فلتر بنزين بومة 2006 اجيبه منين وبكام وايه احسن نوع

**hanyyacot** · 25-12-2013 01:33 PM

السلام عليكم :

يا رجالة انا عربيتى وصلت ل 100 الف كيلو ولسه ماغيرتش فلتر البنزين , وباقول كفايه كده بقى , ف كنت عايز اشترى فلتر بنزين جديد يكون كويس ونضيف واصلى , مش عارف اجيبه منين وبكام , ومش عارف اجيبه من التوكيل ولا فى مكان تانى ارخص برة وبنفس الجودة , ارجو المساعدة من الوحوش ملاك البومة

**kokowasfy** · 25-12-2013 01:52 PM

احسن حاجة جيبة من التوكيل برا مغشوش كتير اوى و المضروب اكتر جيبو من التوكيل وركبو برة عشان مصنعية التوكيل غالية

**MITSUKERO** · 25-12-2013 01:54 PM

100 الف يا مفتري

بص الفلتر الاصلي ب 600 جنية و بيتغير كل 40 الف مش 100 الف

الفلتر التيلاندي من 130 الي 150 و بيتغير كل 15 الف

الفلتر الصيني مش عارف سعرة بس بلاش

الاماكن المرشحة يا التوكيل يا ورشة المتخصصون غير كده انا غير مسؤل

والله اعلي و اعلم

**hanyyacot** · 25-12-2013 05:08 PM

انا حسيت برضه انى مفترى وكفاية كده عليه , بس انا كنت هاغيره على 70 الف عشان كان فى مشكلة فى ترومبة البنزين , الناس فى مركز الخدمة قالولى الفلتر الاصلى لسه كويس وماقيهوش اى حاجة ف حرام تغيره دلوقتى , بس انشاءالله هاغيره دلوقتى ,
سؤال صغير بقى , انا ساكن فى المريوطية فيصل , جنبى حد بتاع قطع غيار استيراد واضح انه مشهور اسمه سوسو , ده ينفع اجيب من عنده , ولا التوكيل برضه ؟
سؤال اخير معلش , حد يعرف مركز خدمة كويس واللى فيه بيفهموا يكون فى الهرم او فيصل او المهندسين ؟
معلش تاعبكوا معايا

**HOSSAM99** · 25-12-2013 06:29 PM

مينفعش حضرتك تجيب فلتر إستعمال ده من الأجزاء المستهلكه لازم تيجي جديدة
هوسعره غريب في التوكيل لكن لا بد يجي أصلي

**magdyelshikh** · 28-12-2013 06:51 PM

التيلاندى كويس بس بقى ب 165 جنية

**civilpharaoh** · 28-12-2013 11:09 PM

متجبش غير الاصلي و عن تجربة هو صحيح سعره مبالغ فية بس مضمون.ممكن تجيبه من الرواس او العالمية الي في شارع دمشق.انا جبت التقليد ب ١٢٥ جنية من شارع رمسيس و ركبته لقيت العربية تحتها بقعة بنزين دورت علي السبب لقيت الفلتر بيسرب من عند المخرج رميته و جبت الاصلي فهات الاصلي من الاول و اشتري دماغك