كل ما اقول بلاش هيونداى الالنترا تغرينى

**limo** · 23-09-2008 12:39 AM

توكل على الله
هيه شكلها جميل جدا كعربيه ممتازه اوى متورها هادى وسحبه ناعم وكويس والباور كهرباء
النترا او الانسر كل واحده ليها مميزاتها وعيوبها يعنى فى النهايه الموضوع بيتعوض
-يعنى الانترا هتاخد عربيه شكلها الداخلى او الخارجى عصرى وفى نفس الوقت المتور تكنولوجيا اعلى والباور كهرباء
-الانسر هتركب عربيه يابانى فى مقابل ان شكلها قديم شويه وتكنولوجيا اقدم شويه وهتاخذ شويه وسائل امان فوق البيعه زى الاير باج والabs +عربيه glx مش glوده هتفرق فى شويه كماليات بسيطه

وطلما انت مرتاح للنترا اكتر يبقى توكل على الله
ولو على التوكيل الاغلبيه العظمى من توكيلات مصر متخيروش عن بعض :)

**momenhamdy** · 23-09-2008 12:50 AM

طبعاً العربية الالنترا عربية ممتازة جداً
بس زي ما قال الاخوة الافاضل في الموضوع المطروح ان العربية ما فيهاش Abs و لا Airbag
و بالنسبة انها بتحك في المطبات ممكن علشان العربية خليجي ( لان دائما الخليجي بيبقي اوطي من المواصفات المصرية ) اعتقد ذلك و الله اعلم
بس هي عربية 10/10
و ربنا يوفقك الي الخير ......

**smartman** · 23-09-2008 04:50 AM

ياريت لو سمحتوا توضحوا لى يعنى ايه الباور كهرباء ؟ انا حاسس من الكلام كده انه افضل من العادى و انا كنت سامع كلام ان اللى نازلة فى 2009 ح تبقى عادية مش كهرباء هل ده صحيح؟

**amino** · 27-09-2008 06:10 PM

الباور الكهرباء يعنى دائرة الباور على فيوز وعيبة انه بيضرب و يعطل الباور لكن زى ما انت قلت الموديلات الجديده عالجوه فبها المشكلة دى

**Salah_sr** · 27-09-2008 06:57 PM

أنا عندي أتنين ألنترا و أول مرة أسمع عن مشكلة الباور و كل العربيات الجديدة الباور كهرباء مثل الكورولا الجديدة أو الشارك و عموما الألنترا عربية ممتازة بالنسبة للفئه بتعتها و مش حتندم إن شاء الله

**taki_hti** · 27-09-2008 07:19 PM

انا جبت النترا 2009 من شهر فضى خليجى العربيه مشاء الله تمام سحب ثبات كل حاجه بس المشكله الوحيده ان الدركسيون ناعم اوووى زياده عن الللازم مش عارف ده بقى عشان خليجى ولا ايه