موضوع الاعلانات أصبح ممل جدا وكرهت الموقع بسببه
أرجو من المشرف حذف عضويتي من هذا الموقع الممل
موضوع الاعلانات أصبح ممل جدا وكرهت الموقع بسببه
أرجو من المشرف حذف عضويتي من هذا الموقع الممل
متابع
صديقي المواطن
هدي نفسك يا مواطن معلش بس هي فين اﻹعلانات دي إنت لو تقصد نايل موتورز فمفيش أي إعلان بيتدخل عليه غصب فيه قسم مخصص ليها وتقريبا مهجور أنا عن نفسي راجع للموقع من كام شهر لم يصادفني ولا إعلان واحد فأرجوك تنبهني وتنورني جايز فيه خبايا في الموقع أنا جاهلها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
هو اكيد الاعلانات مورد طبيعى علشان يغطى تكاليف المنتدى بس هيا فعلاً محتاجة شوية نظام فى العرض على الصفحة
متزهقش نفسك يا دكتور ده شيء طبيعي لان كل المواقع الي علي الانترنت واي حد بيعمل منتدي من اجل الاعلانات
بكثره الزيارات
لكي تلغي جميع الاعلانات من هذا المنتدي والفيس وكل المنتديات تصفع الموقع بمتصفح جوجل كروم
.......................
تم حذف بقية المشاركة بواسطة الادارة
أستاذنا العظيم صدام بك حفظه الله
الاعلانات مورد طبيعي ولا أعترض
ولكن كل ما أقلب صفحة تنزل الاعلانات من جديد وكأني بافتح الموقع من أول وجديد
يعني مرة واحدة ماشي ، انما الامر زاد جدا ، وياريته ينزل على جنب
ده بيغطي المشاركات نفسها
تحياتي لسيادتك واعجابي بكل ما تكتب
السلام عليكم يا سيد هلال انت قيمه للمنتدى وطبعآ انا مقدر مشكلتك هو فعلآ فى بعض الأحيان بتعارض الأعلانات التصفح بس فى برامج كما وضحلك الزميل بتقلل الاعلانات وان شاء الله تقوم بالعمل
طب و تعبت نفسك ليه و عملت موضوع لالغاء العضويه بطل تخش اصلا على الاقل تبقى جت منك
صراحة الموضوع بقا بايخ ااوى بس معلش من حقهم يعملو اعلانات بس لازن تنظيم تنظيم عشان الناس متملش يعنى يبقى فى مكان مخصص فى اول الصفحة ميعرضش الكتابة دا فية اعلان بيجى من الجنبين بياكل 60% من الصفحة حاجة ملل يعنى
أستاذ أحمد
أولا ، طمنا على صحة سيادتك ، وده الاهم
ثانيا ، أشكرك على مجاملتك الرقيقة ، فانا مجرد تلميذ من تلاميذك
والحقيقة أنني لا أجد هذه المبالغة فرض الاعلانات قسرا في المنتديات الاجنبية المتخصصة
وقد عملت بنصيحة الدكتور عبد الرازق ، ونجحت بحمد الله
شكرا على مرورك الكريم
السلام عليكم يا دكتور يارب تكون حضرتك بخير
انا باعتذر لحضرتك وبالنيابة عن ادارة المنتدى عن هذه الاعلانات المتطفلة والمملة وانا مقدر مدى تقززك من هذه المشكلة لانى انا شخصيا اعانى منها واعتقد ان جميع اعضاء المنتدى عندهم نفس الاحساس دة وانها مشكلة عامة
وحضرتك يا دكتور من الشخصيات المحترمة جدا جدا وقيمة كبيرة جدا للمنتدى ويعز علينا زعلك
بس انا شخصيا مبسوط جدا اننى اتواصل معاك من خلال هذا الموضوع للاطمئنان على حضرتك والتنويه عن هذة المشكلة لانها فعلا تنرفز كل اعضاء وزوار المنتدى وان شاء الله يكون لها حل فى القريب العاجل ومتسبناش يا دكتور دا حضرتك لك معزة خاصة فى قلوبنا جميعا وتقديرك وثقلك فى المنتدى :beat4:
تقبل خالص تحياتى لشخصك الكريم
أستاذ أيمن
يعلم الله تعالى أن سبب دخولي للمنتدى ، هو مجموعة الاصدقاء والاخوة الذين أحبهم في الله
والذين أفرح لفرحهم ، وأحزن لحزنهم ، ويشتد حزني إذا مرت فترة لا أجدهم فيها
هم في قلبي ، وتاج على رأسي ، وحبي لهم يفوق قدرتي على التعبير
على سبيل المثال وليس الحصر ، سيادتك يا أستاذ أيمن ، والاستاذ أحمد فهمي ، والاستاذ فادي ، والاستاذ عبد الرحمن حجاج ، والاستاذ أحمد عاشور ، والاستاذ صدام ، , وأخي المهندس عمرو السيسي ،وليسامحني من لم أذكرهم
ردك الله إلينا سالما غانما ، وجعل غربتك في موازين حسناتك
ماينفعش الكلام ده يا دكتور , مش اي عقبه تقابلنا نقوم ننسحب ! واحنا هنا غير اي قسم في المنتدي . بيجمعنا الحب وشعارنا هو التعاون .احنا عندنا رساله بنوصلها للناس واي رساله لازم ليها عقبات! لازم نعدي علشان الحياه تستمر, وبعدين ازاي اوبل من غير hilal ؟؟ تقبل تحياتي يا دكتور..
