الموضوع: ﺻﺪﻳﻘﻲ ﺍﻟﻤﻮﺍﻃﻦ ﺍﻟﻨﻬﺎﺭﺩﻩ ﻣﻄﻠﻮﺏ ﻣﺮﺳﻴﺪﺱ 280 ﻣﻦ 1975 ﻭﺣﺘﻰ 1980

المشاركة الأصلية كتبت بواسطة hugan

موجود عندي مع زميل في الشغل 280 s el
لكن للاسف بحاله ممتازه اوتوماتيك وتكييف شغال وفرش الفابريكه
اظن مش هاتناسبك

صديقي المواطن
شكرا لتفاعلك الكريم
أظن مش حتنفعني لسبب بسيط ﻷنها مع صاحبها لو من تاجر كانت نفعتني ﻷن التاجر عايز يخلص منها وكمان حيكسب فيها ﻷنه زود عليا بسبب القسط وﻷني بقيت مشهور في عالم التقسيط فمفيش مشكلة إلا إني مش لاقي العربية مرة من سنة لقيت واحده ب 9 آلاف بتاعت ظابط وعليها 4 سنين ضريبة بس للأسف طلب عربون 4000 وأنا دفعتله عربون 2000 وبعديها سبته وخدت خنزيرة ثم 180 ثم 3 عربيات تانية
والسبب الثاني إنها مش حتتفعني هو إن عندي سياسة في الشد والتعديل العربية لو كانت نظيفة مثلا حصرف عليها 50 ألف ولو كانت واقعة من فوق السطح برضو حصرف عليها 50 ألف فكلما كانت تعبانة كان أفضل لي
وعلى عكس كل الناس عندنا في المنتدى بيكرهوا الشراء من التجار ﻷن معظم الزملاء هنا مستجدين أو خبرتهم ضعيفة في عالم السيارات لكن أنا ببقه سعيد لما أشتري من تاجر خصوصا لما يعرف إنك فاهم وفاقس كل حركاته وعارف إنه ملصم العربية وبعد متتباع كل التلزيق يوقع ويبان بس أحيانا بلاقي عربيات متها ماشية وسليمة ورخصة سارية بيدلل عليها ب 12 و 14 ألف ومحدش بيسلم عليه أساسا وفيه كمان ناس شاربة مقلب في نفسها وبيقلك ب 45 و 55 ألف أصلها كانت عند السفير اﻹيراني وكان الشاه بيلف فيها وطبعا مبتتباعش نهائي
فأنا عايز الناس الواقعية وقولا واحدا أنا 99% فاقد اﻷمل من بيع أو شراء في منتدانا الكريم هنا تلاقي ناس محترمة وتصاحب دكاترة ومحامين ومحاسبين وتروح عزومات وتعزم ناس ولكن من ناحية الفائدة فمعظمه كلام كتير وكفته مفيش ولو ليه حاجة عندك يرفعك فوق السماء بمديحه ولما تخلص حاجته ميسألش حتى عليك تاني ولما يبعتلك رسالة عالخاص لطلب المشورة وتصلني عشرات الرسائل يوميا فتخصص من وقتك وتجاربك وترد عليه بيزعلني أحيانا ميردش و لو بكلمة شكر والحق يقال أيضا فيه ناس قمة الخلق وأنا بحبهم زي حضرتك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال