اقتباس المشاركة الأصلية كتبت بواسطة kholio2005 مشاهدة المشاركة
اهلا بيك اخى الكريم
أولا لو حضرتك قرأت التقرير كويس حتجد انى كاتب ان ده تقييم مبدئى و ليس نهائى للسبورتاج خلال فترة اقتنائى ليها
"انا شايف ان علشان نقدر نقيم اى سيارة تقييم فعلى لابد من تجربة السيارة على الاقل سنتين او 3 فى ظروف مختلفة"

ثانيا بالنسبة لتفضيل السبورتاج على السيارات اللى ذكرتها فانا كتبت اسباب تفضيلها على كل سيارة على حدة من خلال اولوياتى فى الشراء و بعد بحث فى المعارض و على النت مايقرب من شهرين او اكتر "و مش معنى ان فضلتها على السيارت اللى ذكرتها انها بالضرورة احسن منهم بس يمكن بالنسبة لمتطلباتى و احتياجاتى من السيارة فانا فضلتها على ماذكرت"

ثالثا بالنسبة لتفضيل السبورتاج على bmw x1 تحديدا
انا متفق معاك بالنسبة لموضوع التقييمات و الاساس الذى يتم التقييم عليه اللى حضرتك ذكرته فى المنتديات و المواقع الاجنبية
زى ماقلت قبل كدة ان كان معايا تيجو 2009 و هى من العربيات الرائعة بالنسبة لسعرها و مكنتش مزعلانى فحاجة بس كنت حابب التغيير لفئة اعلى
فى الاول سبب البيع ان كنت حجيب ال bm 316 الشكل الجديد لان كنت شايف ان الموديل ده طفرة عن كل موديلات ال 316 السابقة بصراحة سواء فى الشكل او موتور قوى 136 حصان توين تربو و i drive الخ
بعد البيع و تجربة ال 316 "طبعا هى سحب و ثبات و هانلدنج لا غبار عليها مشيت بيها على 140 و كنت فاكر ان انا على 60 مثلا" بس المشكلة الاكبر بالنسبة لى انها كركوبة واطية و انا اتعودت على العربية تكون عالية فمرتحتش فيها ده غير ان حسيت انها حتتبهدل فى الطرق المكسرة و مطبتنا العظيمة فصرفت نظر عنها و حددت اختياراتى فى فئة ال suv العالى فقط
طبعا انا ركبت ال x1 عند البافارية و فصصتها حتة حتة بس مسوقتهاش و كان عاجبنى جدة الانتريور بتاعها و الشاشة ال 8.8 بوصة و امكانيات ال i drive و كل ده تتفوق فيه ال x1 عن السبورتاج
بس مشكلتها الجوهرية بالنسبة لى الاتى :
-انها ضيقة من جوة و بالذات فى الكنبة الخلفية "مشكلة مع طوال القامة و الاحجام الضخمة", و شنطتها كمان مش كبيرة
-عدم الارتفاع الكافى عن الارض حسيت انها اعلى بحاجة بسيطة عن ال 316 و بالنسبة الشكل الخارجى ال 316 و السبورتاج افضل بكتير "طبعا دى ازواق" على فكرة السبورتاج اخده احسن تصميم فى المانيا "سنة 2011 بالنسبة لفئة ال suv و حضرتك لو دورت على النت حتلاقى الكلام ده
-سعرها كان 340 الف فكنت حدفع 200 و ادخل فى دوامة التقسيط وو جع دماغ
و السبورتاج كمان ادئها رائع بالنسبة للثبات و السحب لسيارة suv فالعفشة multi link و الموتور ال gdi 140 حصان شايفه ممتاز و مش قليل على حجم العربية مع العلم ان الx1 موتورها 150 حصان و 2000 سي سي "الفرق مش عالى اوى بينهم فى القدرة الحصانية"
و على فكرة مش ظلم و لاحاجة انها تقارن بل x1 فالسبورتاج ال 2000 سي سي كانت تباع ب 365 الف جنيه يعنى اغلى من الx1 كمان
و على اليوتيوب كمان عاملين مقارنة بين السبورتاح ال 4*4 و بين ال x6 كمان فى مطلع صعب و ده اللينك
kia sportage vs bmw x6 - youtube
و كان فيه صديق لينا فى المنتدى بيحكى عن تجربة صاحب معرض سيارات للاتنين بيأكدلى ان السبورتاج كركوبة و راحة افضل من الx1

طبعا اسم ال بى ام كماركة لاغبار عليها لكن المعيار هو احتياجات كل واحد ايه بالنسبة للعربية اللى بيشتريها

ما شاء الله عليك انت برنس ورفعت رسنا
ومش رايح مقابلة كيا إلا مع شخصك الكريم