| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 41

  1. #1

    الصورة الرمزية R A N A

    رقم العضوية : 11997

    تاريخ التسجيل : 01Jun2008

    المشاركات : 1,019

    النوع : انثى

    الاقامة : Cairo

    السيارة: مفيش ... هي سيارة واحدة والحمد لله

    السيارة[2]: New Accent 2010 - Maroon

    الحالة : R A N A غير متواجد حالياً

    افتراضي سيمفونية العزف المنفرد ..............!!!!! - Facebook Twitter whatsapp انشر الموضوع فى :

    hasad">

    طبعاً المقصود بسمفونية العزف المنفرد هنا مش سيمفونية من بتوع بيتهوفن مثلاً ولا اللي بيعزفها هو موسيقار او عازف علي اي الة موسيقية ولا حاجة وبرده الآلة المستخدمة في العزف مهياش بيانو ولا حتى تمُت للآلات الموسيقية بصلة اصلاً.

    الموضوع هنا مختلف ياجماعة طبعاً كلنا عارفين الكائنات الفضائية اللي بيسموها هنا (سواقين الميكروباص) وطبعا برده كلنا عارفين ان الكائنات دي بتركب مركبات هُلامية كده بيسموها برده (ميكروباصات) حاجة كده مالهاش معالم متعرفلهاش انوار امامية من خلفية من كبوت من شبكة من صاج كله ملخبط علي بعضه وتحس ان الميكروباص ده اتحرق مرتين تلاتة قبل كده وطلعوه من الحريقة ومشوه تاني واتحداك لو عرفت تفرق بين نور الفرامل من نور المارشدير من الاشارات الجانبية ده في حالة انك لو لاقيت حاجة فيهم شغالة اصلاً وحتى لو كلهم شغالين نادراً جداً لما تلاقي حد بيستعملهم اساسا والعبقري منهم بقي والفلتة من الكائنات دي تلاقيه يديك اشارة يمين ويدخل شمال او العكس او اشارته تفضل معلقة اصلا فمتبقاش فاهم هو رايح فين اساساً وفي برده كائنات شبههم بالضبط مع شوية اختلافات بسيطة في الزي يعني اسمهم (سواقين النص النقل) اصل دول احيانا بيلبسوا جلابيات وعمم واحيانا ترنكات (اللي هي ترننجات يعني) زي اشباههم سواقين الميكروباص وبيركبوا مركبات هلاُمية اكتر والعن بمراحل اسمها (عربيات نص نقل) محروقة 7 او 10 مرات قبل كده برده ورجعت تمشي علي رجليها تاني وطبعا حدّث ولا حرج بقي عن سواقين اتوبيس النقل العام دول طبعا نفس الكينونة الغريبة بالضبط بل اضل سبيلاً .

