الموضوع: بيجو 301 ( إستفسار بخصوص الوكيل )

المشاركة الأصلية كتبت بواسطة ahmed amin

موضوع التقييم بتاع التوكيل دا فعلاً قديم جداً ومن 2008 زي ما maio_do وضح,
والفترة دي كان أباظة بداء يهمل في التوكيل وكان هيقفل خالص,,

لكن التوكيل دخل فيه شريك من حوالي ٤ سنين عشان كان بيقع وكان لما حد يروح يعمل صيانة ميلاقيش قطع غيار.
ويقولو اصبر اسبوعين نطلبها من فرنسا لو حاجة كبيرة.
دا غير الأهمال اللي كان في الورش والفنين.

جات الشركة العربية للاستثمار والتنمية دخلت معاهم بشراكة ٥٠٪ من حصة توكيل بيجو ف مصر.
عشان يبقي ليهم كدا ٥٠٪ ليهم. و ٥٠٪ لعيلة وجيه أباظة,

وفي أول أسبوعين ضخت الشركة العربية للاستثمار والتنمية مبلغ ١٠٠ مليون جنية,
وطبعاً دا كان ليه أثر إيجابي كبير علي توافر قطع الغيار والمعدات الجديدة.

ومعلومات عامة علي السريع,
وجيه أباظة كان أسس توكيل بيجو سنة 1976 برأس مال عشرين مليون جنيه وكان من أول وأقدم توكيلات العربيات في مصر,
وكان متعاقد مع أتومبيل بيجو" الفرنسية عشان يكون الوكيل الوحيد ليهم في مصر.


بعد الشراكة دي بقي أسم وكيل بيجو في مصر دلوقتي:

شركة مركز التنمية و التجارة وجيه أباظة
وهي الوكيل الوحيد لسيارات بيجو في مصر,
ودا الأسم اللي بينطبع علي فواتير الصيانات في التوكيل,,

دا موضوع عن الشراكة دي
������ ������ �� "����" : ����� ������� ����� ������� �������� �� ��� - ��� ������ arabmotors ���� �������� ������ �����
������� ���� �����


أنا كنت كاتب نفس الكلام دا في الموضوع دا, كان نفس السؤال,,
http://www.nilemotors.net/nile/37294...post3875136529


حالياً التوكيل المعاملة فيها جيدة جداً,,
وأي حد جرب مركز خدمة صلاح سالم في الصيانات السريعة من تغير زيت وفلاتر,
هتلاقيه راضي جداً عن الأداء هناك,, من سرعة في عمل الصيانات ونضافة وتنظيم المكان وأسعار ممتازة جداً مقارنة بالكوري والياباني,,

وغمرة هوا التوكيل الأساسي والمركز الرئيسي,,
وهوا اللي مسؤل عن أعمال الصيانات التقيلة زي عمرة الفتيس أو الموتور والحاجات دي.
وبعد كدا عندك الفروح التانية من التوكيل زي:
بيجو أبو راوش: اللي قبل بوابة الصحراوي عند القرية الذكية,
بيجو صلاح سالم: ١١ شارع صلاح سالم - الوايلي
و بيجو مرغم: اللي في أسكندرية الكيلو 21.

وبعد كدا فيه مراكز خدمة تانية خاصة,
مملوكة تبع أفراد وواخدين ترخيص من التوكيل والخدمة عندهم كويسة وعندهم قطع الغيار الأصلية,
وبيعملو حتي الحاجات اللي مش بيعملها صلاح سالم وأبو رواش من عمرة للفتيس والموتور وبتبقي أسعارهم زي التوكيل وعشان كدا أنا بفضل أروح للتوكيل نفسه غمرة في الصيانات الكبيرة,
مراكز الخدمة دي زي :-
أتو سيرفيس: طريق النصر - بجوار نادي السكة الحديد - مدينة نصر.
مودرن سيرفس: اللي في طريق المطار ناحية ملاهي السندباد,
أو أحمد عمارة: اللي في مصر القديمة ناحية حديقة الفسطاط,

كل عنواين وأرقام التوكيلات ومراكز الخدمة ممكن تشوفها من هنا,
مراكز خدمة بيجو | التوكيل


وتنبيه لبتوع أسكندرية,, واخد لي بالك يا abohend
بيجو اللي في شارع أبوقير دا أتسحب منه التوكيل من زمان,,,
وفيه ناس مفكرة أنو لسه تبع بيجو لأنه سايب علامة بيجو مشالهاش لكن هوا نصاب وكان هيضحك عليا في مرة,,
أنا كاتب تجربتي في الموضوع دا,,
http://www.nilemotors.net/nile/37525...post3875151153

بيجو مفهاش غير توكيل واحد بس في أسكندرية,, وهوا اللي في مرغم.

