انا ان شاء الله هحجز سبورتاج 2015 فيس ليفت بس متردد بسبب موضوع سلوفاكيا ده، اللي معاه السلوفاكي يا ريت يطمني، ويا ريت تقولولي ايه افضل مكان اشتري منه
انا ان شاء الله هحجز سبورتاج 2015 فيس ليفت بس متردد بسبب موضوع سلوفاكيا ده، اللي معاه السلوفاكي يا ريت يطمني، ويا ريت تقولولي ايه افضل مكان اشتري منه
انا معي سبورتاج سلوفاكي عامل بها 4000 كيلو ممتازه عزل ممتاز وخامات التابلوه كويسة وعزل ممتاز توكل على الله ولن تندم والف مبروك مقدما
بداية أختيار موفق جدا و ربنا يبارك لك فيها و يحفظها لك و يكفيك شرها و شر العين
بالنسبة للعيوب الللي حضرتك ذكرتها دي مش عيوب نهائيا لأن ده عيب الطرق و الحالة المرورية المعقدة في شوارعنا
أستهلاك البنزين الصح بيتم حسابه في طرق مفتوحة أو حتي داخل المدن في سرعات متوسطة لاتقل عن 60 كم/س و ليست 20 كم/س كما هو الحال عندنا
بالنسبة لموضوع تخطي السرعة في التليين مافيش منه أي قلق لأني أعتقد أن 150 كم/س هاتعمل حوالي 3400 لفة . دقيقة للمحرك و المحرك و كل الاجزاء الميكانيكية بتكون تم تليينها أصلا و لكن الهدف من التليين الموصي به في الكتالوج هو عملية تطبيع للاطارات و الفرامل و الطنابير لذا لاينصح بالسرعات العالية في أول 1000 كم
متشكر ليك جدا يا أستاذ سمير و نورت الموضوع
متفق معاك تماما ان حساب الاستهلاك علشان يبقى مظبوط لازم يتم فى طرف مفتوحة و بسرعة اكتر من 50او 60 كم/س
و عن تجربة فيه عوامل تانية بتأثر على الاستهلاك زى اتجاه الريح و حالة الطريق
على سبيل المثال على طريق مصر/بورسعيد ساعات الاستهلاك بيعمل معايا 260 كيلو فى الصفيحة و ساعات بيعمل 210/220 للصفيحة