طب لو سمحت هو ايه الفرق بينها وبين الخليجي في نفس الفئه يعني الخليجي اللي زيها بكام
عرض للطباعة
طب لو سمحت هو ايه الفرق بينها وبين الخليجي في نفس الفئه يعني الخليجي اللي زيها بكام
هما قالو ان ده كان عيب في الفتيس اول منزل كانت متنقلش الا لما تجيب اخر تقله لغايه ال ٦ كده وده في الاوتو مش ستيب ترونك روحنا التوكيل والصراحه متكلموش كتير خدو العربيه جرب لقي فعلا في عيب في الفتيس غيره كامل علي الضمان وقالنا انها يعني عيوب واحد في المليوون والحمدلله من ساعه ما اتصلحت عندهم وكله زي الفل ماشي بيها علي الفتيس الجديد ٢٠ الف والحمدلله مفيش مشاكل وده سبب حبي في الصمان بتاع التوكيل انه لما حاجه غلط بيغيرها وخلاص
شكرا لحضرتك علي المعلومات
وأنا فعلا رحت جربتها بنفسي وطلعت عفشتها ناعمه جدا وجميله وان شاء الله هاعمل تقرير بالتجربه علشان حصلي حاجه ماكنتش متوقعها وانا سايق السيراتو أو غير السيراتو.
بس انا عندي سؤال مهم جدا وسألته اكترمن مره في أكتر من مكان وماحدش جاوبني عليه:
هل قطع غيار السيراتو متوفره خارج التوكيل بوفره زي الموديل القديم مثلا ولا لأ , لأن العربيه ماأخدتش حقها وماإنتشرتش زي انتشار القديمه؟؟؟؟؟؟؟؟؟؟
مبروك يا باشا
ما شاء الله وربنا يباركلك فيها
عندى سؤال لحضرتك لو سمحت
انا كان معايا فولكس واجن بورا وبعتها واشتريت اكسنت 2012 وطبعا كانت غلطه عمرى لأنى كنت راكب عربيه تقيله وزنها 2 طن وبعدها ركبت عربيه خفيفه مش بعرف اتحكم فيها بعد الـ 90 !!!
هو يمكن الموضوع مش مشكله عربيه اوى على قد ما هو مشكله فيا انا
انا اتعودت على سواقه معينه مع الالمانى التقيل .. المهم بعت الاكسنت واشتريت جولف 5 موديل 2005
هى معايا دلوقتى بس بصراحه حابب اركب سيراتو الجديده
فهل السيراتوا ثباتها وتقلها ع الارض زى الاكسنت ولا زى اليابانى مثلا ؟
يعنى لو اشتريتها بعد الجولف هيحس بنفس الاحساس السيئ بتاع الاكسنت rb ؟؟
معلش طولت عليكم
الف الف الف مبروك
واهم حاجة انها تكوم ثابتة
وربنا يديك خرها ويكفيك شرها
مشكوووووور والله يعطيك الف عافيه
ربنا يعطيك خيرها ويكفيك شرها
الف مبروك و ربنا يديلك خيرها و يكفيك شرها و عيون الحاسدين و اللون ده ما شاء الله جميل جدا
الف مبروك ربنا يعطيك خيرها ويكفيك شرها
يا باشا سيراتو ايه اللي ذي ال rb !!! في فرق كبير طبعا و رلسيراتو ثابتا جدا و العزل الممتاز بتعها بيخليك متحسش بالسرعه خالص و الفلكس ستيرنج لما تحطه علي الاسبورت بتلاقي التاره تقيله جدا و ماسكه نفسها علي السرعات بالامانه حتعجبك جدا و حاجه تانيه خالص غير الالنترا في موضوع البور ده.
