"إنا لله وانا الية راجعون " توفى الى الله العضو صابر ابراهيم
صابر ... ابو جودي الله يرحمك
انا اسف علي الكلام اللي هقولة يمكن منكم هيقول انة مش وقتة لكن بالتاكيد ان كل شخص فيكم جواة نفس الاحساس اللي جوايا دلوقت و من ساعه ما عرفت الخبر .
اكيد كلكم بتفكرو ان الموتسيكلات خطر و الغلطة فيها ليها تمن و منكم بردو بيحاول ياخد قرار انة ما يركبش موتسيكل تاني و الاكيد ان القرار مستحيل و السبب اننا كلنا بنحب الموتسيكلات بس كلنا ورانا ناس بتحبنا و بنخاف عليهم و اكيد لو حصل حاجة الناس دي حياتها من بعدنا هتتغير و تختلف و للاسف معظم حوادث الموتسيكلات بتبقي مش خطا السائق و خاصتا اللي بيركب بقالة كتير و متمرس و مش متهور و انا متاكد ان صابر مش من الأشخاص اللي كان يمتلك كل أصول و قواعد و فن القيادة و اقل حاجة ممكن نعملها اقل حاجة بجد نحاول نوعي الناس اللي بتركب عربيات ان جزء كبير جدا مننا بيتعرض للخطر بسبب استهتارك
انا سوقت موتسيكلات في دول كتير
عشان نحاول نقارن مصر بيهم مستحيل
احنا معندناش حارة للموتسيكل معندناش شوارع نضيفة معندناش حجات كتير
برة لما بيشوفك راكب موتسيكل بيبعد عنك بيوسعلك بياخد بالة منك هنا العكس تماما عارف انك هتخاف بيهجم عليك و كتير مش بيشوفك اصلا حتي لو ما فيش غيرك في الشارع تماما و هو معدي
اقترح و بتكلم بجد جدا جدا جدا جدا
كل الجروبات تجتمع مع بعض في يوم واحد يتم التنسيق بين كل الادمن و مسئولين الجروبات و فرض مبلغ رمزي علي كل شخص يتم استخدامة في مواد دعاية و التجهيز ليوم و الإعلان عنة في قلب القاهرة و اكثر منطقة ازدحاما و في فورميشن معين نقف كلنا صف واحد كل منا بجانب موتسيكلة نحمل لافتات في محاولة لتوعية السائق و مستخدم السيارة عن دورة في الحفاظ علي اروحنا و حياتنا و إصابتنا مع صور لكل من تأذي هذا العام او توفي من حادث موتسيكل كان الخطأ خطأ سائق سيارة ....
اذا قدرنا نجذب وسائل الاعلام و الصحافة و اكبر فئة ممكنة من الشعب سوف تبداء حملة توعية و الحقيقي انها هيكون ليها فايدة كبيرة هتعم علي الكل اذا ما تم التنظيم لها بالطريقة الصحيحة
اقترح ايضا
اكبر أيفنت لكل البايكر قادم في شهر يناير ان يتم عمل لجنة من مجموعه أشخاص مختارة و المشرفين في الهيئة العامة للشباب و الرياضة و دعوة سيادة الوزير المحترم للمشاركة و ليكن يوما واحدا كل عام لمدة ساعه فقط
مصر كلها تتحدث عنة
كل الموتسيكلات كل الاسكوترات كل قائديها
و لنتقف مرة واحدة علي هدف واحد ننسي الألقاب نوع و حجم موتسيكك ام السيفتي بتاعك ابو ٨٠٠٠ ج او ابو ٣٠٠ ج موتسيكلك اذا كان ب ٢٠ الف او ب ٢٠٠ انسي الفروق و خالية ساعه واحدة في يوم واحد كلنا نجتمع فية تحت شعار واحد احنا دمنا مش رخيص
صابر و كل اللي توفاهم الله ليهم دين عندنا كان في عيش و ملح كان في ريدات و كان في حاجة اسمها بروتوكول الرايدر كان في جروب لما واحد بيعطل كلة بيقف في واحد مات كلة لازم يقف ما تدورش وشك و تمشي ما تستسلمش جرب و شوف اكيد هيبقي في نتيجة احنا مش شوية احنا كتير في مصر احنا نستاهل عندنا هواية بنحبها و بندفع تمنها حياتنا و الاسي و الحزن بنسيبة للناس اللي بتحبنا
اعملوها عشان صابر و كل اللي راحو اعملوها عشان جودي بنت صابر و عشان اولاد و زوجات كل اللي راحو اعملوها عشان أهلهم
ميدان التحرير موجود و مش هنشل حركة مرور هنقف صف واحد جنب كل رصيف في الميدان و شوارعه و نجتمع ساعه واحدة فقط ساعه واحدة فقط بس الشعب المصري كلة هيعرف هيبداء يتغير و ياخد بالة العالم كلة هيعرف ان اللي راكب موتسيكل لية تمن
استحلفكم بالله فكرو شوية
كان وارد جدا اكون انا او انت
و اخيرا
الله يرحمك يا صابر انت و كل أصحابنا و إخواننا اللي ماتو في حادثة موتسيكل
اقترح يوم الجمعه القادم اجتماع بعد صلاة الجمعه مباشرة لكل ادمن الجروبات و المسئولين و عيب عليكم لو ما حضرتوش و نفذتو عيب .......منقول
للى ميعرفش صابر ابراهيم هوا الله يرحموا هوا كان عضو فى قسم الدرجات النارية وتوفاة الله امس فى حادث