كنت عامل موضوع انبارح باسم اسماء الجمعيات الخيره التى تم ايقافها 1055 جمعيه وحاليا الموضوع تم حذفه ارجو معرفه السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟
كنت عامل موضوع انبارح باسم اسماء الجمعيات الخيره التى تم ايقافها 1055 جمعيه وحاليا الموضوع تم حذفه ارجو معرفه السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟
وانا كنت عامل موضوع عن حكم تهنئة غير المسلمين باعيادهم واتحذف
وطبعا اكيد تبرير الادارة انه موضوع ديني !!!!!!!!!!!!!!!!!!!!!!!!!!!!!!!!!!!!!!!!!!!!!!!
وانا استغرب جدا موضوع ديني يتحذف والمبرر ان بعض الاشخاص دخلوا مش عاجبهم الموضوع
بدل ما الادارة تتكرم وتسأل حد ثقه هل الموضوع اصلا دا صحيح شرعا ولا لاء وتنظر لفائده العامة من ورائه
بدل هذا يقموا بحذفه من الاصل !!!!!!!!!!!!!!
.........................................
.......................................
........................................
..........................................
...............................................
غير مسموح بالمشاركات السياسيه داخل المنتدى
يرجى مراجعه قواعد المنتدى
م.ع 8
29/12/2013
1:50pm
اي موضوع يشير للسياسه سواء من قريب او من بعيد بيحذفوه
الاوامر جايالهم كده !!!
إنذار ووقف اسبوع لمخالفه القاعده رقم 12 من قواعد المنتدى
والتى قمتم فيها بالتهكم والسخريه من إداره نايل موتورز
مع العلم أن إداره نايل موتورز لا تتلقى أو تنتظر تعليمات من أى جهه مهما كانت
ولدينا هنا قواعد معلنه للجميع ونطبقها بحياديه تامه دون أى تمييز ودون أى توجيه
أو تدخل من أى شخص مهما كان .
يرجى مراجعه قواعد المنتدى
م. ع 8
29/12/2013
1:41 pm
طالما وصلت لكدة جود باى نايل موتورز
الحذف بدون مبرر واضح دا ال بيزعل لاقصى درجه والحمد لله المنتدى فيه شيخ من افضل الشيوخ علما الضيخ خالد كان ممكن يسالوه مباشره
الموضوع كان عن اعداد واسماء الجعيات لا اكثر ولا اقل ونقاش طبيعى جدا بين الاعضاء انهاردا لقيته محذوف ؟؟؟؟؟
الموضوع مكنش سياسى .... الله اعلم فى موضوع الاوامر دى
دا مش حل يا صديقى نايل موتورز قائم باعضائه المحترمين
اكيد طبعا الموضوع ده حيتقفل هو كمان
نايل موتورز
ليه عاملين منتدى اجتماعي؟
اقفلوه احسن ، انتوا عاوزين مجتمع مخصوص على مقاس السادة المسئولين
ايه المشكلة في اسماء الجمعيات الخيرية ، اذا كانت الدولة نفسها طلعت منشور بهذه الاسماء
ليه بتعتبروا هذه المشاركة غير مقبولة؟عجبي
ودة كمان هيتحذف
لاء اي موضوع بينتقد النظام بيحذفوهاقتباس:
الموضوع مكنش سياسى .... الله اعلم فى موضوع الاوامر دى
وموضوعك بينتقد النظام بس بطريقه غير مباشرة كذالك موضوع الاخ محمد عن تحريم تهنئه النصارى باعيادهم مسحوه بردو لان النصارى ليهم دور كبير في ثورة 30 يونيو العظيمه هههههههههههههههه وميصحش نقول عليهم حاجه كده ولا كده دول مسنودين ياعم الحاج ومحدش يقدر يتعرضلهم
وعجبي في زمن اتقلبت فيه الموازين اقليه يحكموا اغلبيه
ياباشا الموضوع دخل في اعدام
ربنا يجعل كلامنا خفيف عليهم
الغباء لا دين له
ياباشا خلاص معدش للمعارض او المحب لمصلحة الوطن أبدا او اللي عندو كرامة او عزت نفس
لازم تبقي دلدول ومنساق ورت الاعلام وقواد البلد
مش عارف أمتي الواحد يبقي عندو كرامة ورائه يحترم ايا كان !!!!!!!!
