حاجة غريبة جدا و قلقاني

**madoo007** · 28-12-2013 09:11 AM

صباح الخير علي احلي منتدى

انا عاوز رايكم فى موضوع مخليني قلقان جدا انا رحت غيرت زيت و غسلت موتور في بنزينة من بتوع شل المهم خلصت و انا خارج بدور العربية مدارتش تاني مدارتش استنيت عليها و دورتها دارت عادى
طبعا استنيت علشان الزيت يسخن و اتحرك لقيت العربية بتلع دخان من الكبود رحت فتحته و بصراحة مش عارف فيه رحت سألت الفني قالي عادي يا فندم ده طبيعي انت لسه غاسل موتور و عموما اللوجان متغيلش فيها موتور كتير

كل الكلام ده كان او امبارح و انا امبارح سافرت بالعربية بس الدخان كان اقل لما دورتها و سبتها تسخن ، العربية مفيهاش اي مشاكل من حيث السحب او اي اصوات غربية الحمد لله بس موضوع الدخان ده عاملي قلق فهل فيه حد يقدر يفسرلي ايه الحكاية

**M.Radwan** · 28-12-2013 10:02 AM

الدخان عادي عشان لسه غاسل الموتور
غياب الدوراة عشان أكيد البوجيهات جه عندها ماية.

**elsherif_2000** · 28-12-2013 10:43 AM

الدخان عادي لان الموتور و الردياتير و الفتيس عيهم ميه فبالتالي لما تدور العربيه الاجزاء دي بتسخن و الميه اللي عليهم بتتبخر فالدخان اللي انت شفته ما هو ميه بتتبخر

**svneleven** · 28-12-2013 11:36 AM

لو غسل ب جاز هيعد الدخان يطلع كده كتير. ما تقلقش.

**madoo007** · 28-12-2013 01:55 PM

ياجماعة مش عارف اشكركم ازاي علي الردود المفيدة دي

**adel_edrees** · 29-12-2013 08:37 AM

حضرتك طبعا غسلت العربية بالجاز على فكرة المرة الجاية لما تيحى تغسل موتور العربية يا تغسله بالفوم يا بالمياه بس يا جماعة الجاز بيبوظ الكاوتش و بيتفاعل معاه و بيخليه يطرى و بالتالى يتقطع يا جماعة بلاش غسيل العربية بالجاز و سيبك من الصنايعية بتوع محطات الغسيل يعنى مثلا لو حضرتك غسلت الموتور بالجاز مرة و أتنين و تلاتة حتلاقى كاوتشة الكبلن تطرى و تتقطع و بالتالى يخش التراب و بالتالى الكوبلن يطقطق و بالتالى الكوبلن يبوظ