بصي انا جربت ال sx بالجنط ١٧ و كانت ممتازه في الثبات و العزل و عدم الاحساس بالسرعه خصوصا علي الاسبورت مود معرفش بقي الفئات الاقل بالجنوط الاقل و بدون فلكس ستيرنج بالاسبورت مود حتبقي عملا اذاي
بص يافندم انا الصراحه مركبتش الجولف عشان اقولك ديه في الثبات احسن منها ولا لا بس كل اللي اقدر اقوله لحضرتك انك لحد ال 140 انت قاعد مش حاسس بحاجه بمعني كلمه ولا حاسس انك بتجري ولا اي حاجه وعن تجربه اول ما توصل لل 170 هتحس انك بتجري وتبدا تشعر بالسرعه انما بتكون ثابته واي استفسار انا تحت امرك
تمام يا باشا انا كده عرفت ان مفيش مقارنه بين السيراتو وبين الاكسنت rb
بس بعد اذنك سؤال لأن واضح انك فاهم وبتتكلم عن خبره مش مجرد سمع
طبعآ انت عارف الامانى وثباته العالى .. انا لما هبيع الجولف واجيب السيراتو اكيد هحس بفرق بس المهم ميكونش كبير زى الاكسنت !!
لكن تعتقد حضرتك ان الفرق هيبقى زى الفرق بين الالمانى واليابانى مثلا ؟
يعنى السيراتو ثباتها زى الصنى الشكل القديم مثلا ؟
انا سوقت الصنى الشكل القديم 2010 وثباتها كان مقبول يعنى مقارنتآ بالجولف والبورا
وشكرآ لأهتمامك
ألف مبروك العربية :)
و ربنا يبارك لك فيها و يعطيك خيرها و يكفيك شرها و يحفظها من العين
بعد اذن حضرتك انا لما جربت العربيه (وهي أكيد عربيه هايله طبعا ومختلفه تماما عن السيراتو القديمه) أنا لا حظت ان صوت الموتور مسموع جوه الكابينه ولكن طبعا مش مزعج؟؟
هل حضرتك لاحظت الكلام ده
وتاني حاجه انا لما فتحت التكييف علي أقوي حاجه ماحسيتش ان في هوا بااارد طالع علي وشي مع اننا في الشتا والجو تلج والعربيه جديده فهل حضرتك جربت التكييف بتاعها ولا لأ؟؟؟؟
انت كنت عامل موضوع عن تجربه السيراتو وانا كنت سالتك عن العزل هو عامة ياخد 7/10 زى الالنترا تقريبا اما التكييف فهو فى الصيف لو شغلت المروحه على 3 الصبح بيبقى تلج و بالليل على 2 كفايه اوى اما 1 بيبقى مش حاسس بيه اوى اكيد ان عملت تست للطرق العاديه؟؟
Sent from my GT-S5282 using Forum Runner
نسيت اقول ان موضوع التكييف لازم تعليه شويه فى الهاي لاين علشان فى كذا فتحه لدرج التخزين و الخلفى
Sent from my GT-S5282 using Forum Runner
بالنسبه ليا انا جربت التكييف وهو الصراحه بالنسبالي ممتاز والهوا بيكون ساقع جد ده من وجهه نظري واوقت بوجهه بعيد عن وشي وعن مكان ايدي اللي علي الدركسيون لانها بتسقع جامد
بالنسبه لصوت الماتور اه لما بعمل كيك بسمع صوت الماتور بس بالنسبالي بحس انه موسيقي حلوه
ما شاء الله
الف مبروك واختيار للون جميل
مبروك و الله يعطيك خيرها و يكفيك شرها . عندي سوأل
هل العربيه فيها أمبولايزر و ولا عادي ولا زرار أستارت؟
اسف علي التاخير في الرد
انا سوقت الصني الشكل القديم لمده سنتان و طبعا ثبات السيراتو الجديده افضل بكتير !!! و عزل السيراتو كمان حلو جدا الصني عزلها من اسوء ما يكون علي السرعات العاليه
عموما لو ثبات الصني القديمه مرض بالنسبالك يبقي السيراتو حتعجبك جدا بس هاتها sx لو بتمشي في طرق كويسه علشان الفلكس باور علي اسبورت مود بيفرق جدا في موضوع الثبات ده و كمان علشان الجنط ١٧ ثباته اعلي بس لو بتمشي في طرق مكسره كتير و بلاعات يبقي بلاش