انا بسراحة اللي قدامي دلوقتي فانتازيا بتاعت والدي لسا جايبها من أسبوعين سودا الفءه الاسبورت (كاملة بدون فتحة سقف) زينون سنسور ورا تكيف تاتش
ماشية ١٨ الف كيلو.
سودا وكيل
زيروووو من برا
سبب البيع بفضل الله بنبنو قطعة ارض
عرض للطباعة
والله يا باشا مش زي منتا فاكر انا فكرت في العربيه في شهر مارس واشتريت في سبتمبر وعانيت كتير جدا reviews وقرايه كنت بذاكر تقريبا واستقريت على الجولف 7 في الاخر وفعلا عربيه مبهره وسحبها فوق الوصف وبجد احسن من عربيات كتير ركبتها وفي عزل الصوت ممتازه و built quality محترمه....والصراحه الاسترا الهاتش باك احلى ميت مره من السيدان في نظري.....اقتباس:
المشاركة الأصلية كتبت بواسطة Mr_revenger
خليك فى الزيرو
افضل بكتيييييير من اي مستعمل
وانت معاك مبلغ كويس جدا ممكن يدخلك فى كزا نوع عربيه مختلف ..... منها :
- فلوانس (توب لاين)
- فوكس
- كورولا
- شارك
- امبريزا
- استرا
- سيراتو (هاي لاين)
- ريو (هاي لاين)
- كارينز
وحاجات تانيه كتير مش فاكرها دلوقت
وكمان علي كلامك انك ماعندكش مشكله لو زودت وتجيب حاجات اعلي ..... منها :
- بيجو 508
- اوبل انسيجنيا
- اوكتافيا a7
- جولف 7
- سيتروين c5
- ix35
- سبورتاج
لكن نصيحتي ابتعد عن المستعمل فى المبلغ الكبير ده
ولو عايز بي ام او مرسيدس او اودي ....... جديد افضل بمراحل
بالتوفيق ان شاء الله
والله يا باشا انا بعد كومنتات الناس المحترمه كلها اللى هنا،،،اقتنعت بان الزيرو لا يعلى عليه حتى وان كان المستعمل ماركه كبيره ومعروفه،،،بس فعلا مفيشامتع من انك تبقى اول رجل فى العربيه،،،بالنسبه للخيارات اللى حضرتك طرحتها كلها حاجات محترمه بس حتبقى كبيره اوى عليا،،،انا سينجلاوى ولسه متجوزتش فمعظم العربيات دى فى المرحله الحاليه مش حتبقى عمليه لا لظروفى العائليه ولا العمريه،،،انا حتى كنت بفكر فى الانسيجنيا بس لقيت ان بردو حجمها كبير عليا فا فالغالب كفه الاسترا هى اللى طبت يا كبيير
ابوس ايدك يا عم متلعبش فى دماغى تانى،،،انا دماغى كانت حتنفجر فى المفاضله بين الهاتش والسيدان ولحد دلوقتى الهاتش طالعه من عينى،،،بس حسبتها بالعقل لقيت ان حرام ادفع ١٠٠٠٠ جنيه زياده فى الهاتش،،،واوبشنز اقل،،،مفهاش مرايات تعتيم ولا بلوتوث ولا سينسور بارك والجنط شكل قديم وشنطتها اصغر من السيدان،،،،مع انى من عشاق الهاتش بصوره مرعبه بس فعلا محبط انى اجيب الهاتش واضحى بالاوبشنز دى كلها
سؤال فى السريع كده،،هو الجولف ٧ جديد عامله كام نااو وكام هورس باور،،،،،والفتيس ال dsg عامل معاك ايه،،،ده كارثه لوحده خلتنى ابعد عن الجولف عامه،،،،،،،،ربنا يباركلك فيها يا رب ويديك خيرها ويكفيك شرها
انت كده بتفكر صح ............. الزيرووووووووووو افضل ركوبه
اما بالنسبة للخيارات المطروحه عندك :
جولف 7 ........ زي اختيارك (بس خلي بالك من الفتيس dsg بلاش منها احسن)
ميجان 3 هاتش.............. جمال ودلع وسحب وحركات
ريو هاتش ........ نفس الجمال والدلع
امبريزا ........... قوه ووسع وكماليات
الاسترا ........... كويسه جدا وقويه
ياريت تقولنا رسيت علي ايه
بالتوفيق مقدما
دمت فى امان الله
من ناحية تانيه الزيرو مش بس ريحه حلوه او اول رجل تدوس العربيه ...... كمان انت اللي حتحس بسحب العربيه الاصلي وانت اللي حتعرف خباياها وتفاصيلها
انا مثلا شاري عربيتي من التوكيل وكانت مستعمله استعمال خفيف 18 الف كم وحالتها ممتازه,,,,
ولسه من كام يوم بشوف اخبار الفوجات اللي مايتنورش وبدور فى علبة الفيوزات وعرفت انه فيه 4 فيوزات احطياطي ...... لقيت واحد بس والباقي مالقيتوش
ده مثل واحد بس علي المستعمل والفرق بينه وبين الجديد ....... الضمان وحق قطع الغيار وحاجات كتير
خليك فى الطريق الصح (الجديد)
لا ياعم انا مش قصدي انا عارف انك مش ناقص حيره بس نصيحه بجد سمعتها من واحد بتاع ريفيوهات اسمه flavin قاللكاقتباس:
المشاركة الأصلية كتبت بواسطة Mr_revenger
Buy what you like the most...
