الموضوع: سكودا فليشيا مشكلة فى دائرة كهرباء مروحة التبريد و الدينمو

دا تروحله بس مش تعمل شغل عنده تقفل الباب عليكم جوه ولما يقولك بتقفل الباب ليه يا معلم قوله هنرقص دنس

المشاركة الأصلية كتبت بواسطة sakr1964

موضوع لمبة البيان بتاعتة الدينمو تدل على ان الكتاوت فى حالة جيدة دا لو بتنور عند بداء الادارة ولاكن ان لم تعمل فدى مشكلة الكتاوت نفسها جرب كدا تركب كتاوت تانى وشوف لو المشكلة استمرت يبقى ممكن تكون مشكلة سيلكونات داخلية بس دا انا باستبعده خصوصا وان حضرتك بتقول الشحن كويس !!!!!!!!!!!!!!!!مش عارف ازى دى؟؟؟؟

انا كمان مش عارف ازاى ياعم صبحى ؟؟؟ بقالى كده حوالى عشره ايام والشحن تمام مع العلم كمان انى مشغل اتنين جى ام وكاسيت واللمبات مغيرهم ل200على 260 (طبعا مركبهم على كتاوت ) لمبات المانى بالاضافه للمروحه بتاعه المرسيدس (بسم الله ماشاء الله جباره ) برضه على كتاوت .. ومع ذلك الشحن شغال كويس انا ابتديت اشك فى كل الكهربائيه اللى الواحد بيروح لهم وحاسس انهم .......؟

موضوع الكتاوت التانى ده بقى المعضله الكبرى .. ليه بقى ؟؟ لما فكيت الكتاوت ورحت بيه لمحل قطع الغيار قالى انه مش موجود عنده مع التأكيد ان الكتاوت دى بتاعه دينامو سكودا تمام؟؟؟ رحت عند ميمى اللى عند ام المصريين برضه ملقتش الكتاوت لكنه قال ان ده مش بتاع اسكودا ... رحت عند الصياد اللى فى الدقى ملقتش غير الكتاوت بتاع الدينامو ال55 امبير وجنب منه محمد يوسف بتاع الفيات قالى ان الكتاوت دى بتاعه دينامو بيجو ..؟؟؟؟؟؟؟؟؟؟ الجميع بلا استثناء اكد ان الدينامو ده اى كان نوعه اوماركته احسن من بنتاع الاسكودا .. مش عارف ؟؟؟؟؟؟؟؟؟؟؟؟؟؟

