السلام عليكم :
يا رجالة انا عربيتى وصلت ل 100 الف كيلو ولسه ماغيرتش فلتر البنزين , وباقول كفايه كده بقى , ف كنت عايز اشترى فلتر بنزين جديد يكون كويس ونضيف واصلى , مش عارف اجيبه منين وبكام , ومش عارف اجيبه من التوكيل ولا فى مكان تانى ارخص برة وبنفس الجودة , ارجو المساعدة من الوحوش ملاك البومة
احسن حاجة جيبة من التوكيل برا مغشوش كتير اوى و المضروب اكتر جيبو من التوكيل وركبو برة عشان مصنعية التوكيل غالية
100 الف يا مفتري
بص الفلتر الاصلي ب 600 جنية و بيتغير كل 40 الف مش 100 الف
الفلتر التيلاندي من 130 الي 150 و بيتغير كل 15 الف
الفلتر الصيني مش عارف سعرة بس بلاش
الاماكن المرشحة يا التوكيل يا ورشة المتخصصون غير كده انا غير مسؤل
والله اعلي و اعلم
انا حسيت برضه انى مفترى وكفاية كده عليه , بس انا كنت هاغيره على 70 الف عشان كان فى مشكلة فى ترومبة البنزين , الناس فى مركز الخدمة قالولى الفلتر الاصلى لسه كويس وماقيهوش اى حاجة ف حرام تغيره دلوقتى , بس انشاءالله هاغيره دلوقتى ,
سؤال صغير بقى , انا ساكن فى المريوطية فيصل , جنبى حد بتاع قطع غيار استيراد واضح انه مشهور اسمه سوسو , ده ينفع اجيب من عنده , ولا التوكيل برضه ؟
سؤال اخير معلش , حد يعرف مركز خدمة كويس واللى فيه بيفهموا يكون فى الهرم او فيصل او المهندسين ؟
معلش تاعبكوا معايا
مينفعش حضرتك تجيب فلتر إستعمال ده من الأجزاء المستهلكه لازم تيجي جديدة
هوسعره غريب في التوكيل لكن لا بد يجي أصلي
التيلاندى كويس بس بقى ب 165 جنية
متجبش غير الاصلي و عن تجربة هو صحيح سعره مبالغ فية بس مضمون.ممكن تجيبه من الرواس او العالمية الي في شارع دمشق.انا جبت التقليد ب ١٢٥ جنية من شارع رمسيس و ركبته لقيت العربية تحتها بقعة بنزين دورت علي السبب لقيت الفلتر بيسرب من عند المخرج رميته و جبت الاصلي فهات الاصلي من الاول و اشتري دماغك
الاصلى وبلاش اى بديل
وللعلم الصينى ب 110ج
انا جبت التقليد نفس العلبة بتاعت الاصلى و نفس الكود و نفس الشكل من جوة ب 85 جنيه ة شغال زى الفل اديله 1000 كيلو و مش بيرشح بنزين و لا اى خاجة و احتياطى هبقى اغيره كل 10000 كيلو