الموضوع: نوع الزيت

اولا الف مبروك على العربية
ثانيا ايا كان نوع الزيت اللى حتحطة لازم يكون زيت تخليقى مش زيت معدنى ودة بيقعد في العربية 10000 كم او سنة ايهم اقرب وبيحافظ على الموتور وبينفع في الجو البرد ويزيت الموتور في وقت قياسى بدون تسخين كتير
ودة هيكون يا اما 5w30 او 5w40 حسب الكتالوج بتاع عربيتك
اما الزيت المعدنى اللى هو 5000 كم او اقل لا ينصح بة للعربيات الجديدة ودة بيقعد في العربية بحد اقصى 4 اشهر يعنى التخليقى على الرغم من انة غالى شوية انما اوفر او بدون تكلفة زيادة حتى لو ما بتمشيش بالعربية كتير

متشكر لرد حضرتك و الله يبارك فيك بس انا كان عندى كام سوال انا كنت ناوى على العشر تلاف بس واحد قالى انه كده كده هيغيروه فى صيانة الخمسة الاف فخسارة ترمى فلوسك ع الارض ثانيا ناس كتير بتقول ان العشرة مشاكله اكتر و ممكن متتلحقش لكن الخمسة سهل نلحق المشكلة و ميزته انه بيتغير كل خمسة فمبيطولش فى الموتور و الافضل انك تجدد الزيت كل فترة ثالثا قريت راى بيقول انه التخليقى بيلم تراب نظرا للجو السئ بتاع بلدنا و نوعيات البنزين و خامته السيئة و يريت حضرتك تقول رايك فى زيت شل هيليكس مع الرد على النقاط اللى طرحتها و هكون شاكر لحضرتك

المشاركة الأصلية كتبت بواسطة ابراهيم الجندى

متشكر لرد حضرتك و الله يبارك فيك بس انا كان عندى كام سوال انا كنت ناوى على العشر تلاف بس واحد قالى انه كده كده هيغيروه فى صيانة الخمسة الاف فخسارة ترمى فلوسك ع الارض
تعمل صيانة ال 5000 كم بدون تغيير الزيت ودة مسموح بية في التوكيل
ثانيا ناس كتير بتقول ان العشرة مشاكله اكتر و ممكن متتلحقش لكن الخمسة سهل نلحق المشكلة
العشرة "التخليقى" مفيش منة مشاكل في العربيات خصوصا الجديدة بس اهم حاجة ايا كان الزيت اللى في العربية انك تتابعة وهتلاقى الكتالوج يوصى بفحص السوائل بما فيها الزيت مع كل تفويلة يعنى كل 500 كم تقيس الزيت وتتطمن لان لو فية مشكلة ممكن الزيت ينقص حتى لو كان زيت 5000 ومتلحقش العربية لا قدر الله
و ميزته انه بيتغير كل خمسة فمبيطولش فى الموتور
الزيت التخليقة بينظف الموتور وبيحافظ على خلوصات الموتور وبينتشر بسرعة فى حين ان الزيت المعدنى بيوسع الخلوصات ولو استخدمت المعدنى لفترة كبيرة مش هتقدر ترجع للزيت التخليقى لان الخلوصات بتكون وسعت وبالتالى البخر هيزيد والزيت ينقص
و الافضل انك تجدد الزيت كل فترة ثالثا قريت راى بيقول انه التخليقى بيلم تراب نظرا للجو السئ بتاع بلدنا و نوعيات البنزين و خامته السيئة
الزيوت التخليقية بتعقعد فى العربية 10000 كم فى مصر للعوامل اللى انت قولت عليها انما في اوروبا بتقعد لحد 45000 لبعض الزيوت لنفس العوامل
و يريت حضرتك تقول رايك فى زيت شل هيليكس
جربت مرة واحدة فى الافيو 5w40 ونقص منى وكانت عاملة 55000 كم بزيت معدنى موبيل xhp 5000 كم عن طريق مالكها الاصلى بس الحكم مش نهائى لان كان فية مشكلة في جوان وش التاكيهات وغيرتة ودلوقت فيها زيت تخليقى 5w50 بقالة 4000 كم والحمد لله مانقصش على الرغم من ان عربيتى قديمة شوية موديل 2006 بس اهم حاجة متابعة الزيت كل 500 كم او بالكتير 1000 كم
مع الرد على النقاط اللى طرحتها و هكون شاكر لحضرتك

واخيرا لا شكر على واجب والموضوع دة فية معلومات كتيرة عن الزيوت اتمنى انها تفيدك
http://www.nilemotors.net/Nile/341680-a.html
انا قريت كل صفحاتة ومتابعة
واهم حاجة تجيب زيت نفس درجة اللزوجة الموصى بيها للعربية
وربنا يوفقك للخير والصواب