ارجو المساعدة ضرورى علشان خلاص هتجنن

**besoana** · 27-12-2013 06:33 PM

السلام عليكم ورحمة الله
انا معايا لادا سمارا 91
العربية من يومين كدة لقيتها بتفصل بنزين تحت رجلى
يعنى الدوسة مبتجبش حاجة خالص ولازم اقف والعربية تبطل
استنى شوية وادورها تانى تدور زى الفل
امشى دقيقتين وتعمل نفس الموضوع تانى وساعات افضل ادور فيها مترضاش تدور خالص لمدة 10 دقايق وبعد كدة تدور ولا اكن حاجة حصلت
اللى عملتة كاالاتى
اولا روحت لبتاع الكربراتيرات ظبط الكربراتبير وقالى مفيهوش اى حاجة الباب بس كان بيعلق وعملتو
ثانيا غيرت طلمبة البنزين بواحدة جديدة وبرضة مفيش فايدة
غيرت الموبينة بواحدة جديدة برضة مفيش فايدة
فتحنا الاسبراتير ونضفناة كويس وبرضة مفيش فايدة
شيلنا الحساس بتاع الكرنك ونضفناة وبرضة لسة العيب زى مهو
فاضل بكرة هغير الكونتاكت يمكن العيب منو
ياريت اللى عاندو اى حالة مشابها او اقتراح يقولى

**maheralsisi** · 29-12-2013 08:47 PM

هاقولك على حاجة بس ما تضحكش
روح للمهربائى يبصلك على الدينامو و المارش و خصوصا المارش

**ايمن رجب** · 29-12-2013 09:13 PM

كلامك كده بيقول موبينه
الموبينة لما بتسخن بتفصل
جرب تحط عليها فوطة مبلولة من برة بعيد عن الاسلاك علشان تبردها لو العربية دارت على طول تبقى موبينة
غيرها بموبينه الكترونى نص اوتوماتيك يابانى ب ٧٠ جنيه

**besoana** · 29-12-2013 10:06 PM

بكرة هوديها للكهربائى يشوف الدينمو
انما الموبينة انا مغيرها بواحدة جديدة اليكترونى
فى حاجة تانية انا شاكك فيها الكنترول الابيض اللى قدام علبة الفيوزات حاسس ان الفيشة بتاعتة بتلمس ومش راكبة كويس