يعني بص علي الاعلام كله رأي واحد لييييه مفيش اي حاجة غلط الاحكرمة بتعملها !!!!!
والله معد لينا مكان في الدنيا ربنا يرحمنا ويلطف بينا
لا يا شباب استحاله الموضوع دا يتقفل لانى بسال سؤال بس وفى انتظار الاجابه الشافيه لماذا تم غلق الموضوع بتاعى ؟؟؟؟؟؟؟ واستحاله هيتقفل الموضوع دا
السلام عليكم ورحمه الله
من حقك تسأل ومن حقنا نجاوب
المنتدي له قواعد وقوانين انت وافقت عليها وانت بتشترك وتقدر تراجعها في اي وقت
من القواعد دي
ممنوع الكلام في التابو الثلاثي
الدين ( والمقصود بيها خاصه مناقشه العقائد)
السياسة
الجنس
اي كلام في التلاتة دول ممنوع نهائيا
الموضوع اللي حضرتك فتحته يا استاذ احمد يخص قلب الاحداث السياسيه وبما ان الشارع المصري متاجج غضبا من تصرفات الحكومه فهينتج عنه مناقشه سياسيه ساخنه، وهو ما حدث في الموضوع بالفعل، وستنتهي بوقف العديد من الاعضاء
ولذلك المشرف اخد قرار بغلق وحذف الموضوع ولو حضرتك متضرر من ده تقدر تعمل شكوي للجنة فض المنازاعات وهي هاتفحص الموضوع
-------------------------
استاذ محمد جيدو نفس الكلام لحضرتك
ان موضوع سيادتك ليس موضوع ديني عادي كتلك التي يفتحها العديد من الاعضاء واولهم صديقي العزيز الشيخ خالد
لكن اي موضوع يخص مناقشه العقائد هايتم غلقه وحذفه لانه ممنوع في قواعد المنتدي
يعني حضرتك لو فتحت موضوع عن احكام العمره ولا سنن الوضود محدش هايجي جنبه
لكن لو فتحت موضوع عن الولاء والبراء مثلا او حكم من مات ولم يستغفد من الكبيره هايتقفل لانه في صميم العقيده
-----------
استاذ هلال
القسم الاجتماعي مفتوح لمناقشه اجتماعيات المنتدي دون مخالفه قواعد المنتدي التي وافقت عليها قبل اشتراكك بالمنتدي
وتقدر تراجعها دلوقتي مره تانيه
ودي دعوه لكل الاعضاء انهم يقروها تاني
خالص تحياتي
كريم منير
رئيس مجلس اداره المنتدي
................................. حتى لو كان الموضوع فيه نقد و معارضة لوقف هذه الجمعيات فمن حق كل واحد يقول رأيه سواء موافق أو رافض .
