مشكلتين في العربية قد يكون لهم علاقة ببعض

**MaaM** · 29-12-2013 01:51 PM

المشاركة الأصلية كتبت بواسطة egyption2012

روحت لكهربائي علي اده

في الأسترا البرازيلي بالذات ماينفعش كهربائي على قده
لأن العربية فيها حاجات كتير مرتبطة بالكنترول ، دا غير فيوازتها اللولبية ! زي فيوز نور الصالون مسئول في نفس الوقت عن تشغيل مروحة التبريد !
فلازم تروح لـ كهربائي شغال في العربيات الحديثة والأفضل يكون اشتغل في الاسترا البرازيلي كذا مرة

**alameer81** · 29-12-2013 03:23 PM

جدير بالذكر ان طلمبه الباور كهربا

**m7nsh** · 29-12-2013 06:19 PM

المشاركة الأصلية كتبت بواسطة maam

طيب للإفادة يعني هو عرف انه سليم ازاي ؟
لأن كل لما اروح لواحد بيقيسه بالجهاز ماشوفتش حد قبل كدا عرفه انه تعبان بالنظر !
عموما شحن الدينامو المفروض يجيب معاك فوق 12.5 فولت على أقصى أحمال يعني مشغل التكييف والنور العالي
لأنه لو نزل عن الحد ده يبقى انت كدا بتستهلك البطارية بدل ما بتشحنها
ولو طلع ضعيف شوية بيجرب انه يزود أرضي من برا كدا ولو زاد ساعتها هايحتاج تقوية للأرضي عن طريق كابل هايوصله بين الطرف السالب للبطارية وبين جسم الموتور ، الكابل عندك موجود بالفعل لكن لعدة اسباب ممكن يكون ضعف عشان كدا بيزود كابل تاني عليه وطبعا بالمرة تزود معاه كابل للكهرباء
أما لو القياس ضعيف خالص وبتجربة الكابل مافرقش معاه ، يبقى في الحالة ديه هاتغير دينامو وده تكلفته استيراد حوالي 200 جنيه تقريباً للـ 120 أمبير

الله ينور يا محمود بك .. بس فى سؤال ايه موضوع 120 امبير دا ؟ يعنى فى كذا دينامو لنفس العربيه ؟؟

**MaaM** · 29-12-2013 08:32 PM

لا هي نزلت 120 امبير
لكن فيه امبير اقل بس لعربيات تانية غير الاسترا البرازيلي

Sent from my HTC

**egyption2012** · 29-12-2013 11:45 PM

شكرا لتفاعلكم الرائع
بالتأكيد مينفعش اروح لكهربائي علي اده
بس الفكرة انها كانت مجرد استشارة وفهمته اني مستعجل ومش حقدر اعمل فيها شغل ساعتها
بكرة حروح اشوف حد كويس في الحرفيين يبصلي عليها وعلي الدينامو ان شاء الله
بس المشكلة ان الحرفيين بتقفل بدري
ومشكلة النور مش حتبان غير بليل فقط

**m7nsh** · 30-12-2013 12:39 AM

ربنا معاك وبالتوفيق و طمنا عملت ايه ؟

**egyption2012** · 05-01-2014 06:35 AM

المشكلة كانت في سير شحن الدينامو
مقطوع بشكل طولي مع انه لسه سليم
الميكانيكي قالي ان البلية مع المشي بترحل السير شوية للجنب
لحد ما يحصل القطع
طلب مني امشي بالعربية النهاردة وبكرة
وارجعله بيها بإذن الله عشان يشوف المشكلة اتحلت ولا لسه قائمة بعد ما ظبط البلية
شكرا لتفاعلكم معي