الموضوع: تقرير مبدئي عن كيا سبورتاج 2014 اول فئة و اسباب تفضيلها عن مثيلاتها بنفس الفئة

بالنسبة لعفشة السبورتاج بعد 1500 كيلو
انا شايف ان العفشة اقرب للنعومية "و من واقع تجربة بعض الاصدقاء لموديلات 2014 السلوفاكى و موديلات 2012 و 2013 الكورى فلاحظو ان العفشة اصبحت انعم بشكل ملحوظ فى موديلات 2014 عن الموديلات السابقة"
فهى قريبة من عفشة العربيات اليابانى الناعمة
على سبيل المثال فهى ممتازة على الطرق الاسفلتية الممهدة و العفشة المالتى لينك بتديك احساس و ثبات ممتاز على الطريق "اقصى سرعة جبتها لحد اللواقتى 150 و الحمد لله كانت ثباتها ممتاز , و محسيتش بفرق بصراحة عن عربيات سيدان معروفة بثباتها على السرعة دى"
وفى عين القط و الحفر العابرة مش بتحس بدب او رزع و فيه احساس بالراحة

و لكن فى الطرق الغير مستوية أو الغير ممهدة فيوجد تأثير مباشر على الراكب بمعنى ان طول مانت ماشى حتحس و كأنك بتتمرجح و لو زودت السرعة شوية و انت على الطريق ده فيفضل ان تلبس الحزام و تمسك جامد فى المسند اللى جنب السائق

بسم الله ما شاء الله
السياره سأعيد ضبط الكاوتش على 33 زى الكتالوج بتاعها لانها ناعمه فى المطبات واتزان فى الملفات
حتى الان لم اتخطى سرعة 100 ك

بسم الله ماشاء الله .
تم سير بالسياره حتى الان 580 ك م
العيب الوحيد صوت الكلاكس زى التوك توك .اراه شئ لم يقدروا ان السياره تمنها غالى وعاليه وصوتها زى الكتكوت
دى ملاحظه اتمنى تغييرها .

المشاركة الأصلية كتبت بواسطة mohamed fetoh

بسم الله ماشاء الله .
تم سير بالسياره حتى الان 580 ك م
العيب الوحيد صوت الكلاكس زى التوك توك .اراه شئ لم يقدروا ان السياره تمنها غالى وعاليه وصوتها زى الكتكوت
دى ملاحظه اتمنى تغييرها .

هههههههههه , هو مش توك توك اوى يعنى
بس فعلا هو صوته واطى و رفيع عامل زى صوت المعزة الجعانة : )))