للمرة المليون جنوووووووووط للبيع

**vito amen** · 28-12-2013 11:51 PM

يا جماعة عندى جنوط مقاس 16 الاربعة ريشة كانو راكبين فى عربيتى موديل 2008 وعلى فكرة هى ميجان اكستريم ودى جنوطها اللى نازلة بيها عشان ناس كتير بتفتكر انها جنوط قديمة وعايز ابيعهم بقالى فترة ومافيش حد كلمنى خالص وبصراحة انا عايز اخلص منهم عشان عاملين ليا زحمة ومش محتاجهم
وللأمانة الجنوط حالتها تعتبر جيدة ماعدا الجنط الرابع عايز تعديل

وانا مش عارف ابيعهم على كام خصوصا ان رحت بيهم لواحد بتاع جنوط قالى سعر خلانى عايز اتف فى وشه لما قالى هاخدهم ب 500 جنيه

ياريت اللى محتاج الجنوط يكلمنى ويقولى سعر محترم بما يرضي الله وانا زى ماقلتلكم حالة الجنوط تعتبر جيدة والجنط اللى محتاج تعديل انا سالت عليه كويس اكتر من حد معدل وفيه ناس شافته قالو عادى جدا ومافيش منه اى خطورة خالص خصوصا لو اتعمل عند الملك الصالح

اسف للإطالة بس اتمنا الاقى حد ياخدهم

**hwk** · 29-12-2013 01:56 AM

معاهم كاوتش ولالا يا باشا وممكن صوره لو من على النت لان الميجان فيه من جنوطها 3 اشكال تقريبا نزلو

**Ahmed Koller** · 29-12-2013 08:30 AM

ممكن صور ليهم

**تامر.محمد** · 29-12-2013 09:30 AM

بص , اولا : في حالة انك بتبيع جنوط لازم تحط صور ليها و يستحب تكون صور لجنوطك نفسها
ثانيا : السعر اللي قالهولك الراجل هبل طبعا
ثالثا : انا مش فاكر كنت عارضهم بكام , بس نصيحة انزل محلات الاستيراد و شوف نفس جنوطك دي بنفس الحالة معروضة بكام و اعرضهم على نفس السعر او اقل حاجة بسيطة