هل حرية التعبير تقتصر فقط على المواقف المؤيدة للسلطة أيا كانت ؟
انذار ووقف اسبوع لمخالفة القاعدة 12 من قواعد المنتدى
برجاء مراجعة قواعد المنتدى
م ع 9
استاذنا الفاضل كريم
هل ترى ان نشر اسماء الجمعيات الخيرية التي نشرتها الدولة نفسها يقع ضمن التابوهات المحرمة التي ذكرتها سيادتك؟
لا هي دينية ولا سياسية وليست جنسية بالطبع ده مجرد خبر منشور ومعروف للشعب المصري كله
والاخ لم ينتقد السياسة ولا تعرض للدين ولم ينشر ايحاءات جنسية
برجاء اعادة قراءة المشاركة مرة اخرى
وانا اعرف عنكم حبكم للعمل الخيري ولكم مساهمات مشكورة في مساعدة الاعضاء
واذا كان هناك تعليق على المشاركة لا يتماشى مع توجهاتكم تستطيع حذف التعليق وليس الاطاحة بالمشاركة ككل
تقبل تحياتي
الموضوع تحول لنقاش سياسى وده طبيعى جدا لان مفيش هدف من نشر الاسماء غير النقاش في امور الحكم والسياسة
ليس مجرد نشر للعلم ولكنه باب للنقاش والجدال
وهو ما حدث مما ترتب عليه حذف الموضوع تجنبا للايقاف الجماعى
اما فيما يخص الاسماء الخاصة بالجمعيات فلا مانع لدينا من اعادة المشاركة وجعها في موضوع مغلق بهدف النشر فقط كما يقال
ريحـــــوا نفسكم
نرجع لمشاكل الكوبلن اللي بيطقطق والردياتير اللي بينفس وبس، لا أسمع لا أرى لا اتكلم، والرد معروف: لو مش عاجبك متشاركش او متدخلش المنتدى الموقر (بس ممكن بطريقة شيك شوية)،،،، وبصراحة عندهم حق مهو منتدى مشاكل الفيتيس وآلات الجر والسمكرة والدهان،،، نسيوا إن المنتدى للعربيات بس اللي بيكتب ويشارك مش عربيات وإنما أنا وانت وهو وهي ومجتمع،،،، وبـــــــــــــــــــــــ ــاي ســــــــــــــــــــــــ ــــلام
انا هقدم استقالتى من نايل موتوز
طبعا مصحوبه بشكر لكل اعضاء نايل موتورز
وكل الاعضاء الى استفدت منهم كتير جدا
وبشكر نايل انه عرفنى على ناس قمه فى الاخلاق والادب والتعاون
وهوة لو كان منتدى للسيارات فقط كان هيكون اروع من انه فتح مجال لمواضيع اخرى -مع عدم الحياديه يعنى الى بيتوقف بيتوقف بمزاج الادارة--وليس تطبيق صارم لقوانين المنتدى
انا اصلا مش عارف ازاى عضو يقدم استقالته وهوة ملوش اى حقوق غير انه بيشارك
شكرا نايل موتورز
وسنه جديدة عليكم سعيدة
الفنان التشكيلى -والنحات -و مهندس جرافيك
احمد عبد الهادى
وداعا نايل
ماهو زى ما حضرتك وضحت ده حكم محكمة تم نشره في الجرائد
ووجود الخبر لن يفيد العضو باى شئ فهى ليست مشكلة تواجهه ويبحث عن حل او موضوع محتاج فيه راى الزملاء
وقى الاصل هذا القرار هو قرار سياسى اى مخالف لقواعد المنتدى
اجتماعى نايل موتورز للتواصل بين الاعضاء وتبادل الاراء والخبرات الحياتية وليس للامور السياسية
وسبق وان وضحنا مرارا ان ابتعاد المنتدى عن الخلافات السياسية بهدف اعادة وحدة الصف بين الاعضاء وليس لاى سبب اخر
فكل عضو مسئول عما يكتب وكل عضو متمسك برايه ولا يستمع او يقتنع اى شخص باراء المخالفين له
فما عادت علينا النقاشات السياسية باى خير بينما حولت الكثير من الود والاحترام الى خلافات وصراعات
انا اختلف مع سيادتك للاسباب التالية