لسه عامل موضوع فى قسم هيونداى بسبب الاعلانات دى والله
سبحان الله
حاجة تغيظ فعلا يا ريت شوية تنسيق
اعتقد ان من حق اى عضو يشارك فى المنتدى اباء رأية فى المنتدى واقتراحاته ومعتقدش العضو المحترم يقصد اى اساءة للمنتدى بالعكس انا شايف العضو بيحب المنتدى وعايز يتصفح الموقع بدون تشويش
وياريت الادارة فعلا تنسق الاعلانات علشان نقدر نستفيد ونفيد المنتدى وبعضنا
بصراحة نايل موتورز الموقع الوحيد والمرجع الوحيد ليا فى عالم السيار ات
:question2:
انت متأكد ان الموضوع اعلانات ؟
:120146b
اختار nile-mobile
صديقي المواطن
كلي خجل منك بما غمرتني به من كلماتك الرقيقة وتقديرك لي وجزاك الله عني خيرا فأنت رجل قمة وقامة في اﻷدب واﻹحترام وأتمنى أن أخدمك بعيني بأي أمر أو مشكلة أو إستشارة أو.لا سامح الله حادث أبعدك الله عن كل شر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
منتدى الاوبل هيفضل تمام طول مافية الناس الجدعان دول :)
hilal باشا ، زي ما معظم الناس وضحولك ان الإعلانات ديه سبب إستمرارية المنتدى ، لكن فعلا لازم تكون بشكل منظم اكتر بحيث ماتضايقش أعضاء المنتدى واللي هم سببب في وجود مثل هذه الإعلانات
فيه منتديات تانية عشان تشترك فيها يقولك اتبرع ولو بجنيه !
بس فيه نقطة مهمة انت ماخدتش بالك منها
ان احنا هنا في منتدى أوبل بالأخص زي العائلة الكبيرة ، بنسأل عن بعض واللي بيختفي ويظهر بنسلم عليه بمناسبة رجوعه وبيوحشنا الأعضاء اللي بيغيبوا عننا زي اسلام البنا ونبيل والمهندس أحمد ورامي المهدي
وبيسعدنا اوي وجود أعضاء جدد ايجابيين زي العضو dice
فأولاً هايبقى صعب علينا غياب عضو زي حضرتك
وثانياً صعب تلاقي الجو العائلي ده في منتدى تاني حتى ولو في مجال مختلف
ههههه ياعم إشرب ليمون عشان تعرف تعيش ، ولا انت بتسوق في شوارع تانية غير شوارعنا !
شكلي اتفهمت غلط ولا اه
انا اقصد ان ممكن يكون في سبب تاني او اكيد الدكتور هلال مزاجه متعكر قوي
لمون اه يا محمود قول مخدرات
ولما ربنا بيحكم عليا اسوق لما انزل اجازه بتحول لحيوان عشان اجاري الحيوانات
هيا الدول مش ناويه تدب في بعضها بالنووي ؟
الجنس البشري لازم يباد .... سرطان الكوكب
معلش الاساتذه اللي مش عاجباهم المشاركه بتاعتي اولا من حقي اشارك طالما لم اتعدى حدود اللياقه
ثانيا لما اقترحت على العضو انه كان يوفر تعبه في كتابة الموضوع و ميدخلش اصلا طالما الاعلانات مضايقاه لو فكروا لحظه هيلقوا كلامي منطقي و سليم و هدفه ان العضو ياخد اجازه من المنتدى يراجع نفسه عشان لما يحب يرجع يبقى مفيش مشكله بدل ما المشرف يقوم واقفه بناء على طلبه و اظن ده احتمال وارد
بالعكس دا انا فاهمك كويس أوي ، ههههههه
لـ hany63
الظاهر انك ماخدتش بالك من مشاركتي ، راجعها كويس فضلاً لا أمراً
الاخ hilal لو كان عايز يلغي عضويته كان عمل مشاركة في قسم الشكاوي أو بعت طلب للإدارة
هو كتبه هنا عشان بيفضفض مع اخواته ،و ِصلت ياباشا ؟
تفاعل عالى ما شاء الله
هم مين مشرفين القسم :-)
ولا قصدك منسقين القسم عشان تفرق
والمنسقين معلنين وميقدروش ينفذه طلبه لانهم معندهومش الصلاحيات لده :wink14:
لكن المشرفين حتى انت يا فادى متعرفهومش :chirol_nawa1:
انت كده بتسلم نفسك تسليم اهالى :p
اما بالنسبة للاعلانات
ممكن برينت سكرين نفهم ايه مشكلتها معاكم
لان ده الشكل الظاهر للاعلانات
http://nileup.com/up/uploads/nilemotors_13880081371.jpg
تصدقى يا مدام سما
مفكرتشى اسأل مين المشرفين
طيب فى الأيام المفترجة دى
مفيش اختيارات نعرف منها هما مين