المشاركة الأصلية كتبت بواسطة saddam
صديقي المواطن
أوعدك لو خلصت عربية قريب من العربيات إن بس حال البلد يتصلح وممكن أنزلها في أوتوماك اﻷهرام وهم كل سنة بيكلموني على قسمين الدور اﻷرضي بتاع العربيات الكلاسك وجنبه قسم العربيات المتعدلة ولكن أنا أبتغي الكمال والكمال لله وحده فجايز أنا شايف حاجة في العربية لا ترتقي لمستوى المنافسة العالمية فبيزعجني أعرضها ولكن أنا إنتو كل يوم بتشجعوني بصراحة وأحيانا أقول مع نفسي قسما بالله لو عندي قناة فضائية كنت صنعت أول عربية مصرية بأيادي مصرية ﻷن مشكلة العربيات في مصر مش صناعتها ولكن تسويقها وتكاليف اﻹعلان خرافية 150 ألف جنيه للإعلان الواحد في القنوات المتشافة أما الحسد فلا تقلق أنا مؤمن والحسد لا يصيب إلا من ضعف أو تخلخل إيمانه ومشكلة الصور صدقني أتعبتني ولكن أنا فعلا أخاف من أن تقلد وأفقد تميزي في الشارع ولكن سيبها للصدفة وأنا عندي وحده من العربيات حتخلص خلال كام شهر ودي أنا تعبت بيها جامد وساعتها ممكن المنتدى يعمل يوم للأعضاء جميل وممكن أحضر بيها وتصوروها براحتكم ونقعد نتناقش ونشوف الحياة حتمشي إزاي وصدقني أنا عارف آخرة القصص دي 100 ولا 200 واحد حيقلك إنت نادر وإنت عبقري وإنت مبتكر والقصص دي بس لما تروح بيتك بالليل حتكون مخدتش غير الكلام ولا أي فائدة وطبعا أنا مش مستني حد ينفعني بحاجة عشان كده تلاقيني مش من هواة عرض الصور ولا من هواة دخول مسابقات تعديلات ﻷني بعمل العربية عشان أشوفها أنا أولا وعشان تعجب مجتمعات تانية غير مجتمعات هواة تعديل السيارات
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال