الموضوع: الدبرياج سقط تانى بعد اسبوعين من تغيير البليه

السلام عليكم و رحمة الله و بركاته

انا معايا فيكترا 2001 1600 سى سى مرشدير خلفى و زهقت من موضوع اعطال الدبرياج اللى بتحصل معايا دى رابع مره تقريبا خلال سنه رغم ان باقى العربيه سليم مشوفتش منه اى حاجه الدبرياج عملها تانى معايا من يومين بعد ما غيرت البليه بالماستر بتاعها من اسبوعين بس رغم ان البليه fte اصلى
و انا جاى اطلع بالعربيه عادى جدا لاقيت الدبرياج وطى اوى لوحده و النقلات بقيت ناشفه جدا و لاقيت العربيه عاوزه تمشى لوحدها رغم انى دايس دبرياج على الاخر و مش عارف اوقفها الا لازم ادوس فرامل و طبعا لما دوست فرامل عشان تقف لاتها اترجت رجه جامده جدا روحت مبطل الكونتاكت علطول و دورت تانى و طلعت بيها فجاه ملاقتش دبرياج خالص تحت رجلى نزلت ابص على زيت الباكم لاقيته ناقص خالص روحت مزوده و فضلت اكارك مفيش فايده روحت راكن العربيه و جبت ميكانيكى بعدها بيوم بص عليها و قالى الماستر العلوى سليم و السفلى سليم و خلانى اكاركله لحد ما الدبرياج لقط و رجع تانى مكانه و قالى ان الدوره كانت مليانه هوا فاقولتلوه على موضوع الزيت اللى بينقص قالى جربها يوم و شوف اللى هيحصل و قولى مع العلم ان بستخدم زيت باكم موبيل و ان الميكانيكى كشف على الديسك و الاسطوانه و هو بيغير البليه و قالى حلوين و كمان سحب العربيه كويس جدا و الميكانيكى اللى غير البليه اخد هوا من الدوره بعد التركيب مع العلم ان الفرامل كويسه جدا و اداءها مبيتاثرش و طبعا استخدامى للعربيه قليل جدا 500-700 كيلو شهريا
فانا ارجو من حضراتكم تفيدونى بالحلول لانى بعانى فعلا من موضوع الدبرياج ده و يمكن كتبت اكتر من موضوع لان العربيه ما شاء الله مشفتش منها حاجه وحشه غير الدبرياج و مشاكله

1- ايه سبب تسريب الزيت المستمر رغم ان الماستر العلوى و السفلى سليم
2- ايه سبب دخول الهوا فى دورة الدبرياج بسهوله و دى تالت مره تحصل فى اقل من سنه
3- اى معلومه تقدر تفيدنى او حلول و ربنا يجازيكم خير و يجعله فى ميزان حسناتكم

هو قالى سعر الفتيس الامامى استيراد يعمل حوالى الف و نص بس انا زى ما الاستاذ فادى قال مش ناوى اعمل اللى بيقول عليه لانى مستحرم العب فى اصل العربيه لان على حسب كلام مالكها الاول صتع فى المانيا و اتقفلت فى المانيا و الله اعلم و كل حاجتها الفبريكه متغيرتش ما عدا طقم الدبرياج و بيض المقص

عموما الف شكر استاذ فادى و الله انا نزلت بيها امبارح بليل و كانت مشيه كويس مش عارف السبب يمكن شغل عفاريت و لو اتكرر معايا الموضوع فعلا هضطر انى افك و اشوف السبب و الله المستعان