نسيت اقول ان تقفيلها و شهادة المنشأ اوروبى سلوفاكى و ليس كورى
التقفيل جيد و ليس ممتاز
و الابواب محتاجة انها تترزع شوية بس يمكن انا متعود على حكاية رزع الابواب دى من ايام التيجو : )
نسيت اقول ان تقفيلها و شهادة المنشأ اوروبى سلوفاكى و ليس كورى
التقفيل جيد و ليس ممتاز
و الابواب محتاجة انها تترزع شوية بس يمكن انا متعود على حكاية رزع الابواب دى من ايام التيجو : )
انا شايف ان التقفيل لا يقل عن الممتاز
وموضوع قفل الأبواب هو ما يثبت ذلك
لأن عزل السيارة محكم ودقيق وممتاز فإنة فى حالة غلق باب وتكون باقى الأبواب مقفولة مفيش مكان يخرج منه الهواء علشان كده بتشعر بهذا الأحساس
ولاكن أجعل وجود منفذ للهواء سواء فتح شباك او باب ثانى هتلاقى الباب يتفقل لوحده من غير رزع ولا يحزنون
فعلا العزل فيها ممتاز بس يمكن انا بتكلم على التقفيل يعتبر جيد مقارنة مثلا بال بى م لان يمكن فى فترة البحث ركبت حاجات كتيير و معظمهات فئات عالية
لكن هى بالنسبة لمثيلاتها زى القشقاى مثلا انا شايف انها تتفوق بمراحل فى الخامات الداخلية أو التقفيل
و العربية عامة تعتبر صفقة ممتازة و خصوصا كمان بعد اما نزلوا الاوبشن الجديد من اول فئة فى موديلات 2014
ما شاء الله
ربنا يبارك
ؤبنا يبارك لك فيها ويديك خيرها وكفيك شرها
وعلى فكره انا بده ليسا شارى سبورتاج اول فئه 2014 من حوالى اسبوعين وعامل حوالى 600 كيلو
اريد ان اذكر ملحوظاتى
1- استهلاك البنزين عالى مع العلم لا اشغل التكييف ولكن بمشى وسط البلد
2- موضوع غلق الأبواب لازم شده بسيطه
3-نور شنطه ساعات يعلق بس لما يعلق لو حركت قفل الشنطه يرجع تانى ودلوقتى التعليق بداء يقل
4-عزل العربيه ما شاء الله ممتاز
5-البور بتاعها مش زى كيا ريو (عربيه زوجتى) فى الريو لما بتكون وقفه او بتركن بيكون خفيف جدا ولما تمشى يتقل سنه اما فى السبورتاج واحد ..... هل لاحظت هذه النقطه
6- العفشه مش قادر احدد بس انعم من تريوس الى كانت معيا 2011
على العموم قلى هتعمل صيانه الأف فين
انت أخذت كتيب الضمان ولآ لسه
اخيرا الف الف مبروك
أخوك أحمد الفقى
الف مبروك وشكرا على التقرير الوافي ده
الف مبروك عليك
ربنا يبارك فيك متشكر اوى على الدعوة الحلوة دى : )
ان شاء الله حعمل صيانة الالف فى بورسعيد لان ليهم مركز خدمة هناك
يادوب انا لسه اخد كتيب الضمان اول امبارح بعد حوالى شهر من الاستلام
على فكرة عايز اوضح حاجة بالنسبة لاستهلاك البنزين
انا لسه جاى من القاهرة لبورسعيد فقولت افول اشوف اخدت كام رايح جاى
المهم عملت فى المشوار ده 512 كيلو "منهم حوالى 390 كيلو طريق سفر و الباقى مابين داخل القاهرة و الدائرى" اخدت 39.50 لتر بالظبط يعنى اللتر عمل 13 كيلو تقريبا
اعنقد ان ده معدل استهلاك كويس جدا فى الطرق الطويلة بس يمكن اللى خلانى قلت ان استهلاكها عالى ان هنا فى بورسعيد المشاوير قصيرة و العربية مش بتلحق تسخن فاالمعدل بيزيد
انا اكتشفت ان الاستهلاك فى المشاوير القصيرة "يعنى 3او 4 كيلو مثلا" و بعدين تطفى و تدور كل شوية فده بيضاعف الاستهلاك و خصوصا لو العربية مسخنتش بالشكل الكافى
ده غير ان مؤشر التانك بيديك ايحاء ان الاستهلاك عالى لان مثلا اما بيجى على المنتصف بتحس انها اخدت كتير لكن هو تقريبا 22 لتر فقط غير مثلا التيجو اما المؤشر ييجى فى المنتصف بيبقى استهلكت حوالى 31 لتر
فبكده يبقى الاستهلاك جيد جدا بالنسبة لعربية بالحجم ده سواء فى السفر أو فى المشاوير الطويلة داخل البلد لكن لو مشاوير قصيرة و تدور و تطفى و تقف كل شوية فالاستهلاك حيتضاعف
و هذا مالزم بيانه