انا شخصيا كنت بريح دماغي بارسال الاموال لبعض هذه الجمعيات لانفاقها في المجالات التي احددها
مثلا مبلغ معين كفالة يتيم ومبلغ اخر كفارة يمين ومبلغ ثالث صدقة جارية
وهم يقومون باللازم
لما اعرف الجمعيات التي تم الاستيلاء على اموالها يبقى خلاص اتولى بنفسي توجيه اموالي للابواب المحددة
يا سيدي الفاضل
لما 3 سنين من المناقشات و المواضيع المفيدة و اراء الاعضاء و المشاركات اللي اصحابها تعبوا و اجتهدوا فيها ( سواء مؤيد او معارض ) عصارة افكارهم بمعني اصح تتمسح او تختفي مش عارف يبقي عادي لما موضوع حضرتك يتمسح مع العلم ان ملوش اي علاقه بالسياسه هو ليه علاقه بالانسانيه اللي انعدمت
احوال الشارع المصري كان عبارة عن تأريخ لثورة يناير - الله يرحمها - و مرجع رائع لمتابعه تطورات الثورة و بماوس كليك اتمسح او اختفي مش عارف - مئات الالاف من المشاركات دة ان لم تكن عدت المليون في خبر كان
و الوضع دلوقتي بدل ما الادارة تمسح المشاركات المخالفه في الموضوع - من وجهه نظرهم - بقي استسهال مسح الموضوع بحاله و بالسلامه مشاركات الاعضاء و مجهودهم و وقتهم و من ضمنهم المشاركه دي طبعا
و اللي يزيد المراره في الحلق تبريرات الادارة و الاخ الكريم صاحب المنتدي و اكتر واحد متضرر من اللي بيحصل
في حلين - الحل اللي اقترحه الاخ لانوس ( باي باي نايل موتورز للاسف ) او تقليل المشاركات لاقصي حد و دة اللي انا عملته نظرا لارتباطي بالمكان دة
ربنا يهدي الحال ان شاء الله
اختلف مع حضرتك جدا يا مدام سماح.
لو الادارة ماشية بمبداء ان اهمية الموضوع تتراجع بناء على وجودها بالصحف والجرائد فده مبداء مش تمام.
انا واحد من الناس مش بشترى جرائد ومقاطع قنوات العار(وجهة نظرى)
ممكن اعرف هنا معلومة من غير ما اضطر اقراء الجرائد.
كمان انا كنت بدور فعلا على الموضوع النهارده علشان كنت عايز اشوف اسم جمعية مدرجة ولا لاء....
رجااااء مراجعة تطبيق القوانين فى المنتدى لان فعلا فى تحيز واضح....
مشكلتنا مش فى القوانين مشكلتنا ان القانون بيتطبق بالمزاج سواء فى المنتدى او فى البلد.
تقبلى تحياتى...
الادارة لا تقيم اهمية موضوع من عدمه
ولكن زى ما وضحنا قبل كده الموضوع اتحذف لانه اتحول لنقاش سياسى
وزى اى موضوع بداية من تاريخ المنتدى حتى اليوم لما تتغلب فيه المخالفات وتحيد عن هدف الموضوع بيتم حذفه لتجنب الاقاف الجماعى للاعضاء
وده مالوش اى علاقة باى توجه ولا خوف ولا غيره
وفين بس التحيز ده
هل حضرتك شايف اى موضوع سياسى متروك في الاجتماعى ايا كان توجهه ؟
حضرتك مش شايف انه من الظلم الحكم على توجهات او اراء لاخرين لمجرد تطيق القواعد ؟
اكيد فيه اخطاء لاننا بشر ومش متابعين 24 ساعة بنى ادميين عاديين جدا بيحصلنا ظروف بنغيب بنتاخر في التعامل و اكيد في حاجات بتقع مننا وده دور كل عضو في نايل موتورز انه يرسل تقرير من اى مشاركة او موضوع مخالف عشان لو احنا مشوفناهوش لوحدنا يلفت نظرنا للمخالفة
ياريت تحسنوا الظن بينا اكتر من كده
تسجيل الخروج
السلام عليكم
استاذ هلال
