احمد بيه Respect بجد لكلامك،،،،بدأت تأثر عليا فعلا،،،،بس انت ايه رأيك مش فرحه الجديد،،،ممكن تعادلها ركوبه البى ام،، !!؟ برضه البى ام ليه هيبته وبرستيجه،،،مش كده ولا ايه !؟
عرض للطباعة
لا انت كده اجدع منى يا عم وعرفت تاخد القرار المصيرى ده بسرعه،،،المشكله ان كان معايا بيكانتو ولسه بايعها والعربيه الجايه ان شاء الله مش حفرط فيها قبل ٨..٩ سنين فبحاول اختار احسن صفقه من كل النواحى،،،بس انا بدأت اميل لموضوع الاسترا،،،،خطوه البى ام حاسسها بدرى عليها شويه يمكن لما يبقى عندى ٤٠ سنه ولا حاجه،،،،ربنا يباركلك فى عربيتك ويديك خيرها ويكفيك شرها،،،،،سيادتك معاك جولف كام لانى كنت حاطط عينى عليها بس قولت اخد الخطوه الجريئه واجيب سيدان بعد مكنت مقتنع جداً بالاسترا الهاتش باك
كلامك مظبوط طبعاً بس بصراحه انا بحب اشترى دماغى ومش غاوى فرهده انى لسه انزل والف على عربيه واكشف عليه ويطلع فيها حاجه واحتاس فى تصليحها،،مع العلم ان الحمد لله فيه القدره انى اجيب بى ام جديد مش مستعمل،،،بس النقطه فى راحه البال وانى ابقى مطمن ان عربيتى انا اول واحد يركبها،،،اتكلنا على الله،،،اوبل ان شاء الله،،،بس تعالالى بقى،،،،استرا ولا انسيجنيا هههههههههه. :36_1_1[1]:
الامر فى الاول و فى الاخر راجع ان حضرتك مايل لايه اكثر و عايزه طبعا معظم عربيات البلد دى بتتهان من الطرق ده غير فيه ناس كثير جدا يجيبوا العربيه زيرو و ينساها فتره طويله حتى ميغيرش فيها الهوا ولا صيانه دوريه ولا اى حاجه و بعدين يبيعها والى يشتريها بقى يبدا يلبس فى الحيط فرايى خليك فى الجديد لو مش عايز وجع دماغ خالص خصوصا ان حضرتك هتجيب عربيه محترمه زى الاسترا ايوه كل الجديد غالى و سعره مبالغ فيه فى مصر بس انت مش هتجيب عربيه تعبابه و سعرها عالى و خلاص زى ما ينشوف عربيات كثير لكن الاسترا عربيه كويسه جدا و محترمه و ثباتها عالى و ادائها بشكل عام كويس و فخمه و شيك بصراحه تحفه من اوبل وممكن بردو تشوف الفلوانس 2014 فيس ليفت بردو تحفه فنيه رائعه لكن لو حضرتك غاوى و حابب BMW يبقى لازم حاجتين اولا تصبر شويه لحد ما تقع على حاجه نضيفه و سعرها معقول و طبعا كشف و فحص و تمحيص فى التوكيل و من حضرتك و من اى صديق حته زى ال BMW i320 e90
كلام سيادتك قفل كل الكلام،،،، انا كنت باصصلها من وجهه نظر انى شاب لسه وبفكر ادخل عش الزوجيه قريباً فنوعاً ما برضه البى ام ليها وضعها ومكانتها وبريستيجها،،،،والحمد لله عندى القدره انى اصرف عليها،،بس كلامك سليم جداً لازم اكون عامل حسابى فى اى مطبات ممكن تطلعلى فى اى عربيه يوزد،،،،
اتكلنا على الله واتشرفت بردك عليا هنا وهناك يا باشا حقيقى
انسيجنيا فئه اعلى من الاسترا وافضل طبعا
متفق معاك جداً هو بس اللى كان مطمنى انى افكر فى مستعمل،،انها بى ام فبالتالى حتكون حاجه مضمونه برده ومفهاش قلق كبير،،،بس زى محضرتك قولت محتاجه انى اقعد الف كتير وادور والكلام ده مش حيبقى سهل بالنسبالى لطبيعه شغلى،،،والخيارات اللى حضرتك قولت عليها دى انا كنت بفكر فيها بس استبعدتها لما قارنت ما بينهم وبين الاسترا لانها اعلى منهم فى مواصفات الامان والاعتماديه وعوامل الرفاهيه،،،،باختصار عربيه العمر الطويل
:36_1_1[1]:
الزيرو زيرو ريحة الفبريكه بتخنق شوية بس للاسف بندمنها ونشتاق ليها ربنا يتوب علينا من. الادمان ده
ولاكن احياننا يبقي في فرص. (كسر زيرو بمعني الكلمه يعني عداد ميزدش عن 10000كم ) لقط متتعوضش بس تبقي عايزة صبر وطوله بال وسعة صدر و دي مش متوفره كثير عندنا
توكل علي الله وخليك في الزيرو
كلام سيادتك مظبوط جداً،،،،بس اعتقد ان اللى شارى بى اى بمبلغ وقدره صعب اوى ان يهمل فيها او ميعملهاش الصيانات الدوريه بتاعتها،،،ومعظم اللى بيبيع النوع ده من العربيات بيبعها عشان يجيب حاجه احدث مش عاشان يخلص منها،،،،بس انا متفق معاك جداً فى حته ان الاوبل حتريحنى وتريح بالى ولا بقى اشيل قلق ان يكون فيها حاجه مستخبيه وكده
الف شكر على النصيحه :))
حضرتك معاك حق جدا ان البي ام له برستيجه وله عالم تاني في الركوب ومفيش حد ميتمناش انه يركب بي ام واكيد حضرتك اكتر مني خبره لاني لسه شاب مجربتش كتير ولا بعت واشتريت
بس بغض النظر عن البي ام او الاسترا بص لمميزات المستعمل وعيوبه والزيرو مميزاته وعيوبه
الزيرو زي ما قولت حضرتك تحس ان له فرحة تانية خوفك على العربية اكتر وفرحتك بيها احلي واهتمامك بالعربية هيبقى واضح اكتر
و زي ما حضرتك قولت المبلغ ال195 الف او اكتر مبلغ ما شاء الله ربنا يزيدك كبير فلو هتشتري بيه مستعمل اعتقد يكون احسن لو حاجة لقطة وقعت في طريقك يعني واحد مضطر يبيع عربيته لانه مسافر او لان مزنوق في فلوس ربنا ما يحطنا في الموقف ده ابدا
و ده لانه هيكون متمسك بعربيته لانها حلوة ومريحاه اوووي بس مضطر عشان اي ظرف
لكن لو واحد بيبيع عشان عاوز يغير يبقى لازم تقلق لان عربية بالمبلغ ده معروضة للبيع تقلق شوية
عشان كده نصحت حضرتك تخليك في الزيرو اريح واضمن خصوصا انك بتقترح عربية ناس كتير اوي تحب تركبها
وربنا يكتب لحضرتك الخير سواء في الزيرو او المستعمل