-
معروف ان الجنط ال ١٧ بيدي احساس بالنشوفيه في اي عربيه فطبيعي انك تحس بسنه نشوفيه مع السيراتو الجديده بالجنط ١٧ ... بس بالامانه انا جربت السيراتو الجديده جنط ١٧ و تعتبر انعم عربيه سوقتها بجنط ١٧
من تجربتي لعربيات كتير السيراتو الجديده جنط ١٧ انعم من الفوكس جنط ١٦ و انعم من سيراتو الشكل القديم جنط ١٦ و في نفس نعومه السيفك جنط ١٦
عموما مسئله النشوفيه نسبيا وعلشان اوضحلك اكتر السيراتو الجديده انعم من الفوكس و الهوندا و الصني الشكل القديم و السيراتو الشكل القديم و في نفس مستوي الالنترا الجديده و الكروز و انشف من الفيرنا و اللانوس و الكرولا ٢٠٠٦
العربيه عفشتها تميل للنعومه و عجبتني جدا و لو بقت انعم من كده حيبقي في مشكله في الثبات
-
اى عربيه لازم حتحك فى مطبات الثوره
-
أنا معايا السيراتو جنط 16 مش 17... وعموما هي فعلا أنعم بكتير من الموديل اللي قبلها... انا سقت القديمة بجنط 15 حديد ومع ذلك الجديدة أنعم بكتير
أنا عايش في جدة ، والشوارع هنا سيئة .. بالذات الشوارع الجانبية والطرق الفرعية... فمسألة المطبات مش فارقة كتير مابين هنا وهناك.
وزي ما قال الأستاذ Maged93... العربية ثابتة حتى على السرعات العالية... وسقتها كذا كرة على 120 ومش حاسس أساسا إني ماشي بسرعة
على فكرة... مش بعرف أزود عن الـ120 عشان الرادار هنا مش بيرحم
-
العربية معايا بقالها شهر و نص و عامل بيها 3000
شوف العربية نعمة جدا فى المطبات و مبطنطش الصراحه زى ما باقى الاعضاء قالوا و لو راكب اتنين مش هتحك معاك فى اى مطب بس لو ثلاثه ورا المطبات الشعبية الرفيعه و عاليه هاتضايقك جدا و هاتحك فى وسط العربية و بتوجع القلب معاها ..... بس اي مطب العجله الخلفيه بتطلع فيه قبل الاماميه ما تنزل خدو على ضمانتى و انس انك تحك
باختصار العربية عمليه جدا بس ابعادها اكبر من العربيات التانيه غير كد العفشه مريحه و طريه
Content Relevant URLs by
vBSEO 3.6.0 PL2