    الكائنات المذكورة اعلاه دول بقي ليهم سيمفونية مخصوصة بيعزفوها لوحدهم دون غيرهم

    يعني مثلاً الموقف ده اكيد في ناس شافته قبل كده :
    تلاقي الناس كلها واقفة في الشارع بعربياتهم والشارع اتزحم واتقفل شوية عادي جدا كل يوم نعدي في نفس الشارع يتزحم نفس الزحمة ويقف نفس الشوية زي كل يوم وبعدين يتحرك تاني و اهي الحياة بتمشي عادي متعودين علي كده كل يوم، :( وفجأة وتلاقي واحد من الكائنات الفضائية دي يطلع من تحت الأرض ويدي كلكسات لوحده كده مع ان كل الناس اللي في الشارع ممكن تكون مستعجلة اكتر منه ومع ذلك واقفين وساكتين ومسَلمين امرهم لله وده دوناًَ عن الناس كلها يقعد يدي في كلكسات مزعجة وغبية ابص عليه اقول يمكن حد زانق عليه مثلاً ومش عايز يعديه ، خالص ولا الهوا الناس كلها واقفة عادي جدا ومفيش في ايديهم حاجة
    وفي سواق اتوبيس عملها فيا مرة وقف ورايا والدنيا كلها زحمة والشارع مقفول تماماً وده مستمر مستمر وصوت الكلكس بتاعه اصلا مزعج بجد كان هاين عليا انزل من عربيتي واسيبها في نص الشارع كده ولا اعديه ولا اروّح من كتر النرفزة اللي سببهالي واشاورله واقوله في ايه ، اعمل ايه طيب ، مافي عربيات قدامي وعربيات جنبي والطريق واقف طب اروح فين بس ياربي ، وده انه يسكت ابدا راسه والف جزمة مايسيب الكلاكس الا لما الطريق يتحرك لما خلاني كنت هاعيط والله ، ياتري ايه تفسير الموقف ده يكونش فاكر مثلاً انه لما يدي كلكسات كده اللي موقف الطريق في الشارع اللي بعد بعدينا هايسمع كلكسه يقوم يتعدل ويحرك الطريق مثلا احتراماً وتبجيلاً لسيادة هذا الكائن هو دونا عن البشر اللي قبليه مثلا واللي اكيد بيحاولوا بأقصي جهدهم انهم يمشوا الناس اللي ملخبطة الشارع وموقفاه بالشكل ده، يبقي ايه لزومه الكلاكس السخيف ده؟ بجد مش عارفة ومش فاهمة ايه الهدف !!!

    موقف تاني بقي بس ييجي بصورة مختلفة شوية نبقي ماشيين في امان الله وكل واحد في طريقه عادي وتلاقي سواق نص نقل او ميكروباص الاتنين اسخم من بعض يعني جاي وعمال يتنطط بين العربيات وعمال يدي في كلاكس متقطع ابله كده زي (تك....تك.... تك....تك) شبه ربع رنة تليفون مثلاً حاجة كده مالهاش محل من الإعراب عارفين زي ايه مثلاً هاقولكوا فاكرين طبعا الجزم بتاعة الأطفال اللي كان بيبقي فيها زمارة كده كل مالعيل يدوس دوسة برجله تزمر والجزم دي عملوها عشان الام تعرف توصل للطفل بسهولة جوة البيت لما يتوه منها ويستخبي تحت الكرسي ولا في الدولاب ولا في كم باباه مثلاً :biggrinjester: اهو نفس الصوت ده بالضبط بيطلع من كلكس المعاق ذهنياًُ اللي بيسوق الميكروباص او النص نقل ده تحس انهم حاطينله الكلكس علي دواسة من الدواسات اللي تحت رجليه ،
    وبرده انا بطبيعتي بحاول احسن النية في الاول عشان مظلمش حد واقول يمكن حد معطله او حد ماشي في النص والراجل عايز يعدي منه مثلا عشان مستعجل ابص عليه الاقيه ماشي لوحده عمال يتنطط بين العربيات ومفيش حد مزنق عليه ولا اي حاجة والناس كلها بتوسعله وتضربله تعظيم سلام وييجي جنبي او ورايا ويفضل يعمل برده نفس الكلاكس المستفز واعديه يمكن يهمد ويبطل كلكسات مزعجة وسخيفة وقميئة والاقيه برده مستمر عادي خالص ويفضل علي نفس الوتيرة طول ماهو ماشي ساعتها بضرب كف علي كف واقول حسبي الله ونعم الوكيل الهي تنضرب في كلكساتك يارب

    معلش ياجماعة طولت عليكم بس قلت اشوف رأيكم يمكن حد يفهِِِِِِمني حاجة انا مش فاهماها مثلا

    او حد يعمل فينا معروف

    ويخلي الأستاذة منال البسطاويسي تعمل سبق صحفي مع هذه الفئة الضالة والتي تسمي بسواقين الميكغوباصات والنص نقل ونخص بالذكغ ايضأ سواقين اتوبيسات النقل العام بأتوبيساتهم المليئة بالبشغ اللي غايحين اشغالهم او غايحين في اي حتة غايحينها والسلام ونحب نعغف اغائكم في هذوه الموضوع ولو حد عنده تفسيغ للي بيحصل ده واللي عنده مواقف مشابهة يتفضل يحكيهالنا بغده لإن الأخت بيغدي مقهوغة جامد من الموضوع ده.


