الموضوع: تقرير عن كيا سيراتو 2014

الف الف الف مبروك
واهم حاجة انها تكوم ثابتة
وربنا يديك خرها ويكفيك شرها

الف مبروك ربنا يعطيك خيرها ويكفيك شرها

المشاركة الأصلية كتبت بواسطة esam_ayad

شكرا لحضرتك علي المعلومات
وأنا فعلا رحت جربتها بنفسي وطلعت عفشتها ناعمه جدا وجميله وان شاء الله هاعمل تقرير بالتجربه علشان حصلي حاجه ماكنتش متوقعها وانا سايق السيراتو أو غير السيراتو.
بس انا عندي سؤال مهم جدا وسألته اكترمن مره في أكتر من مكان وماحدش جاوبني عليه:
هل قطع غيار السيراتو متوفره خارج التوكيل بوفره زي الموديل القديم مثلا ولا لأ , لأن العربيه ماأخدتش حقها وماإنتشرتش زي انتشار القديمه؟؟؟؟؟؟؟؟؟؟

مقدرش افيدك في موضوع قطع الغيار اذا كانت متوفره برا التوكيل ولا لا عشان مكونش بفتي وبقول كلام غير صحيح بس من ناحيه الانتشار فهي بدات في الانتشار الملحوظ

المشاركة الأصلية كتبت بواسطة shaker_alz

مبروك يا باشا

الله يبارك فييك يافندم واتمني يكون عجبك التقرير

المشاركة الأصلية كتبت بواسطة ahmed azaizy

ما شاء الله وربنا يباركلك فيها
عندى سؤال لحضرتك لو سمحت
انا كان معايا فولكس واجن بورا وبعتها واشتريت اكسنت 2012 وطبعا كانت غلطه عمرى لأنى كنت راكب عربيه تقيله وزنها 2 طن وبعدها ركبت عربيه خفيفه مش بعرف اتحكم فيها بعد الـ 90 !!!
هو يمكن الموضوع مش مشكله عربيه اوى على قد ما هو مشكله فيا انا
انا اتعودت على سواقه معينه مع الالمانى التقيل .. المهم بعت الاكسنت واشتريت جولف 5 موديل 2005
هى معايا دلوقتى بس بصراحه حابب اركب سيراتو الجديده
فهل السيراتوا ثباتها وتقلها ع الارض زى الاكسنت ولا زى اليابانى مثلا ؟
يعنى لو اشتريتها بعد الجولف هيحس بنفس الاحساس السيئ بتاع الاكسنت rb ؟؟
معلش طولت عليكم

بص يافندم انا الصراحه مركبتش الجولف عشان اقولك ديه في الثبات احسن منها ولا لا بس كل اللي اقدر اقوله لحضرتك انك لحد ال 140 انت قاعد مش حاسس بحاجه بمعني كلمه ولا حاسس انك بتجري ولا اي حاجه وعن تجربه اول ما توصل لل 170 هتحس انك بتجري وتبدا تشعر بالسرعه انما بتكون ثابته واي استفسار انا تحت امرك