مثلث التحذير الصيني المحترم ..ضربه لمثلث (عقل) ّمصورّ
من فترة ظهرت في الأسواق مثلثات التحذير بشكل كثيف و بجودة متفاوته و أسعار متفاوته بالطبع ...
و الكل عارف انه موسم للمثلثات دي و كان ايجاد مثلث جيد مطابق للمواصفات -او مرضي للسائق على اقل تقدير- و بسعر مناسب عملية شاقة
و ظهر مثلث عقل (انتاج مصانع عقل بالدقهليه) كمثلث مميز و بسعر جيد أيضا و ان كانت جودته شجعت البعض من التجار على رفع سعره الى 60 و 70 بندق* .....
علما بأن سعره في المصنع لا يتجاوز الثلاثين بندق* و كان بـ 14 جنيه قبل صدور القانون مباشرة
المهم ان مصنع عقل تبنى سياسة غريبة و مش غريبة ...اللي عايز مثلثات لازم ياخد بضاعة بـ 5000 بندق من البضائع الأخرى (طاسات فوانيس فانلات شرابات) اي حاجة من منتجاته ... و العدد لا يتجاوز 10 مثلثات في الطلبية الواحدة !!!!!!!!!!!!!!!!!!!!!!!!!!!!!!
و ده طبعا أثر على سعر المثلث و و لم يؤثر على توزيعه لأن الانتاج أقل من الطلب ...
المهم ...النهاردة جالي تليفون من واحد قريبي بتاع كماليات و قاللي تعالى بلا عقل بلا بتاع
روحت بعد الصلاة و لا قيت مثلث صيني ...نسخة طبق الأصل من مثلث عقل
العاكس الجيد ..الوزن المناسب 800 جرام الخامات الجيدة و ان كانت خامة عقل أفضل حاجة بسيطة جدا يعني الفرق لا يلاحظ حتى ...
ودي الصور ...و السعر في الأخر
ده و هو متطبق
http://www10.0zz0.com/2008/09/21/22/201048276.jpg
ده وشه و لا حظو العاكس
http://www8.0zz0.com/2008/09/21/22/857253641.jpg
ده ظهره برضه احتياطي
http://www10.0zz0.com/2008/09/21/22/294810637.jpg
ودي قوايمه ..معدن محمل و رجل بلاستيك
http://www5.0zz0.com/2008/09/21/23/744141830.jpg
السعر أنا خدته بأربعين جنيه من قريبي ده
بس لو في حد عنده طاقه ممكن يكلم المستورد و يتفق للأعضاء على عدد حسب الطلب و أكيد هاناخد خصم كويس
و دي بيانات المستورد
http://www5.0zz0.com/2008/09/21/22/946406508.jpg
شوفوا بقى حد من الشباب ينزل التوفيقية و يشوف القصة دي
و الله من وراء القصد