  2. #2

    الصورة الرمزية M!NA

    رقم العضوية : 1893

    تاريخ التسجيل : 25Aug2007

    المشاركات : 1,873

    النوع : ذكر

    الاقامة : Cairo

    السيارة: Timber Land

    السيارة[2]: Wrangler2.8 TurboDiesel

    دراجة بخارية: Bajaj Boxer 150cc

    الحالة : M!NA غير متواجد حالياً

    افتراضي -

    الكلاكس المقطع دا يأة بالذات ممكن يجنني.... اللي بعمله أني بهدي خاااااالص لحد ما أكون قربت أقف و أبصله في المراية الشمال و أسأله... في حاجة؟؟

    و عادة الرد بيكون انه بيوقف الكلاكس أو لو عاوز يقول حاجة سد خانات ممكن يعجن ايديه الاتنين في بعض (بمعنى انجز يعني)

    و مرة واحد فضل قاطرني بالكلاكس ده... شاورتله في حاجة؟ فضل مستمر برضه رحت فرملت و أول ما شديت الهاند بريك و بفتح الباب و نازل لقيته دخل في أول يمين :d

    مع أني والله كنت نازل أسأله بهدوء "أنتا بتكلكس ليه"

    اعذروني عشان مش بقدر افتح المنتدى كتير
    ده الايميل و هيجيلي مباشرة على التليفون لأي استفسار
    [email protected]
    و السكايب
    mina.nilemotors


  3. #3

    الصورة الرمزية iunknown

    رقم العضوية : 3129

    تاريخ التسجيل : 12Nov2007

    المشاركات : 529

    النوع : ذكر

    الاقامة : Victoria Island

    السيارة: why this field is mandatory ??

    السيارة[2]: ميتسوبيشي لانسر

    الحالة : iunknown غير متواجد حالياً

    افتراضي -

    انا اتعلمت حاجة من واحد صاحبي

    تعالى قدام الميكروباص الرخم وهدييييييييييييييييييييي خالص


    انا كنت واقف على كوبري وورايا ميكروباص والكوبري واقف مابيتحركش وده بيكلكس


    استنيت لما فتح ورحت منور الانتظار قيمة عشر ثواني كدة حابسه ورايا



    احساس رائع بالانتقام

    محمد عيسى
    دعوة دروب بوكس


  4. #4

    الصورة الرمزية R A N A

    رقم العضوية : 11997

    تاريخ التسجيل : 01Jun2008

    المشاركات : 1,019

    النوع : انثى

    الاقامة : Cairo

    السيارة: مفيش ... هي سيارة واحدة والحمد لله

    السيارة[2]: New Accent 2010 - Maroon

    الحالة : R A N A غير متواجد حالياً

    افتراضي -

    اقتباس المشاركة الأصلية كتبت بواسطة iunknown مشاهدة المشاركة
    انا اتعلمت حاجة من واحد صاحبي

    تعالى قدام الميكروباص الرخم وهدييييييييييييييييييييي خالص


    انا كنت واقف على كوبري وورايا ميكروباص والكوبري واقف مابيتحركش وده بيكلكس


    استنيت لما فتح ورحت منور الانتظار قيمة عشر ثواني كدة حابسه ورايا



    احساس رائع بالانتقام

    عملتها قبل كده بس زهقت ومشيت برده وبعدين هما كلاب وبيسلكوا في الحديد ممكن من غيظه ييجي جنبك ويحدف عليك وانت وحظك بقي ياتفلت منه يايخبطلك عربيتك خبطة تفكرك باللي عملته كل ماتشوفها


  5. #5

    الصورة الرمزية ahmedsiyam

    رقم العضوية : 5334

    تاريخ التسجيل : 07Feb2008

    المشاركات : 1,474

    النوع : ذكر

    الاقامة : cairo

    السيارة: proto - persona

    السيارة[2]: fiat bravo

    دراجة بخارية: لا يوجد حاليا

    الحالة : ahmedsiyam غير متواجد حالياً

    افتراضي -

    طبعا الاسلوب فكاهى و ساخرو احييك على عرضك للموضوع بالطريقة الظريفة دى

    القصة دى شائكة و عليها علامات استفهام الا و هى التساهل و التغاضى المبالغ فيه من قبل رجال الامن عن السلوك المشين بسائقى السرفيس
    وطبعا لان السادة الضباط و الامناء بعضهم يمتلك تلك السيارات و على حس البهوات دول بتبقى البلطجة ماشية على ودنه

    احب اقول لما نشوف عربيات الدورية او عربيات الشرطة عموما و جواها الناس رابطه احزمة الامان و ماشيين محترمين و بنظام نعرف ساعتها ان الفئة الضالة امثال سائقى السرفيس و التاكسيات دى هاتندثر عما قريب

    انما هاقول ايه حسبى الله و نعم الوكيل فيكى يا بلد

    لا اله الا انت سبحانك انى كنت من الظالمين


  6. #6

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    انا مرة ماشي جنب جامعة مصر في 6 أكتوبر الساعة 1 بالليل .. و مفيش غيري عالطريق انا و سواق عربية نص نقل .. و انا وراه .. و شايفه عمال يضرب الكلكس المتقطع ده .. قلت يمكن فيه حد قدامه و انا مش شايفه .. قمت جي من الجنب أبص .. مفيش حد .. الراجل إتجنن !!

    غالباَ هما خلاص إتعودوا إن إيديهم عالكلاكس

    مرة واحدة إتخانقت مع حد بسبب الموضوع ده .. البطل أحمد عبد العزيز واقف تمامااااا و سواق تاكسي بيجو ورايا عمال يقلب نور و يكلكس .. و بعدين بقي مستفز و انا كنت أصلا متنرفز في اليوم ده .. قمت سايب العربية و نازله و كنا خلاص هنمسك في بعض لأنه شايف إنه مش غلطان و انا كان الكلكس جنني خلاص .. بقيت دلوقت أقفل الإزاز و أعلي الكاسيت و أنعزل عن العالم

    موضوع حلو لأن الكلاكس الكتير خاصة اللي ورا بعضه ده و متقطع أو واحد يثبت أيده علي الكلاكس دي في بعض الأيام اللي بيبقي عندي فيها مشاكل أو مضايق بتحسسني إني علي حافة الإنهيار العصبي


    Leadership is based on inspiration, not domination


  7. #7

    الصورة الرمزية دموع الثلج

    رقم العضوية : 3478

    تاريخ التسجيل : 28Nov2007

    المشاركات : 1,656

    النوع : انثى

    الاقامة : الهــــــــــــرم

    السيارة: تويوتا ياريس

    السيارة[2]: هوندا سيفك

    دراجة بخارية: لا يوجد

    الحالة : دموع الثلج غير متواجد حالياً

    افتراضي -

    اسسسسسسسكتى يا بيردى ربنا يكرمك مترفعيش ضغطى اكثر متقلبيش عليا المواجع

    انا نفسى الان والله انزل اولع فى كل المواصلات العامه والنص نقل والميكرو

    انا دمى محروق اوووووووووووووى من الغباوووووووه والاستهتار والاستعباط والفهلوله والبلطجه

    كنت معزومهعلى الفطار عند قرايبى نزلت الساعه 4ونص عشان اوصل براحتى والشارع يكون كويس
    وفى شارع احمد عرابى انا ماسكه اقصى شمااااااااااااااااااااااا اال واخده بالك لازقه فى الرصيف واذا بعيد عنك بعربيه ميكروباص الكبير اللى شبه الاتوبيس ده بياخد غرزه انا معرفش هو بيعمل ايه لقيت جمبى حاجه كده عدت بسرعه المكوك الفضائى والمساحه ضيقه وهى بتعدى اذا باخر الاكصدام الخلفى بتاع المكوك خابط فى الرفرف اليمين خبطه محترمه رجت العربيه

    بصى لا شعوريا وربنا يسامحنى دوست بنزين وووووووووووجيت قدامه بعرض الشارع وووسحبت فرامل ونزلت والله ماعرف انا كنت بقول ايه وهو نزل لقيته واد كده اخره عربجى من لياقه قميصه على طول ونزلت فيه الناس نزلت من الميكروباص معلش رمضان كريم حصل خير وهو يقولى ما تشوفى عربيتك مفيهاش حاجه وبيشاور على الجهه الشمال بيستهبلنى رحت شتمته صراحه وسحبته للناحيه اليمين اللى خبطها وشاف الخبطه جاى واحد يقولى معلش معلش ويحسس بايده كانه سمكرى بيمسح بويه الميكروباص اللى طلعت فى الرفرف عندى دى مفيهاش حاجه بفوطه تطلع
    والمطبطباطيه كثروا بئه معايـا مـامـا واختـى الصغيـــره مش عاوزه اقلبها جريمه ركبت ومشيت

    مشكلتى مش فى الخبطه كانت فى انه ازاى يعدى من مسافه ضيقه بالسرعه دى ومش هامه اللى حوليه ومش معترف بغلطه

    من يومين واحد سواق ميكرو فى ملف انا واخده اقصى شمال وبلف هو جاه من يمينى وبيلف عليا عشان يعدى قدامى والشارع اصلا مينفعش يعدى الطريق ماشى وجاى لووووووورى كبير جدا وده ععاوز يعدى قبل اللورى والله والله لف عليا وربع عربيته فجاءه بقى قدام اللورى وقف واللورى مرضيش يعديه كبس عليه راح راجع لوراء وخلى اللورى يعدى وهو راح مكمل لف عليا من الناحيه اليمين ومعدى

    الكلاكس بئه لو حد شغلى السمفونيه ونرفزنى بعمل حاجتين

    اولا بشغل له الانتظار يعنى اخرس شويه واهمد ولو زودها برضوا كلاكسات برفع الهاند بريك وانزل اسمعه كلمتين

    <font size=3><b>لا  اله الا انت سبحانك انى كنت من الظالمين</b></font>


  8. #8

    الصورة الرمزية Ramy_Ali

    رقم العضوية : 17836

    تاريخ التسجيل : 03Sep2008

    المشاركات : 292

    الحالة : Ramy_Ali غير متواجد حالياً

    افتراضي -

    هحكيلكم موقف حصل معايا
    كان معايا سيارة 128 وكنت راجع الساعة 4 فجراء فى الشتاء من طوخ للقاهرة (طريق مصر الاسكندرية الزراعى) وكان الطريق فاااااااضى خالص متشوفش عربية على مرمى البصر
    المهم انا قلت امشى على 90 القنونى وفى النص كدا مش يمين او شمال عشان اعرف اتصرف لان الدنيا كانت كحل
    المهم ونا ماشى لقين عمو الميكروباص جه من بعيد ورايا وانا شايفة فى المرايا ونورة عالى جدا والدنيا كحل فعلا حاجة تعمى فى المرايا اللى فى النص
    المهم قرب منى اوى ولزق ورايا وقعد يقلب رعاش عشان اوسعله السكة يمين او شمال
    على العلم الطريق يتسع ل 3 عربيات بجوار بعض والطريق فاضى بمعنى الكلمة مفيش غيرى انا وهوا يعنى بسهولة يعدى يمين او شمال ولكنه راسة والف سيف انى اوسعلة
    وادانى رعاشات تعمى وفعلا عنيا زغللت قوى وساعتها بقى راسى والف سيف انا كمان انى ماخرجش من حارتى وخصوصا انى ماشى على 90 قانونى (مش عارف يمكن محتقر انة يعدى من جنب 128 ولا ايه الموضوع)
    المهم راسى نشفت انا كمان
    فرحت منزل السرعة ل 80
    ثم 70
    ثم 60
    واحدة واحدة
    وهوا بردة مفيش فايدة
    رحت منزلها 50
    40
    مفيش فايدة
    دا طريق سريع
    وممكن بسهولة يعدينى
    بس الموضوع بقى عند
    رحت منزل السرعة تانى لغاية 30
    و تخيلو
    وقفت
    اه
    فى طريق سريع وفى منتصفة وقفت
    انا وقفت عشان عارف ان الطرسق فاضى وهوا اللى فى ظهرى يعنى الخطر الاكبر علية
    تخيلوا
    هوا كمان وقف
    انا اتغاظت جدا منه فقلت اغيظة بقى
    رحت فاتح باب العربية
    وخرجت رجلى وفضات قاعد فيها
    كانت مسخرة
    هوا خاف طبعا لو حد جه من ورا هيشيلة
    وطبعا الناس اللى معاة اكيد اثروا علية عشان يمشى
    المهم بعد فترة عدانى وهوا متغاظ
    رحت انا قفلت باب العربية
    ومشيت وراة
    وقلت تعالالى بقى
    واديلة رعاش
    طول الطريق وقرفتة لغاية ما وصلنا المؤسسة

