك فيك يا معالي الباشا ، وعقبالك في القريب العاجل ان شاء الله ، كل الايصالات اللي معايا مكتوب فيها موديل 2015 والمندوب بياكد هذه المعلومة ، ومن على لسان المندوب ان كل سنه ليها بداية رقم شاسيه معين مثال رقم شاسيه السيارة بتعتي بيبدأ برقم !!!500 يعني موديل 2015 ، لكن مفيش حاجة اكيده قبل ما استلم الافراج الجمركي وجواب المرور ، وياريت تبلغ سلامي لاخويا ابو هند