الموضوع: التعامل مع بنك فيصل الاسلامى

المشكله انك لو حطيط حساب جارى ومكانش فيه حركه يعنى مثلا حطيط الف جنيه وسيبتهم حتلاقى المبلغ قل شويه ....ليه....حيقولك مصاريف اداريه ومصاريف حساب.

كبر دماغك عن موضوع أنشطة إسلامية و غيره . أنا حسابى فى بنك فيصل و أتعامل معاه من زمااااااااااااااان

خد عندك الآتى :

1- البنك من الآخر يعمل وفقا لقانون البنوك فى مصر و داخل عباءة البنك المركزى يعنى الفائدة أو العائد كما يسمونه فى البنك عبارة نفس سعر الفائدة التى يقرعا البنك المركزى أو أقل و يتم توزيعها 4 مرات فى السنة كل مرة حوالى 1.6-2 % يعنى آخر السنة حوالى 6-7% و بصراحة عمرها ما جابت معايا 8% .

2- البنك لا يفرق فى التعامل عن البنوك الأخرى من ناحية الإقراض : حاولت أن أحصل على تمويل من البنك لشراء شقة و كان هذا عام 2008 و وجدت أنه يجب أن يكون معى ثمن الشقة بالكامل و أضعة وديعة فى البنك غير قابلة للكسر طوال مدة الأقساط و البنك يدفع ثمن الشقة بالكامل كاش ( هاهاهاها بالفلوس بتاعتى طبعا ) ثم يحسب أقساط على مدة أقصاها 6 سنوات بفائدة 13% (طيب ما أنا لو معايا كاش كنت خلصت ليه أدفع للبنك و أنا معايا كاش) طبعا شعرت أننى أهبل لو عملت كدة .

3-البنك يتميز بالتعامل السلس و المرونة و التحكم فى الحساب على النت . حتقولى دى حاجات موجودة فى كل البنوك دلوقتى لكن أنا بأقولك إنها كانت ميزة مثلا فى سنة 2004 مش دلوقتى .

4- بالنسبة لموضوع الفوايد و الربا و الحرام و الحلال لو قلقان منه إعمل زى ما أنا عملت : طبعا بيقولك لو حلال يبقى خير و بركة و لو حرام تخلص منه و تصدق به و بعدين يقولك أوعى تتصدق به لأنه مال خبيث و الله لا يقبل الخبيث طيب أعمل إيه أولع فيه ؟ يقولك أوعى تحرقه لتزول النعمة . و العمل ؟؟؟؟؟
أنا شخصيا موضوع الحلال و الحرام قرأت فيه من سنين كتيرة و كل ما أتوسع فى البحث أشعر بأن أذنى تستطيل لذلك قررت الآتى :

الفوائد أجمعها كلها و لا أتصدق بيها و لا أصرفها على أى شيىء يخصنى أو أولادى مثلا
- لا أصرفها على أكل أو شرب أو إصلاح سيارة أو بنزين أو مصاريف أولاد أو ملبس

أخصصها دائما لفواتير التليفون - المياة - الكهربا - كروت شحن - رشاوى و إتاوات لتخليص المعاملات - إكراميات للباركنج فى الشارع للبلطجية اللى بيسموا نفسهم منادى سيارات . أى كلام فاضى

الخلاصة بنك فيصل كويس زيه زى غيره

كونك مؤمن بأن مال الفائدة حرام، ادعي لك الا تنفق منه على نفسك كما ذكرت من مأكل ومشرب وملبس وايضا الأولى عدم انفاقها على الخدمات التي تستفيد منها مثل التليفون والمياه والكهرباء وخلافه.

اما بخصوص خبث مال الفائدة، فالأفضل أن تقوم بالتخلص منه على دور ايتام او جمعيات خيرية او مساهمة لفقير دون انتظار الثواب او العائد الديني منه. فقط لتتخلص منه.

والله تعالى اعلى واعلم.

المشاركة الأصلية كتبت بواسطة said kotb

كونك مؤمن بأن مال الفائدة حرام، ادعي لك الا تنفق منه على نفسك كما ذكرت من مأكل ومشرب وملبس وايضا الأولى عدم انفاقها على الخدمات التي تستفيد منها مثل التليفون والمياه والكهرباء وخلافه.

اما بخصوص خبث مال الفائدة، فالأفضل أن تقوم بالتخلص منه على دور ايتام او جمعيات خيرية او مساهمة لفقير دون انتظار الثواب او العائد الديني منه. فقط لتتخلص منه.

والله تعالى اعلى واعلم.

لم أقل أنى مؤمن أن الفائدة حرام أو حلال . أنا ذكرت أنه لا يوجد حتى الآن إجماع على رأى واحد . ناس تحلل و ناس تحرم و المجال هنا ليس للإنحياز لرأى دون الآخر.

علشان كدة بأحاول أسفيد بيها فى أوجه الإنفاق التى ذكرتها