المشاركة الأصلية كتبت بواسطة adhmmaamon

حسبى الله ونعم الوكيل .. كما هو موضح فى العنوان ربنا ستر على العبد لله . المروحه بتاعه العربيه لما اشتريت العربيه جديد ماكانتش مديه اداء كويس وكانت بتشتغل فى المره الواحده اكتر من عشر دقايق بدون مبالغه ويمكن اكتر .. وبعد عمل جميع الصيانات والتعديلات التى تعلمتها من اساتذه المنتدى ورأى الكثير من اعضائه المحترمين تم عمل الاتى (تغيير الريداتير بواحد صينى - عمل صيانه كامله لدوره المياه من خراطيم لقربه مياه ووضع مياه خضرا ) وانا عند بتاع الريداتير قالى ان المروحه اللى راكبه مش بتاعه العربيه دى بتاعه 128 ومش مهويه العربيه كويس .. المهم بعد البحث جبت مروحه مرسيدس 7 ريشه وبصراحه زى الفل يادوب تشتغل 10 ثوانى وتفصل ..بس كانت مشكلتها انها بتسحب كهربا كتير حسب كلام الكهربائى لكن بصراحه عمرها مانيمت البطاريه ..كمان هيه كانت متوصله على كتاوت وماكانش مضايقنى غير الدينامو اللى ابتدى عمره الافتراضى ينتهى وابتدى يدى قرايه من 12.5 الى 13 بالعافيه وابتدى البحث عن دينامو جديد ومن خلال واحد معرفه قالى ان فيه كهربائى استاذ بيتعامل مع بتوع استيراد وبالفعل كلمه وجبلى دينامو 90 امبير بدل اللى كان راكب ..رحت للاستاذ (الله يسامحه بقى ) راح فاكك الدينامو القديم وقالى دا مش بتاع العربيه دا بتاع فيات ومتعدله قواعد وانه جابلى دينامو يابانى ..المهم ركب الدينامو وقالى المروحه دى بتسحب كهربا جامد وان ملهاش كتاوت .. نعم؟؟؟ ازاى امال ايه دى قالى دى كتاوت نور للمبه الدينامو فى الطابلوه ..وانه عنده مروحتها الاصليه ( بصراحه المروحه بقالها شهرين واكتر شغاله زى الفل) قلته ركب مروحتى وركب لها كتاوت ..كان الوقت تأخر وملقتش عنده كتاوت .. ركب ياباشا .. تمام ؟؟؟ تمام الدينامو شغال والمروحه شغاله وكله زى الفل ... روح بقى ياعم نام شويه وانا مروح ويادوب بركن تحت البيت والدخان ابتدى يطلع من الكبوت .. بطلت العربيه بسرعه وبفتح الكبوت راحت النار ولعت ... جريت بسرعه جبت شويه رمل من الشارع وطفيت النار وفصلت كابل البطاريه اللى كان ولستر ربنا عليا الباشا مش مقرط عليه كويس
.. كلمت سعادته قالى مانا قلتلك المروحه ..حسبى الله ونعم الوكيل ..ياعم المروحه مالها ماهى بقالها زمن شغاله ..طب هات العربيه وتعالى (بيتكلم بمنتهى البرود اللى فى الدنيا) خلانى سبيتله هوه واهله ..وكلمت صاحبى اللى ودانى ليه سبيتله هوه التانى (رغم انه كان قصده خير) المهم روحت لكهربائى تانى وشدينا العربيه عنده .. طلع ان الباشا مش لافف لزق كويس على السلك العمومى اللى جاى من البطاريه .. وان السلك كان مزنوق فى الدينامو من تحت وكمان الكتاوت اللى فكها طلعت بتاعت المروحه وسيادته بيألف اى كلام .. ومع سخونه العربيه وشده سحب المروحه والنور والكاسيت (اصلى كنت فرحان جدا بالعربيه ) السلك لمس فى مسمار فى الدينامو وساح (طبعا السلك واخد عمومى كهرباء ولمس فى مسمار الدينامو اللى هوه طبعا ارضى فحصلت المشكله اللى لولا ستر ربنا لكان الواحد فى خبر كان ) مره تانيه وتالته حسبى الله ونعم الوكيل

الحمد الله علي كل شي - بس ابعد عن الصيني - مشاكل كتير لو رخيص - لان الغالي ثمنة فية

الحمد الله علي اي حال

المشاركة الأصلية كتبت بواسطة EngAhmedSayed

الحمد لله
على كل شىء
بس انا ليا سؤال انتا ليه حضرتك عدلت على المروحة و جيبت موحة مرسيدس و جيبت دينمو يابانى و القصة دى

حضرتك للمعلومية
مروحة الفليشيا 6 ريشة قوية جدااااااااا و اسال مجرب انا و المنسى بتبرد حلو جدااااا
و دينمو العربية كويس خلى بالك علشان المقيسس هنا متخلفش
و الحمد لله على كل شىء
نصيحة لما تعمل شغل قبل ما تمشى تراجع على شغل الصنايعى
بعينك و بأيدك و متتكسفش و له تخاف العربية عربيتك و انتا اللى بتمشى بيها
دة لو حتى بتلحم عجلة عند بتاع الكاوتش و بعد ما بيربط العجلة بنزل اراجع عليها بمفتاح الصليبة لانى محدش هينفعنى

ربك المستعان

والله يابشمهندس طبعا الحمد لله على كل شىء بس بعد ما حليت مشكله السلوك اللى كانت ملمسه دى وركبت سلوك تانيه محمله لعمومى الكهربا وكمان الارضى كله تمام والحمد لله .. اما بخصوص المروحه فانا لقيتها راكبه فى اكتر من عربيه سكودا فى المنطقه هنا ..هيه صحيح غول كهربا بس يادوب بتشتغل عشرثوانى وتقفل كمان انا مركب ترموستات 80-90 وميه خضرا ,,فالحمد لله .......
بعد اللى حصل ده طبعا دلوقتى لو معملتش الحاجه بايدى فعلى الاقل براجع عليها كويس جدا (اللى اتلسع من الزبادى بقى ....هههههههههههههه )