    فعلا ناس رخمة
    وخصوصا الناس بتوعت النصف نقل
    على الطرق السريعة يجى وراك ويديك رعاش عشان تتاخر له
    على العلم انك بتبقى ماشى 100
    مش فاهم ايه الرخامة دى

    ----------------------------
    اسمع كلام اللى بيعرف اكتر منـــــــــــــــــــــــ ك
    اللى بيولع الاسعار ويخرب الجيـــــــــــــــــوب
    هي الفشخرة والمنظرة يا حبــــــــــــــــــــــو ب

    ----------------------------


  9. #9

    الصورة الرمزية HeMa1981

    رقم العضوية : 4207

    تاريخ التسجيل : 16Jan2008

    المشاركات : 150

    النوع : ذكر

    الاقامة : giza

    السيارة: sunny

    السيارة[2]: verna

    الحالة : HeMa1981 غير متواجد حالياً

    افتراضي -

    من غير زعل كده والله العظيم نصيحة مش اكتر
    طبعاً كل الكلام ده احنا عارفينه وعارفين الجماعة دول خاصة بتوع النقل عالدائري وخلافه بيعملوا ايه

    هو فعلاً الاسلوب ساخر لكن فيه تهكم على السواقين دول اللى فيهم الكويس والوحش
    ووصفهم بالكائنات والكلاب وهذا على سبيل التهكم وهم فى الاول والاخر خلق الله
    انا بس والله مش قصدى غير النصيحة واحنا كمان فى رمضان
    بدلاً من ان يتحمل كاتب الموضوع ذنوباً لا داعي لها


  10. #10

    الصورة الرمزية ahmed_su

    رقم العضوية : 9524

    تاريخ التسجيل : 24Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : ahmed_su غير متواجد حالياً

    Talking -

    hasad">

    اقتباس المشاركة الأصلية كتبت بواسطة birdybirdy مشاهدة المشاركة
    احيانا ترنكات (اللي هي ترننجات يعني)
    مش عارف ليه افتكرت سيد أخو شوقية

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. لمحبى العزف و الموسيقى بيانو Casio
    بواسطة Loay94 في المنتدى نايل موتورز مول
    مشاركات: 8
    آخر مشاركة: 24-02-2013, 06:54 PM
  2. لمحبى العزف و الموسيقى بيانو Casio
    بواسطة Loay94 في المنتدى نايل موتورز مول
    مشاركات: 0
    آخر مشاركة: 11-10-2012, 07:42 AM
  3. سيمفونية
    بواسطة Ahmed Galal في المنتدى مقــاطـع الفيــديـو و الكليبات و صـور للسيارات
    مشاركات: 2
    آخر مشاركة: 26-04-2010, 09:38 AM
  4. رينو .. والعزف المنفرد
    بواسطة fadynabil في المنتدى ريــــنو
    مشاركات: 4
    آخر مشاركة: 16-03-2009, 03:13 AM
  5. الكاوتش بيعمل سيمفونية فى الملفات!!!
    بواسطة tareq_khamesy في المنتدى ميتـسوبيـشى
    مشاركات: 7
    آخر مشاركة: 01-12-2008, 06:03 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2