السادة ملاك العروسة 301 أفيدونا

**M.Emam** · 26-12-2013 04:33 PM

برجاء التكرم من ملاك 301 بعد الف مبروك الاستلام كل واحد يكتب استلم منين واستلم ايه مع العربية من فضلكم

**ihabsamir** · 26-12-2013 05:10 PM

باشا محدش محدش استلم عربية غير الهايلاين لسا مكلم التوكيل امبارح و انا حاجز يوم 20 /10 يقول لي ان شاء الله اول فبراير ...الي يحيينا الي أول فبراير ...و علي فكرة كلام شبه مؤكد عن هناك ما لا يقل 2000 جنيه زيادة علي كافة السيارات علي قدوم السنة الجديدة ...و الله أعلم بالغيب

**M.Emam** · 26-12-2013 05:25 PM

المشاركة الأصلية كتبت بواسطة ihabsamir

باشا محدش محدش استلم عربية غير الهايلاين لسا مكلم التوكيل امبارح و انا حاجز يوم 20 /10 يقول لي ان شاء الله اول فبراير ...الي يحيينا الي أول فبراير ...و علي فكرة كلام شبه مؤكد عن هناك ما لا يقل 2000 جنيه زيادة علي كافة السيارات علي قدوم السنة الجديدة ...و الله أعلم بالغيب

ليه بس كده!!! وبعدين ازاى يبقى فى تسليم هاى لاين ومفيش بيزلاين!! هى مش الشحنة بتيجى كل الانواع؟

**smsm2004w** · 26-12-2013 05:30 PM

المشاركة الأصلية كتبت بواسطة ihabsamir

باشا محدش محدش استلم عربية غير الهايلاين لسا مكلم التوكيل امبارح و انا حاجز يوم 20 /10 يقول لي ان شاء الله اول فبراير ...الي يحيينا الي أول فبراير ...و علي فكرة كلام شبه مؤكد عن هناك ما لا يقل 2000 جنيه زيادة علي كافة السيارات علي قدوم السنة الجديدة ...و الله أعلم بالغيب

حضرتك متأكد من الكلام ده انا لسه مكلم التوكيل من اسبوع علشان حجز 18/11 بيزلاين مانيول وقالولى بالكتير نصف يناير ومفيش زيادة

**هوندا** · 26-12-2013 06:44 PM

كل الفروع و الموزعين بيقولوا مفيش زيادة و لكن قد تكون فى معرض اوتوماك القادم و ربنا يستر علي فكرة بكرة تمام الأشهر الثلاثة إللي قالولنا عليها عند الحجز و لسة لم يتم التسليم و بيقولوا قبل 15/1/2014 كده نكمل 3 أشهر و نص و يا عالم

**M.Emam** · 26-12-2013 06:46 PM

يا جماعة حضراتكم مشرفين ومنورين الموضوع والله ونستلم كلنا على خير...
بس انا كنت كاتب الموضوع ده للساده اللى استلموا بالفعل علشان نعرف بيستلموا مع العربية وهل بتفرق من معرض أو من التوكيل

**Akram.Gamal** · 26-12-2013 07:36 PM

الحجات ال حضرتك بتستلمها ثابته سواء من التوكيل او من موزع او من معرض
فى الهايلاين بيبقا فيه حجات زياده وهي ١٦ حليه للمسامير و ٤ شكل بيجوفى منتصف الجنوط و دى بتبقا راكبه و بيجى معاها اداه كده لفك الحليه دى
نيجى بقا للحجات الثابته
استبن جنط حديد مقاس ١٥ ماركة جوديير
و كوريك
و قاطره سوداء موجوده بجوار الكوريك اسفل الشنطه
و قاطره اخرى باللون الفضى ( ألومنيوم على حديد تقريبا)
وطفايه سجاير بتبقا داخل العربيه اسفل الكاسيت
و طبعا اريال للراديو
واخر حاجه كتالوج انجلش و اخر عربى بداخل شنطه عليها علامة بيجو فى درج التابلوه
و نصيحه لو هتستلم من معرض او مكان غير التوكيل متاخدش العربيه ناقصه اي حاجه من دى

**ihabsamir** · 26-12-2013 09:32 PM

أنا الكلام الي قلته مش كلامي دا كلام الوكيل بالنسبة للإستلام . أما بخصوص الأسعار فهذا أمر أنا اعلمه شخصيا و متأكد منه والله أعلم

**Akram.Gamal** · 27-12-2013 01:24 AM

المشاركة الأصلية كتبت بواسطة m.emam

اشمعنا لو من معرض او مكان غير التوكيل؟!!!!
فى ناس قالت انها بتستلم غطا ودواسات من التوكيل هل ده صح؟

احيانا لو شارى من معرض وانا بقول احيانا و كمان قليله بيقوم حد شايل (ساكع)الطفايه مثلا و تيجى تساله يقولك بتيجى من غير

التوكيل اول مره اسمع انه بيدى دواسات او غطا
ولكن ممكن اوى المعارض تعمل الموضوع ده زي المصريه و السبع و غيرهم و طبعا ده عادى يعنى لان ده كلام تافه مقارنه بمبلغ الاوفر برايس