شكرا علي المعلومات كده انا اطمنت الحمد لله انا شوفتها النهارده في المعادي هي والصني الجديدة بصراحة مفيش وجه مقارنة خالص! الصني الجديدة من الداخل الخامات سيئة جدا للاسف اسوأ من الشكل القديم كمان تحس التابلوه ناطط في وشك وقريب منك جدا!!! ودرج التخزين لو شال كتاب يبقي حلو اوي! البيجو بصراحة حسيت انها فئة اعلي بكتيييييير،اتكلمت مع مسؤول المبيعات وان شاء الله خلال يومين انزل احجز وقالي الاستلام هيبقي اخر اتنين قلت مش مشكلة لاني مش مستعجل انا اولي بالاوفر برايس ومبحبش استغلال المعارض انتظروني للانضمام الي الجروب الرائع قريبا ان شاء الله....

المشاركة الأصلية كتبت بواسطة doc mohamed

شكرا علي المعلومات كده انا اطمنت الحمد لله انا شوفتها النهارده في المعادي هي والصني الجديدة بصراحة مفيش وجه مقارنة خالص! الصني الجديدة من الداخل الخامات سيئة جدا للاسف اسوأ من الشكل القديم كمان تحس التابلوه ناطط في وشك وقريب منك جدا!!! ودرج التخزين لو شال كتاب يبقي حلو اوي! البيجو بصراحة حسيت انها فئة اعلي بكتيييييير،اتكلمت مع مسؤول المبيعات وان شاء الله خلال يومين انزل احجز وقالي الاستلام هيبقي اخر اتنين قلت مش مشكلة لاني مش مستعجل انا اولي بالاوفر برايس ومبحبش استغلال المعارض انتظروني للانضمام الي الجروب الرائع قريبا ان شاء الله....

بالتوفيق يا دكتور و انا بحييك على رفضك التعامل مع الاوفر برايس

المشاركة الأصلية كتبت بواسطة mahmed0100

بالتوفيق يا دكتور و انا بحييك على رفضك التعامل مع الاوفر برايس

ربنا يخليك بس المشكلة اني سمعت ان ممكن اللي هيستلم في السنة الجديدة السعر هيغلى!!! يعني هنستلم متاخر واوفر برايس كمان!!! فبقيت محتار استني ولا هدوخ علي ما استلم من التوكيل ؟؟؟؟ ومش عارف بصراحة احجز من انهي فرع احسن؟؟؟ هل في فرع ممكن يبقي بدري شوية ولا كلهم واحد؟؟؟؟

المشاركة الأصلية كتبت بواسطة doc mohamed

ربنا يخليك بس المشكلة اني سمعت ان ممكن اللي هيستلم في السنة الجديدة السعر هيغلى!!! يعني هنستلم متاخر واوفر برايس كمان!!! فبقيت محتار استني ولا هدوخ علي ما استلم من التوكيل ؟؟؟؟ ومش عارف بصراحة احجز من انهي فرع احسن؟؟؟ هل في فرع ممكن يبقي بدري شوية ولا كلهم واحد؟؟؟؟

انا عندى وجهة نظر .. العربيه لو زادت مفتكرش الزياده حتكون اكتر من 2000 ( فى رأي الشخصى ) الاوفر برايس 5000 فى الهاى لاين و ممكن اكتر
الكوري كله زاااد جدا 2014 فحتى لو زادت البيجو 2000 جنيه مثلا و احنا بنشترى عربيه كويسه و اثبتت ده من اول سنه .. فهى تستحق
و ربنا يصبرنا على الحياه فى مصر :)

المشاركة الأصلية كتبت بواسطة mahmed0100

انا عندى وجهة نظر .. العربيه لو زادت مفتكرش الزياده حتكون اكتر من 2000 ( فى رأي الشخصى ) الاوفر برايس 5000 فى الهاى لاين و ممكن اكتر
الكوري كله زاااد جدا 2014 فحتى لو زادت البيجو 2000 جنيه مثلا و احنا بنشترى عربيه كويسه و اثبتت ده من اول سنه .. فهى تستحق
و ربنا يصبرنا على الحياه فى مصر :)

