فتيس تويوتا - كورولا الشكل الجديد Mmt

**ashrafE51** · 21-09-2008 09:24 PM

اتمني من الله عز وجل ان يساعدني في توضيح خطواط استخدام فتيس MMT
فاعتقد ان استخدام الفتيس من قبل عام 2003 لم يحدث عليه اي تطوير او تحديث
فالتكنولوجيا تتطور بصور سريعه جدا .
مرفق صور من كتيب استخدام الفتيس المرفق من شركة تويوتا ( اذا كان الملف غير واضح ممن المكن ان ارسله لكم من الــ Mail ،،،، واتمني ان يشارك الزملاء بالمنتدي في هذا الموضع بمايفيد وليس لصالح اي شيء اخر!
وللحديث بقيه باذان الله مع تطور استخدام الفتيس -
وشكرأ

**ashrafE51** · 21-09-2008 09:32 PM

ما كتب عن الفتيس الجديد

http://www.nilemotors.net/Nile/showt...t=22906&page=2

**Sharky** · 22-09-2008 12:27 AM

و ما كتب عنه فى إنجلترا
http://toyotaownersclub.com/forums/i...howtopic=33317

**ashrafE51** · 22-09-2008 02:40 AM

هل نظام الفتيس المستخدم بالصور المرفقه ((( )))) هو هو نفس الفتيس المستخدم في التويوتا الموجوده باوروبا او استراليا واي موديل ؟؟؟؟
واحب ان اوضح في نقط اساسية لفصل موضوع الفتيس :
1- ماهو مدة استخدام الفتيس في السوق المصري؟
2- هل الفتيس يقوم بعمل مشكله باللخطبه من وضع الــ N الي وضع الــ E او يقوم بالنقل من وضع الــr وضع الــ N ?
3- هل الهجوم علي السيارة بالرغم من انتشارها الان في الشارع المصري الا هو تغطيه علي فشل سيارة اخري ( سمكة القرش ) .
4- سوف اقوم بعمل صيانة الــ 1000 موضوع الفتيس مع الوكيل من خلال تحديد مما اذا كان هناك شكواي ام لا
5- علي فكره انا لسه عامل مناورة علي مطلع كوبر فيصل من بداية الحركة وذلك بسرعة بين عدة سيارات وكانت سهله وناجحة والحمد لله .

ارجو عدم التسرع بالحكم علي اي شي ___

**abo samra** · 22-09-2008 03:32 AM

1- حوالى 9 شهور
2- يحدث تاخر من وضع n الى r احيانا لما تقوم بوقف السياره وفورا تقوم بالرجوع للخلف يجب التانى تقف بالسياره اولا ثم تقوم بعمل r
3-شعب مصر بيسمع اشاعه بيعممها وخلاص وخارج نطاق المنتدى ما شفتش اى حد من ملاكها كره الفتيس وقال هيبعيها السبب فقط الناس لسه مش متعوده على طريقة عمل الفتيس وفاكرينه فتيس اوتو عادى
4- سالت فى التوكيل لا توجد شكوى ولكنها جهل بطريقة عمل الفتيس
5-السياره فى المناوره كويسه قوى لانها عفشتها مش خشنه وتمتص المطبات افضل من السيارات ذات التعليق الرياضى الخشن التى تجعل السياره غير مستقره على الطريق وتقفز باستمرار انا كنت بمشى على 120كم على الدائرى باللانسر اسبورت والعربيه كانت بتقفز باستمرار لدرجة كل شويه اقلل السرعه عن 120 ولكن الكورولا ما شاء الله بجرى براحتى
الكورولا القديمه اللى كان عجبنى بيها ان عفشتها وهميه جدا ومش بتحس بالطريق اطلاقا ولكن عيبها انها خفيفه على الطريق والهواء كان بيخليها (بترقص على الطريق) خصوصا بعد 150 كم
وتقبلوا تحياتى

**Sharky** · 22-09-2008 10:44 AM

المشاركة الأصلية كتبت بواسطة ashrafE51

هل نظام الفتيس المستخدم بالصور المرفقه ((( )))) هو هو نفس الفتيس المستخدم في التويوتا الموجوده باوروبا او استراليا واي موديل ؟؟؟؟

نعم هو نفس الفتيس MMT
إللى فيه شكوى منه فى إنجلترا فى التويوتا كرولا

**abo samra** · 22-09-2008 04:01 PM

الاستاذ شاركى .................قائد حمله ضد تويوتا كورولا 2008 جنوب افريقى
حبيت بس اسلم عليك

**شاهين - بنز** · 22-09-2008 05:33 PM

على فكرة التويتا لا يمكن مقارنتها بأي شركة يابانية أخرى غير الهوندا

**nobody** · 22-09-2008 05:34 PM

كنت بمشى على 120كم على الدائرى باللانسر اسبورت والعربيه كانت بتقفز باستمرار لدرجة كل شويه اقلل السرعه عن 120 ولكن الكورولا ما شاء الله بجرى براحتى

فعلا عندك حق
انا مش عشان معايا لانسر اعد ادافع و خلاص
بس على فكرة الطرق هي اللي غلط مش العربية

**Sharky** · 22-09-2008 09:54 PM

المشاركة الأصلية كتبت بواسطة mandooo

الاستاذ شاركى .................قائد حمله ضد تويوتا كورولا 2008 جنوب افريقى
حبيت بس اسلم عليك

يا ماندو باشا أنا لا قائد حملة و لا حاجة
هو إللى يوضح معلومة للأعضاء و تكون ضد ماركة معينة يبقى ضد العربية
إحنا فى المنتدى هدفنا نوصل المعلومة صح بدون مجاملات و لا تحيز شخصى لماركة معينة و لو كلامى فيه حاجة غلط ناقشنى فيه