نشر الخبر في منتدي اجتماعي معناه مناقشته
كتير من الاعضاء وانا اولهم علي اخرنا من اللي بيحصل في البلد
وغصب عني لو نطقت هاخرج اسوء ما اكتسبته من صفات انسانية
فبسكت احسن
وده اللي شافه المشرف
تجنبا لوقف اعضاء كتير طهقو من حال البلد ووضع الحكومه المتخاذل
وكما ذكر لو انا كصاحب المنتدي هايكون التوجه بتاعي سيب الموضوع يولع والمشاركات تزيد
واهو ترافيك وتايم اون سايت وارقام كتير في صالحي
طب والمحصلة ك كريم العضو قبل صاحب المنتدي
ناس هاتخسر بعض علي المستوي الانساني زي ما قبلهم خسروا بعض كتير في احوال الشارع المصري
اللي اشار ليه استاذ مسعد بغلقه وكمان خفيتة من قدام الزوار
لو بس خدنا من وقتنا دقايق وفكرنا طب قفلتة طب سيبه مفتوح للناس اهو تاريخ
هقوله هافتحه لما يكون مفيش طيور ظلام
لكن طول ما فيه مونيتورز مفتوح عليها كل صفحات الانترنت ومتابعه وفحص ايبيهات وتتبع
يبقي عشان الناس دي اللي كلت معاهم عيش وملح واللي كتير منهم متشرفتش اني اشوفهم
خفيت الداتا دي شويه عشان لما يروحوا بيتهم مايلقوش حد مستنيهم
ودلوقتي اللي بيتاخد مالوش ديه
فيا ريت تحطو نفسكوا مكاني وفكر من مكان الاخر
حريه راي وتعبير في اسوء عصور مصر
ولا نخلينا في العربيات شويه لحد ما ربنا يعدي الغمه
فكروا من منطلق اني بخاف علي كل واحد فيكم رغم ان ده ضد مصلحتي الشخصية كارقام
لكن العلاقات الانسانية عندي فوق كل ارقام
شكرا لكل من تفهم الرسالة
وشكرا استاذ هلال لكلامك الطيب
هتكلم عن نفسي
عن نفسي شايف نايل موتورز والقسم الاجتماعي خصوصا ومنتدي تاني بقو الحاجه الوحيده والمتنفس للواحد بعيد عن السياسه اللي بقت مالي حياه الواحد وجايباله اكتئاب
السياسه ف كل حته ف الشارع ف التليفزيون ف الفيس وكل النت
مش الممكن الحاجه الوحيده والمتنفس لينا بعيد عن وجع الدماغ هي كمان تقلب سياسه وخناقات
المشكله ان اتحدي واحد سواء هنا او ف الفيس انه يقدر يناقش واحد مختلف معاه سياسيا بدون تلقيح ورمي كلام وانتهاء بالشتيمة والردح
انا معنديش مشكله يبقي في كلام سياسي هنا اذا كانت الناس هتتناقش بعقل واحترام للطرف التاني وده مستحيل الفتره دي لان البلد علي اخرها وكله محتقن من الكل والبلد متقسمه وحالتها تصعب ع الكافر
يبقي (من رايي ) بلاها سياسه
شكرا
على فكرة أنا اتوقفت أسبوع بسبب تعليق على الموضوع ده من جملة تعليقات كثيرة كان فيها تجاوزات وفوجئت بأني تقريبا الوحيد اللي تم إيقافه حتى صاحب الموضوع نفسه - أخي الكريم - لم يتم وقفه بالإضافة لآخرين تجد حتى في توقيعاتهم مخالفة صريحة لقواعد المنتدى اللي اتوقفت بسببها
http://nileup.com/up/uploads/nilemotors_13882019521.png
فهل تعليقي هذا يستحق الوقف أسبوع على الرغم من أنكم حذفتم الموضوع كله وكان يكفي حذف التعليقات المخالفة فقط وترك الموضوع نفسه ؟
