ما العلاقة بين الرجوع للخلف وارتفاع الحرارة

**MaaM** · 28-12-2013 01:18 AM

فيه حاجة غريبة ظهرت معايا بقالها كام يوم
كل اما ارجع لورا عشان أركن في الأغلب ، الاقي الحرارة وصلت لـ 95 والنهاردة وصلت 98 !
بارجع حوالي 20 متر
- مافيش تسريب في الدورة ، ممكن أقعد اكتر من شهر عشان أزود ربع كباية
- الريداتير كويس ، الحرارة على السفر بتفضل ثابتة على 85 وساعات تكون 82
- المروحتين بيشتغلوا السرعتين الأولى والتانية
- ميعاد تشغيل المرواح ! هو ده محل الشك بالنسبة لي ، لأن مؤشر الحرارة بيكون لسا على 89 واسمع صوت المروحة اشتغلت على السرعة التانية والاقي المؤشر طلع بعدها لغاية 92
هو صح ان السرعة التانية تشتغل على 92 ، بس ليه التاخير ده من المؤشر ؟! فيه شئ غريب تحس ان المية بتغلي بسرعة أول ماتوصل لـ 100
عشان كدا قدامي حاجتين هاشيك عليهم المية وسويتش المراوح
- هابتدي بالمية ، المية الحالية عندي بتاعة موبيل ، وديه هاغيرها بـ مية مقطرة مع إيثلين جليكول
- لو مشي الحال يبقى خير وبركة ، ولو لأ هاشتري سويتش مراوح gm رغم انه غالي !

أحب أسمع أرائكم

**m7nsh** · 28-12-2013 02:12 AM

هو سويتش المراوح اللى مركبه يا محمود الاصفر ولا الجى ام ؟؟
لأن انا مركب الاصفر وفى السفر دلوقتى فى درجه الحراره دى بتكون ع 80 او تحتها بشرطه واحده فقط ..
بس ملاحظتش موضوع الحراره فى الرجوع دا رغم انى بارجع مسافات طويله برده اوقات باكسل الف وش العربيه و بارجع الشارع كله بضهرى وخلاص !

**بيشوى_رمزى** · 28-12-2013 02:35 AM

انا بصراحة مش مستوعب موضوع المرشيدير و السخونة لو حد فيكوا فاهموا ياريت يشرحلى السبب؟؟

**MaaM** · 28-12-2013 03:16 AM

مبدائيا مستغرب جدا انكم انتم الاتنين سهرانين لغاية دلوقتي ! :)

سويتش المراوح اللي عندي 95-100/100-105 نوع بيرو وديه نفس سرعات سويتش الـ GM
و قصة ان المروحة تشتغل على سرعة تانية على 92 أول استفتاح ليها ، بدأ مع السويتش البيرو ومية موبيل عشان كدا حاططهم أول احتمالين
كان قبل السويتش ده ، كان معايا سويتش GM ، وكانت المراوح بتشتغل سرعة أولى على 90 درجة
فلما اتحرق ساعة تغيير مية الرديداتير ، اشتريت بيرو نفس السرعات

عندي نقطتين ليهم علاقة ببعض
بدء عمل المروحة على السرعة التانية على 92 درجة عكس الطبيعي انها تبدأ على السرعة الاولى على 90 درجة (هيجان مية ولا سويتش مش عارف)
- ارتفاع الحرارة لـ 95 عند الرجوع للخلف ودا بدأ من كام يوم بس ، عشان كدا جيه الوقت اللي أخلص من القصة ديه خالص

**m7nsh** · 28-12-2013 03:22 AM

ااه يبقى انت كده اصلا عندك مشكله ان السرعه الاولى مش شغاله مظبوط و التانيه بتشتغل بدالها ..مممم .. ممكن سويتش المراوح مهيس فعلا بس الميه هتعمل ايه ؟ ملهاش علاقه بتهيالى ؟

ظبط كده على خير ان شاء الله وقولنا .. لأن فعلا مش عارف ايه العلاقه بين الاتنين ... المرشدير والحراره .. دى اخر افتكاسات الفيكترا بصراحه :)

وانا سهران لأنى بايت لوحدى ومش لاقى اى هرى اهريه فى اى حاجه !

**Hesham.H** · 28-12-2013 03:28 AM

بصراحه اول مره اسمع المشكله دى .. ومش قادر احدد سببها بصراحه وما اعتقدش ليها علاقه بمياه موبيل أو غيرها ... حتى ولو ميه حنفيه
موضوع ان المراوح بتشتغل على ٨٩ درجه مش شايفه سبب مقنع لوصول الحراره ٩٨ وانت راجع مارشليه

المهم عملت ايه فى الدشمتين ؟؟

**MaaM** · 28-12-2013 03:38 AM

السرعة الأولى مش مهيسة والدليل على كدا انها ساعات بتشتغل + انها بتشتغل أول ما اشغل التكييف

هاركبهم بكرا بإذن الله ، كله عايز يروح

**m7nsh** · 28-12-2013 05:17 AM

يا دوشمك يا اخ محمود ,,, نويت ع السكاكين خلاص ؟ نقول مبروك ..

**tananybasha** · 28-12-2013 10:56 AM

شوف كده
ممكن تكون قفله

**tananybasha** · 28-12-2013 11:14 AM

ابو كف
الصنايعى اللى عندى
بيقوللى خليه يركب كابل ارضى من البطارية لجسم الموتور

الموضوع: ما العلاقة بين الرجوع للخلف وارتفاع الحرارة

LinkBack

أدوات الموضوع

عرض

ما العلاقة بين الرجوع للخلف وارتفاع الحرارة - انشر الموضوع فى :

-

-

-

-

-

-

-

المواضيع المتشابهه

صوت ونه فيها من ونه الرجوع للخلف

مشاكل الرجوع للخلف

طقطقه عند الرجوع للخلف فقط

الرجوع للخلف بالدبرياج فقط فية ضرر

صوت مع الرجوع للخلف - ارجو المساعده

الكلمات الدلالية لهذا الموضوع

المفضلات

المفضلات

ضوابط المشاركة