ف اعمل بيها وسيبك من اي حاجه تاني....بص الجولف انا مش عايز اتحيز لها بس بجد والله موتور فوق الخيال هو 140 حصان تربو وعشان تبقه عارف برضو بتجيب ال 100في 8.4 وفي نفس الوقت بتجيب جامد من غير ما تحرق عشان العزم 250 nm على rpm 1700 في بجد العربيه تديك ايحاء 200 حصان
ثانيا ال dsg انا بعشقه الصراحه وهو 90% من متعة العربيه نقلات بسرعه رهيبه مش بتحس بيها نهائي والحمدلله حتى الان 5 الاف كيلو بدون اي مشاكل.....الفكره انك تتعود بس على الفتيس لانه غير الاوتوماتيك العادي خالص ف هتلاقي في حجات غريبه محتاجه تعود......العربيه لسه ب 225 الف فئه اولى الفئه التانيه 250 الف....
اه صحيح في موضوع في قسم الاوكتافيا اسمه الاوكتافيا a7 العيوب والمزايا اللي اتفق عليها ملاكها عامله العضو شاهين - بنز كان بيوصف فيه الموتور لو عايز تبص بصه...
تسلم يا باشا على النصيحه وانا ان شاء الله استقريت على الاوبل،،بس للاسف لسه بفاضل بين الاسترا والانسيجنيا،،،،عارف حضرتك لما تحاول تتخيل نفسك فى اى عربيه تانيه وتلاقى انك مش لايق فيها،،اهو انا عامل كده مع الالمانى،،كل متخيل نفسى فى حاجه تانيه احس انها مش راكبه،،،اختيارات اللى حضرتك كتبتها كلها محترمه،،بس انا بهتم جداً بلمسات الشياكه والاناقه وممكن عشانها اضحى بنقط تانيه،،،وبصراحه قولى رايك فى شكل صالون الاسترا والزراير اللى فيها مع الاضاءه الليد جوه،،هل تستاهل تختارها ولا ممكن تفكر فى عربيه تانيه !؟
وحتى لو اتحيزت للجولف،،هى عربيه محترمه وتستاهل التحيز طبعاً،،،بس للاسف كعاده معظم المصريين خفت منها من اللى سمعته عن فتيسها وقد ايه ناس ياما لبسوا فى الحيطه بسببه وانا شخصياً ابن عمتى غير جير بوكس بتاع فانتازيا كلفه ٣٥ الف مع العلم ان الاتنين نفس التكنولوجيا اللى هى dsg ،،انا معرفش ايه السبب اللى بيخليه يضرب وبصراحه معرفش الفرق بينه وبين الستيب ترونك ايه،،،،
تانى حاجه كنت عاوز اسالك،،،انت متجوز ولا اعزب،،،لان اظن لو متجوز حتاخد فى الحسبان اوى موضوع وسع الشنطه والصالون من جوه مع العلم انك بالسعر ده او ازيد حاجه بسيطه كنت ممكن تجيب جيتا او اول فئه فى الباسات
انا خايف اختار الهاتش فى الاسترا واندم بعد كده انى ضحيت بالشنطه الاكبىر والاوبشنز الاكتر والسعر الاقل