أرجو مراجعة سياسة المنتدى وعدم تطبيق سياسة تكميم الأفواه لأنكم من الآخر مش هتقدروا تمنعوا كل الناس إنها تتطرق لمناقشات سياسية والبلد غرقانة في الصراع السياسي وده حديث الشارع كله الآن واحنا مش في مدرسة علشان نقعد نقول اسكت يا ولد انت بس يا بنت انتي ! احنا ناس عاقلة وراشدة ومن حقنا نتكلم بحرية في كل شيء طالما ليس فيه تجاوز أخلاقي كالسب والشتم الصريح وليس فيه محظور شرعي كسب الأنبياء والصحابة مثلا ومثل ذلك لكن كل واحد يتوقف علشان بيتكلم في السياسة ؟! ده مش منطق بصراحة ولو كده يبقى تقفلوا المنتدى الاجتماعي ده تماما وتقتصروا على أقسام السيارات بس وأنا واحد من الناس ساعتها مش هدخل المنتدى تاني لأني أساسا مش بدخل غير على القسم الاجتماعي لأنه بلاقي متنفس فيه للفضفضة مع الأصدقاء اللي معظمهم ناس راقية ومحترمة
أما كلام الأخ كريم عن حظر الكلام في الدين إذا كان الكلام في صميم العقيدة !! فده بصراحة محتاج موضوع لوحده ومش عارف ليه كلامك فكرني بوزارة الأوقاف اللي بتمنع خطباءها إنهم يتكلموا عن أمور العقيدة والغيبيات وبينبهوا عليهم يتكلموا بس عن الرقائق وفضائل الأعمال !! وأنا آسف مش لاقي غير آية واحدة أرد على حضرتك بيها وآسف لو هتزعلك
أفتؤمنون ببعض الكتاب وتكفرون ببعض ؟!!
على فكرة مواضيع تهنئة النصارى بأعيادهم برده من صميم أمور العقيدة يا أستاذ كريم ومفروض تتحذف زي الموضوع ده مثلا
http://www.nilemotors.net/Nile/397125-a.html
حقيقة رغم تقديري لك أ/ كريم لكن ردك هذا أحزنني جدا جدا
إن أولى الأمور بالتكلم عنها ونشرها وبيان احكامها هي العقيدة وما يتعلق بها من أحكام هذا الاحرى بكل شخص أن يفعله
لا ان يجعلها في ذيل الامور ولا يتكلم عنها الا في النادر ولا ينبه عنها مع أن الخطأ في العقيده ليس كالخطأ في غيرها من الامور الفقهية !!!
وإذا قلت التكلم في العقيده يجلب المشاحنات وقد يجلب الخصومات
فأقول لك : يا حبذا هذا في سبيل بيان العقيدة الصحيحة والدفاع عنها فهي أصل الدين !!
أما لو كل شخص دخل وشغب وانتقد في أمور العقيدة اغلقنا المواضيع ومنعنا الكلام فيها فيكون علي الدنيا السلام كما يقولون
ونصيحتي لك ومن قلبي بصدق
الاحرى لكم أن لا تحذفوا مثل هذه المواضيع فهي خير لكم اولا ثم للمسلمين والله يجزيكم بها خيرا
أما حذفها وتعامل معها علي انها من الممنوعات لانها تثير الجدل !! فاسأل الله أن يغفر لكم تلك السقطه
مش انت لوحدك يا ابو اسر انا كمان اتوقفت عشان المشاركة دي
نص المشاركة اللي اتوقفت عشانها
سبحان الله
في اعضاء مبتشفلهمش مشاركة الا كل فين وفين
ولو شافو موضوع لحد بيسب الرسول هيخروجو عادي ويكبرو دماغهم
لاكن لو شافو حد بيسب السفاح الدموي
يبقو عاملين زي مخبرين امن الدولة ولازقين في الموضوع وبيهددو الناس
طب يسقط يسقط السفاح http://www.nilemotors.net/Nile/image...t-bot-left.gif
رغم اني بتكلم عن واقع موجود ومحددش حد
على الرغم ان فيه مشاركات لاعضاء موجودة دلوقتي
بتتهم الاعضاء المخالفين ليهم في الراي انهم ارهابيين
وكمان فيه من زاد وطالب بابادتهم ومع ذلك الاشراف شايف ان ده عادي ومتاعملش مع المشاركات دي
وموديانه على فين يا مصر
.............................................
تم وقفك لمدة اسبوع لمخالفة قواعد المنتدى
مشرف م ع 9