السلام عليكم

انا عندى عربية بيجو 405 برستيج أنجيكشن وعندى صوت تكتكة كده بيبقى متواصل فى اول تشغيل السيارة اول لما تسخن بيزيد وينقص لكنه مش بينقطع
بس مش مأثر فى حاجة معايا الحمد لله سواء سحب او اكل زيت او دخنة ,

ولما روحت للميكانكى قالى لازم وش السلندر يتغير ويتركب وش سلندر فبريكة لم يتم خرطه يتفك من على موتور ويركب عند فقط يتم تغير أولسيهات الصباب عشان مش تهبب ,(طبقا لاستشارة 2 صنايعىة لكن اللى بتعاملم معاه اولهم)
وسبب قوله انه مينفعش اركب وش مخروط او مقشوط زى ما بيقولوا
انه لما بيتم خراطة الوش او قشطه بيتم ازالة نسبة من جسم وش السلندر واللى بيترتب عليه تقليل المسافة اوا لابعاد داخل الموتور وغرف الاحتراق داخله
واذا تم تركيب الوش على هذه الحالة مع استعمال جوان وش سلندر واحد هيؤدى لقلة عزم الموتور
ولو حاولت اعوض الفارق بتاع النسبة اللى تم ازالتها فى خراطة الوش من خلال تركيب 2 جوان وش سلندر فوق بعض معا
هيخلى العربية تسخن ,

وهى دى المعلومة اللى توصلت ليها لما قالى فى البداية انه لازم وش إستندر متلعبش فيه نهائى
ولما روحت اتاكد منه فعلا أكد ما سبق ذكره
وقالى انه الخواجات عملوا المواتير بابعاد لو قلت او زادت بتأثر بالسلب على الموتور والعربية كلها

وكمان ذكر حاجة انه غلط انه يتم خراطة وش السلندر ونه اذا كان فيه عيب من سخونة او خلافه فلابد من تغييره باخر استيراد متلعبش فيه

وللعلم انا روحت لاخرين ذكروا لى انه العيب فى البلوك نفسه وانه فى بستم سايب جوه الشيمز
واخر قالى بنز بستم

ودول 2 لينك


فيهم تسجيل للصوت

صوت001 - Download - 4shared


صوت002 - Download - 4shared

ثانيا:

-ماهى المدة المفترض القيام بالصيانة الدورية للسيارة الانجكشن ؟؟
وما المفترض القيام به فى هذه الصيانة؟؟فيما عدا طبعا غيار الزيت

انا قرأت كتير عن تنظيف دورة الانجكشن للسيارات الحديثة وعندى بعض الاستفسارات


ياريت افضل مادة لتنظيف دورة الانجكشن و صورة له
وطريقة استعماله

والمفروض امشى مالايقل عن كام كيلو عشان ابقى نضفت الدورة تمام؟
ولا افول ولازمة اخلص على الاقل 3/4 التنك؟؟
1-ولو الواحد مفيش مجال انه يكون فى سفر او فى مكان بعيد عشان يقرص على العريبة فى الغيارات وتعامله وحركته كلها بالعربية داخل المحافظة والزجمة بيكون ايه الحل؟؟؟(عشان كده بسأل عن الحد الادنى من الكيلو مترات اللى لازم او نتاكد بعدها من نظافة دورة البنزين؟

2-وارجو الاستقرار على افضل المواعيد لعمل الصيانة الدورية للانجكشن لانه فى اختلاف فى ناس بتقول مع كل غيار زيت (وده طبعا مش معقول عشان انا بستخدم زيت 5000 وبغير على 3000 ومعنى كده ممكن كل شهر ولا شهر ونص اعمل النظافة دى)
وفى ناس بتقول 10000 كيلو وفى ناس بتقول 50 الف كيلو تتعمل الصيانة الدورية

3-وسؤال اخير هل ممكن الاستغناء عن الكشف على السيارة بجهاز الكشف عن الاعطال و ظبط السيارة من خلال الميكانيكى العادى؟؟وهل عادى زى الكاربراتير يقدر الميكانيكى العادى انه يزبط العربية بدون وجود الجهاز يعنى
لو العربية بتأكل بنزين مثلا؟ او لو العربية العادم بتاعها فى رائحة بنزين والحريق بتاعها مش كويس؟
هل ده ممكن يعمله الميكانيكى التقليدى بدون الحاجة اللى الرجوع الى جهاز تشخيص الاعطال او استخدامه فى ظبط العربية؟؟؟