انا سمعت فعلا موضوع ان الزيادة لاقدر الله مش هتزيد عن 2000(ربنا يستر)،الاوفر برايس اعتقد وصل ل7000 كمان! وبلاش سيرة الحياة في مصر لحسن انت كده بتيجي ع الجرح انا مبقتش طايق البلد باللي فيها كلها ونفسي اطير علي بره بس نعمل ايه نصيبنا كده!!!وان شاء الله تستلم عربيتك قريب ،وشكرا علي الرد

المشاركة الأصلية كتبت بواسطة abohend

بص يا باشا
لو توكيل يبقى 4 شهور على الأقل
لو معاك تشتري بالأوفر برايس إشتري أحسن
التوكيل خنقنا
بقالنا شهرين و بيقولي هتستلم في فبراير

بقالك شهرين وبيقولك هتستلم في فبراير!!!!! دا علي كده التوكيل اللي في المعادي بيشتغلني!!! انا سالت من كام يوم قالي لو حجزت قبل نهاية السنة هتستلم اخر فبراير!!!والله ما عارف! انا هدفع مقدم والباقي قسط مش عارف كده انسب ليا من التوكيل ولا اشتريها باوفر باريس وخلاص؟؟؟ ومش عارف هتبقي متوفرة بسهولة ومن معرض محترم للتسليم الفوري ولا لا؟؟؟؟لو تعرف معرض محترم تسليم فوري قولي انزل اشوف كده الدنيا عنده والالوان المتوفرة ومعلش طولت عليك وربنا يسهل ان شاء الله وتستلم قريب

المشاركة الأصلية كتبت بواسطة ahmed amin

فعلاً مفيش وجه للمقارنة,
وهيا أزواق برضه يعني لو حد حب النيسان ربنا يبارك له,
بس طبعاً من وجهة نظري البيجو أشيك وأقيم وأأمن وأريح بمراحل,,

منتظرينك تنضم للجروب, وألف مبروك مقدماً

الاختلاف بين الصني والبيجو معتقدش انه اذواق قد ماهي حب المصريين للياباني(حتي لو ياباني نص نص) والخوف من الفرنساوي،انا شايف المشكلة دي بعيني مع والدي هو معاه صني 2011 وعايزني اجيب الصني الجديدة ومش عاجباه البيجو،الحمد لله انا صليت استخارة ومستريح جدا للبيجو وبالذات بعد ماقريت المشاركات كلها في رابطة ملاك بيجو 301 بصراحة حاجة روعة التعاون اللي بين الاعضاء ده ويارب كده دايما وكلنا نفيد ونستفيد ومحدش يبخل علينا بالنصيحة وبخبرته،ياريت لو اللي حاجزين او اشتروا باوفر برايس يقولولي رايهم اشتري باوفر برايس احسن ولا استني التوكيل ولو من التوكيل انهي فرع اضمن واسرع، واقرب توكيل ليا في المعادي؟؟؟

المشاركة الأصلية كتبت بواسطة doc mohamed

الاختلاف بين الصني والبيجو معتقدش انه اذواق قد ماهي حب المصريين للياباني(حتي لو ياباني نص نص) والخوف من الفرنساوي،انا شايف المشكلة دي بعيني مع والدي هو معاه صني 2011 وعايزني اجيب الصني الجديدة ومش عاجباه البيجو،الحمد لله انا صليت استخارة ومستريح جدا للبيجو وبالذات بعد ماقريت المشاركات كلها في رابطة ملاك بيجو 301 بصراحة حاجة روعة التعاون اللي بين الاعضاء ده ويارب كده دايما وكلنا نفيد ونستفيد ومحدش يبخل علينا بالنصيحة وبخبرته،ياريت لو اللي حاجزين او اشتروا باوفر برايس يقولولي رايهم اشتري باوفر برايس احسن ولا استني التوكيل ولو من التوكيل انهي فرع اضمن واسرع، واقرب توكيل ليا في المعادي؟؟؟

احسنلك احجز فى b auto الموجود بمساكن شيراتون طريق المطار لإنه موزع لبيجو وبيسلم اسرع من التوكيل نفسه ويارتنى كنت عرفت المعلومة دى من بدرى كان زمانى استلمت من زمان ده لإنى حاجز فى التوكيل لحد دلوقتى . خد نمرة مسؤول المبيعات الأستاذ/ نور رقم تليفونه 01099232468. وربنا يوفقك فى الأستلام اسرع منا